ਤੇਜ ਝੱਖੜ ਅਤੇ ਮੀਹ ਨਾਲ ਨਵਵਿਆਹੁਤੇ ਜੋੜੇ ਹੋਈ ਮੌਤ

ਅੰਮ੍ਰਿਤਸਰ, ਗੁਰਪ੍ਰੀਤ ਸਿੰਘ,12 ਜੁਲਾਈ : ਬੀਤੀ ਰਾਤ ਆਏ ਤੇਜ ਝੱਖੜ ਅਤੇ ਮੀਹ ਨਾਲ ਅੰਮ੍ਰਿਤਸਰ ਸ਼ਹਿਰ ਦੇ ਇਲਾਕੇ ਢਪੱਈ ਵਿੱਚ ਇਕ ਮਕਾਨ ਦੇ ਕਮਰੇ ਦੀ ਖਸਤਾ ਹਾਲ ਛੱਤ ਡਿੱਗਣ ਨਾਲ ਨਵਵਿਆਹੁਤੇ ਜੋੜੇ ਦੀ ਮੌਤ ਹੋ ਜਾਣ ਦਾ ਦਰਦਨਾਕ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਜਾਣਕਾਰੀ ਅਨੁਸਾਰ ਅਮਰਜੀਤ ਸਿੰਘ ਵਾਸੀ ਗਲੀ ਲੌਹਰਾਂਵਾਲੀ ਪਿੰਡ ਢੱਪਈ ਥਾਣਾਂ ਗੇਟ ਹਕੀਮਾਂ ਦੇ 7 ਮਹੀਨੇ ਪਹਿਲਾ ਗ੍ਰਹਿਸਤੀ ਜੀਵਨ ‘ਚ ਬੱਝੇ ਪੁੱਤਰ ਰਵਿੰਦਰ ਸਿੰਘ ਅਤੇ ਨੂੰਹ ਹਰਪ੍ਰੀਤ ਕੌਰ ਰੋਜ ਵਾਂਗ ਖਾਣਾ ਖਾਕੇ ਆਪਣੇ ਕਮਰੇ ਵਿੱਚ ਸੌ ਰਹੇ ਸਨ ਤਾਂ ਰਾਤ ਸਮੇ ਆਏ ਤੇਜ ਝੱਖੜ ਅਤੇ ਮੀਹ ਕਾਰਨ ਉਨਾਂ ਦੇ ਕਮਰੇ ਦੀ ਛੱਤ ਡਿੱਗ ਜਾਣ ਨਾਲ ਉਨਾਂ ਦੀ ਮਲਬੇ ਹੇਠਾਂ ਦੱਬਕੇ ਮੌਤ ਹੋ ਗਈ। ਜਿਸ ਦਾ ਪਤਾ ਲੱਗਣ ਤੇ ਭਾਂਵੇ ਮਹੱਲਾ ਵਾਸੀਆਂ ਤੇ ਪ੍ਰੀਵਾਰ ਵਲੋ ਉਨਾਂ ਨੂੰ ਬਚਾਉਣ ਦੀ ਕੋਸ਼ਿਸ ਕੀਤੀ ਗਈ ਪਰ ਉਹ ਦਮ ਤੋੜ ਚੁੱਕੇ ਸਨ।

ਸੂਚਨਾ ਮਿਲਣ ਤੇ ਪੁਲਿਸ ਵਲੋ ਮੌਕੇ ‘ਤੇ ਪਾਹੁੰਚ ਕਾਗਜੀ ਕਾਰਵਾਈ ਕੀਤੀ ਗਈ। ਜਦੋਕਿ ਪ੍ਰੀਵਾਰ ਨੇ ਗੁਆਂਢੀਆਂ ਉਪਰ ਅਧਿਕਾਰਤ ਤੌਰ ਤੇ ਬਨੇਰੇ ਦੀ ਉਚੀ ਕੀਤੀ ਕੰਧ ਡਿੱਗਣ ਕਾਰਨ ਇਹ ਮੌਤਾ ਹੋਣ ਦਾ ਦੋਸ਼ੳ ਲਗਾਂਉਦਿਆ ਕਾਰਵਾਈ ਦੀ ਮੰਗ ਕੀਤੀ ਹੈ।ਜਿਸ ਲਈ ਉਨਾਂ ਵਲੋ ਇਤਰਾਜ ਵੀ ਕੀਤਾ ਗਿਆ ਸੀ। ਜਦੋਕਿ ਮਹੱਲਾ ਵਾਸੀਆਂ ਨੇ ਪ੍ਰਸ਼ਾਸਨ ਤੋ ਪੀੜਤ ਪ੍ਰੀਵਾਰ ਨੂੰ ਯੋਗ ਮੁਆਵਜਾ ਦੇਣ ਦੀ ਮੰਗ ਕੀਤੀ ਹੈ।