ਖੱਟੀਆਂ ਮਿੱਠੀਆਂ ਯਾਦਾਂ ਛੱਡ ਗਿਆ Paris Olympic 2024

ਆਖਰਕਾਰ, ਪੈਰਿਸ ਓਲੰਪਿਕ 2024 ਆਪਣੇ ਆਖਰੀ ਪੜਾਅ ‘ਤੇ ਆ ਗਿਆ ਹੈ। ਟੂਰਨਾਮੈਂਟ ਦਾ ਆਖਰੀ ਦਿਨ ਅੱਜ (11 ਅਗਸਤ) ਖੇਡਿਆ ਜਾ ਰਿਹਾ ਹੈ। 16 ਦਿਨਾਂ ਤੱਕ ਚੱਲੇ ਇਸ ਮਹਾਕੁੰਭ ਵਿੱਚ ਖੇਡ ਪ੍ਰੇਮੀਆਂ ਨੂੰ ਕਾਫੀ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲੇ। ਪ੍ਰਸ਼ੰਸਕ ਇਨ੍ਹਾਂ ਪਲਾਂ ਨੂੰ ਹਮੇਸ਼ਾ ਆਪਣੇ ਦਿਮਾਗ ‘ਚ ਯਾਦ ਰੱਖਣਗੇ। ਭਾਰਤੀ ਟੀਮ ਦੇ ਦ੍ਰਿਸ਼ਟੀਕੋਣ ਤੋਂ ਪੈਰਿਸ ਓਲੰਪਿਕ ਦੀ ਗੱਲ ਕਰੀਏ ਤਾਂ ਇਸ ਵਾਰ ਦਾ ਟੂਰਨਾਮੈਂਟ ਮਿਲਿਆ-ਜੁਲਿਆ ਰਿਹਾ। ਇਸ ਵਾਰ ਦੇਸ਼ ਨੂੰ ਓਲੰਪਿਕ ਵਿੱਚ ਕੁੱਲ 6 ਤਗਮੇ ਮਿਲੇ ਹਨ। ਇਸ ਵਿੱਚ 1 ਚਾਂਦੀ ਅਤੇ 5 ਕਾਂਸੀ ਦੇ ਤਗਮੇ ਸ਼ਾਮਲ ਹਨ। ਇਸ ਵਾਰ ਦੇਸ਼ ਦੇ ਦਿੱਗਜ ਖਿਡਾਰੀ ਇਕ ਵੀ ਸੋਨ ਤਮਗਾ ਜਿੱਤਣ ਵਿਚ ਅਸਫਲ ਰਹੇ।

ਭਾਰਤ 6 ਤਗ਼ਮਿਆਂ ਨਾਲ ਤਗ਼ਮਾ ਸੂਚੀ ਵਿੱਚ 71ਵੇਂ ਸਥਾਨ ’ਤੇ ਹੈ। ਹੁਣ ਜਦੋਂ ਟੂਰਨਾਮੈਂਟ ਲਗਭਗ ਖਤਮ ਹੋ ਗਿਆ ਹੈ, ਸਾਰਿਆਂ ਦੀਆਂ ਨਜ਼ਰਾਂ ਗ੍ਰੈਂਡ ਫਿਨਾਲੇ ਸਮਾਰੋਹ ‘ਤੇ ਟਿਕੀਆਂ ਹੋਈਆਂ ਹਨ। ਟੂਰਨਾਮੈਂਟ ਦਾ ਸਮਾਪਤੀ ਸਮਾਰੋਹ ਪੈਰਿਸ ਦੇ ਸਟੈਡ ਡੀ ਫਰਾਂਸ ਵਿਖੇ ਹੋਵੇਗਾ।

ਭਾਰਤੀ ਖੇਡ ਪ੍ਰੇਮੀ ਦੇਸ਼ ਵਿੱਚ ਸਮਾਪਤੀ ਸਮਾਰੋਹ ਕਦੋਂ, ਕਿੱਥੇ ਅਤੇ ਕਿਵੇਂ ਦੇਖ ਸਕਦੇ ਹਨ?

ਪੈਰਿਸ ਓਲੰਪਿਕ 2024 ਦਾ ਸਮਾਪਤੀ ਸਮਾਰੋਹ ਕਦੋਂ ਹੋਵੇਗਾ?

ਪੈਰਿਸ ਓਲੰਪਿਕ 2024 ਦਾ ਸਮਾਪਤੀ ਸਮਾਰੋਹ 11 ਅਗਸਤ (ਭਾਰਤ ਵਿੱਚ 12 ਅਗਸਤ) ਨੂੰ ਹੋਵੇਗਾ। ਦੇਸ਼ ਦੇ ਖੇਡ ਪ੍ਰੇਮੀ ਇਸ ਸ਼ਾਨਦਾਰ ਸਮਾਰੋਹ ਨੂੰ ਸਥਾਨਕ ਸਮੇਂ ਮੁਤਾਬਕ ਦੁਪਹਿਰ 12:30 ਵਜੇ (ਸੋਮਵਾਰ) ਤੋਂ ਦੇਖ ਸਕਦੇ ਹਨ।

ਪੈਰਿਸ ਓਲੰਪਿਕ 2024 ਦਾ ਸਮਾਪਤੀ ਸਮਾਰੋਹ ਕਿੱਥੇ ਹੋਵੇਗਾ?

ਪੈਰਿਸ ਓਲੰਪਿਕ 2024 ਦਾ ਸਮਾਪਤੀ ਸਮਾਰੋਹ ਪੈਰਿਸ ਦੇ ਸਟੈਡ ਡੀ ਫਰਾਂਸ ਵਿਖੇ ਹੋਵੇਗਾ।

ਪੈਰਿਸ ਓਲੰਪਿਕ 2024 ਦੇ ਸਮਾਪਤੀ ਸਮਾਰੋਹ ਵਿੱਚ ਕੀ ਹੋਵੇਗਾ

ਸਮਾਪਤੀ ਸਮਾਰੋਹ ਦੌਰਾਨ, ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਅਤੇ ਆਈਓਸੀ ਦੇ ਪ੍ਰਧਾਨ ਥਾਮਸ ਬਾਕ ਸਟੇਜ ‘ਤੇ ਇਕੱਠੇ ਹੋਣਗੇ ਅਤੇ ਆਪਣੀਆਂ ਭਾਵਨਾਵਾਂ ਸਾਂਝੀਆਂ ਕਰਨਗੇ। ਇਸ ਤੋਂ ਬਾਅਦ, ਇਮੈਨੁਅਲ ਮੈਕਰੋਨ ਅਧਿਕਾਰਤ ਤੌਰ ‘ਤੇ ਲਾਸ ਏਂਜਲਸ ਦੇ ਪ੍ਰਤੀਨਿਧੀ ਨੂੰ ਓਲੰਪਿਕ ਝੰਡਾ ਸੌਂਪਣਗੇ, ਜੋ ਆਗਾਮੀ ਓਲੰਪਿਕ 2028 ਦਾ ਮੇਜ਼ਬਾਨ ਹੈ।