ਗੁਰਦਾਸਪੁਰ ਵਿੱਚ ਇਕ ਖੋਖੇ ਨੂੰ ਢਾਉਣ ਦਾ ਮਾਮਲਾ ਲਗਾਤਾਰ ਗਰਮਾਉਂਦਾ ਜਾ ਰਿਹਾ ਖੋਖੇ ਨੂੰ ਬਚਾਉਣ ਲਈ ਵਿਧਾਇਕ ਪਾਹੜਾ ਨੇ ਸਾਰੀ ਰਾਤ ਖੋਖੇ ਦੇ ਬਾਹਰ ਦਿੱਤਾ ਪਹਿਰਾ

ਪੰਜਾਬ ਸਰਕਾਰ ਦੇ ਵੱਲੋਂ ਸਰਕਾਰੀ ਜ਼ਮੀਨਾਂ ਤੋਂ ਨਾਜਾਇਜ਼ ਕਬਜ਼ੇ ਹਟਾਉਣ ਦੀ ਸ਼ੁਰੂ ਕੀਤੀ ਗਈ ਮੁਹਿੰਮ ਦੇ ਤਹਿਤ ਗੁਰਦਾਸਪੁਰ ਸ਼ਹਿਰ ਦੇ ਹਰਦੋਛੰਨੀ ਰੋਡ ਤੇ ਸਥਿਤ ਇਕ ਖੋਖੇ ਦੇ ਮਾਲਕ ਖ਼ਿਲਾਫ਼ ਕੁਝ ਵਿਭਾਗਾਂ ਵੱਲੋਂ ਸ਼ੁਰੂ ਕੀਤੀ ਗਈ ਕਾਰਵਾਈ ਦਾ ਮਾਮਲਾ ਲਗਾਤਾਰ ਗਰਮਾਉਂਦਾ ਜਾ ਰਿਹਾ ਹੈ ਖੋਖੇ ਨੂੰ ਢਾਹੁਣ ਲਈ ਪ੍ਰਸਾਸ਼ਨ ਨੇ ਸਵੇਰੇ ਤੜਕੇ ਕਾਰਵਾਈ ਕਰਨੀ ਸੀ ਪਰ ਇਸ ਬਾਰੇ ਜਦੋ ਗੁਰਦਾਸਪੁਰ ਤੋਂ ਕਾਂਗਰਸੀ ਵਿਧਾਇਕ ਬਰਿੰਦਰਮੀਤ ਸਿੰਘ ਪਾਹੜਾ ਨੂੰ ਪਤਾ ਲਗਾ ਤਾਂ ਉਹ ਇਸ ਖੋਖੇ ਨੂੰ ਬਚਾਉਣ ਲਈ ਸਾਰੀ ਰਾਤ ਆਪਣੇ ਸਮਰਥਕਾਂ ਨਾਲ ਖੋਖੇ ਦੇ ਬਾਹਰ ਹੀ ਮੰਝਾ ਢਾਹ ਕੇ ਬੈਠੇ ਰਹੇ ਉਹਨਾਂ ਕਿਹਾ ਕਿ ਸਿਆਸੀ ਸ਼ਹਿ ਤੇ ਇਸ ਗਰੀਬ ਖੋਖੇ ਵਾਲੇ ਨੂੰ ਟਾਰਗੇਟ ਕੀਤਾ ਜਾ ਰਿਹਾ ਹੈ ਉਹਨਾਂ ਕਿਹਾ ਕਿ ਜੇਕਰ ਨਜਾਇਜ ਕਬਜੇ ਹਟਾਉਣੇ ਹਨ ਤਾਂ ਪੂਰੇ ਸ਼ਹਿਰ ਵਿਚੋਂ ਹਟਾਏ ਜਾਣ 

ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਖੋਖੇ ਦੇ ਬਾਹਰ ਬੈਠੇ ਗੁਰਦਾਸਪੁਰ ਤੋਂ ਵਿਧਾਇਕ ਬਰਿੰਦਰਮੀਤ ਸਿੰਘ ਪਾਹੜਾ ਨੇ ਕਿਹਾ ਕਿ ਸਿਆਸੀ ਸ਼ਹਿ ਦੇ ਉੱਪਰ ਇਸ ਖੋਖੇ ਨੂੰ ਟਾਰਗੇਟ ਕੀਤਾ ਜਾ ਰਿਹਾ ਹੈ ਅਤੇ ਕੁਝ ਦਿਨ ਪਹਿਲਾਂ ਖੋਖੇ ਦਾ ਮੀਟਰ ਕੱਟ ਦਿੱਤਾ ਗਿਆ ਸੀ ਤੇ ਪ੍ਰਸ਼ਾਸਨ ਵੱਲੋਂ ਅੱਜ ਇਹ ਖੋਖਾ ਢਾਇਆ ਜਾਣਾ ਸੀ ਪਰ ਜਦੋ ਉਹਨਾਂ ਪਤਾ ਲਗਾ ਤਾਂ ਪੂਰੀ ਰਾਤ ਇਸ ਖੋਖੇ ਦੀ ਨਿਗਰਾਨੀ ਵਿੱਚ ਸੜਕ ਉਪਰ ਹੀ ਸੁੱਤੇ ਰਹੇ ਵਿਧਾਇਕ ਬਰਿੰਦਰਮੀਤ ਸਿੰਘ ਪਾਹੜਾ ਨੇ ਕਿਹਾ ਕਿ ਮੈਂ ਕਿਸੇ ਨਾਲ ਵੀ ਧੱਕਾ ਨਹੀਂ ਹੋਣ ਦਿਆਂਗਾ ਜੇਕਰ ਪ੍ਰਸ਼ਾਸਨ ਧੱਕੇ ਨਾਲ ਇਹ ਖੋਖਾ ਚੁਕਦਾ ਹੈ ਤਾਂ ਅਸੀਂ ਧਰਨਾ ਲਗਾ ਕੇ ਚੱਕਾ ਜਾਮ ਕਰਾਂਗੇ ਜੇਕਰ ਉਸਤੋਂ ਬਾਅਦ ਗੁਰਦਾਸਪੁਰ ਸ਼ਹਿਰ ਦਾ ਮਾਹੌਲ ਖਰਾਬ ਹੁੰਦਾ ਹੈ ਤਾਂ ਉਸ ਦਾ ਜਿੰਮੇਵਾਰ ਪ੍ਰਸ਼ਾਸਨ ਹੋਵੇਗੀ