Punjab
ਕਿਸਾਨ ਅੰਦੋਲਨ ਲਾਈਵ: ਕਿਸਾਨ 21 ਫਰਵਰੀ ਨੂੰ ਦਿੱਲੀ ਲਈ ਹੋਣਗੇ ਰਵਾਨਾ ,ਐਲਾਨ ਕਰਨ ਮਗਰੋਂ ਬਾਰਡਰ ਤੇ ਵਧਾਈ ਗਈ ਸੁਰੱਖਿਆ
20 ਫ਼ਰਵਰੀ 2024: ਕਿਸਾਨਾਂ ਨੇ ਦਾਲ, ਉੜਦ, ਅਰਹਰ (ਤੂਰ), ਮੱਕੀ ਅਤੇ ਕਪਾਹ ਦੀਆਂ ਫ਼ਸਲਾਂ ਲਈ ਠੇਕੇ ਦੀ ਸ਼ਰਤ ‘ਤੇ ਘੱਟੋ-ਘੱਟ ਸਮਰਥਨ ਮੁੱਲ (ਐੱਮਐੱਸਪੀ) ਦੀ ਗਰੰਟੀ ਦੇਣ ਦੇ ਕੇਂਦਰ ਸਰਕਾਰ ਦੇ ਪ੍ਰਸਤਾਵ ਨੂੰ ਠੁਕਰਾ ਦਿੱਤਾ ਹੈ। ਕਿਸਾਨ ਆਗੂ ਸਰਵਣ ਸਿੰਘ ਪੰਧੇਰ ਨੇ ਕਿਹਾ ਕਿ ਉਹ ਸਰਕਾਰ ਨਾਲ ਗੱਲਬਾਤ ਜਾਰੀ ਰੱਖਣਗੇ। 21 ਫਰਵਰੀ ਨੂੰ ਸਵੇਰੇ 11 ਵਜੇ ਦਿੱਲੀ ਲਈ ਰਵਾਨਾ ਹੋਣਗੇ।
ਲਾਈਵ ਅਪਡੇਟ:
ਸ਼ੰਭੂ ਬਾਰਡਰ ‘ਤੇ ਸ਼ਾਂਤੀ
ਅੰਬਾਲਾ ‘ਚ ਸ਼ੰਭੂ ਸਰਹੱਦ ‘ਤੇ ਅਜੇ ਵੀ ਸ਼ਾਂਤੀ ਬਹਾਲ ਹੈ। ਪਰ ਕਿਸਾਨ 21 ਫਰਵਰੀ ਨੂੰ ਦਿੱਲੀ ਵੱਲ ਮਾਰਚ ਕਰਨ ਦੀਆਂ ਤਿਆਰੀਆਂ ਵਿੱਚ ਜੁਟੇ ਹੋਏ ਹਨ। ਕਿਸਾਨ ਮਿੱਟੀ ਨਾਲ ਭਰੀਆਂ ਗੱਡੀਆਂ ਨੂੰ ਟਰੈਕਟਰਾਂ ਵਿੱਚ ਲੱਦ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਹਾਈਡਰਾ, ਪੋਪਲੇਨ ਵਰਗੀਆਂ ਮਸ਼ੀਨਾਂ ਵੀ ਲਿਆਂਦੀਆਂ ਜਾ ਰਹੀਆਂ ਹਨ। ਵਾਟਰ ਕੈਨਨ ਬੁਆਏ ਨਵਦੀਪ ਜਲਬੇੜਾ ਨੂੰ ਜ਼ਿੰਮੇਵਾਰੀ ਦਿੱਤੀ ਗਈ ਹੈ। ਹਾਲਾਂਕਿ ਕਿਸਾਨਾਂ ਨੇ ਅਜੇ ਤੱਕ ਇਹ ਖੁਲਾਸਾ ਨਹੀਂ ਕੀਤਾ ਹੈ ਕਿ ਉਹ ਘੱਗਰ ਦਰਿਆ ਵਿੱਚੋਂ ਲੰਘਣਗੇ ਜਾਂ ਘੱਗਰ ਦੇ ਪੁਲ ’ਤੇ ਬੋਰੀਆਂ ਪਾਉਣਗੇ।
ਕਿਸਾਨਾਂ ਨੇ ਰੱਸੀ ਬੰਨ੍ਹ ਕੇ ਬਣਾਈ ਇੱਕ ਵਿਸ਼ੇਸ਼ ਲਾਈਨ
ਪੰਜਾਬ-ਹਰਿਆਣਾ ਸ਼ੰਭੂ ਸਰਹੱਦ ‘ਤੇ ਪ੍ਰੈੱਸ ਕਾਨਫਰੰਸ
ਕਿਸਾਨ ਆਗੂ ਸਰਵਣ ਸਿੰਘ ਪੰਧੇਰ ਨੇ ਦਿੱਲੀ ਵੱਲ ਕਿਸਾਨ ਮਾਰਚ ਸਬੰਧੀ ਪੰਜਾਬ-ਹਰਿਆਣਾ ਸ਼ੰਭੂ ਸਰਹੱਦ ‘ਤੇ ਪ੍ਰੈਸ ਕਾਨਫਰੰਸ ਕੀਤੀ।
