ਸੰਨੀ ਲਿਓਨ ਦੇ ਫੈਸ਼ਨ ਸ਼ੋਅ ਵਾਲੀ ਥਾਂ ‘ਤੇ ਗ੍ਰੇਨੇਡ ਹੋਇਆ ਧਮਾਕਾ, ਆਈ.ਈ.ਡੀ ਦਾ ਕੀਤਾ ਗਿਆ ਇਸਤੇਮਾਲ

ਇੰਫਾਲ ‘ਚ ਸ਼ਨੀਵਾਰ ਨੂੰ ਇਕ ਫੈਸ਼ਨ ਸ਼ੋਅ ਦੇ ਸਥਾਨ ਨੂੰ ਇਕ ਜ਼ਬਰਦਸਤ ਧਮਾਕੇ ਨੇ ਹਿਲਾ ਕੇ ਰੱਖ ਦਿੱਤਾ। ਅਭਿਨੇਤਰੀ ਸੰਨੀ ਲਿਓਨ ਐਤਵਾਰ ਨੂੰ ਇਸ ਪ੍ਰੋਗਰਾਮ ‘ਚ ਸ਼ਿਰਕਤ ਕਰਨ ਵਾਲੀ ਸੀ। ਹਾਲਾਂਕਿ, ਮਨੀਪੁਰ ਦੀ ਰਾਜਧਾਨੀ ਦੇ ਹੱਟਾ ਕਾਂਗਜੇਬੁੰਗ ਖੇਤਰ ਵਿੱਚ ਵਾਪਰੀ ਇਸ ਘਟਨਾ ਵਿੱਚ ਕੋਈ ਜ਼ਖਮੀ ਨਹੀਂ ਹੋਇਆ, ਇੱਕ ਅਧਿਕਾਰੀ ਨੇ ਦੱਸਿਆ।

ਇਹ ਧਮਾਕਾ ਘਟਨਾ ਵਾਲੀ ਥਾਂ ਤੋਂ ਮਹਿਜ਼ 100 ਮੀਟਰ ਦੀ ਦੂਰੀ ‘ਤੇ ਸ਼ਨੀਵਾਰ ਸਵੇਰੇ ਕਰੀਬ 6.30 ਵਜੇ ਹੋਇਆ। ਅਧਿਕਾਰੀ ਨੇ ਦੱਸਿਆ ਕਿ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਕਿ ਧਮਾਕੇ ਵਿੱਚ ਆਈਈਡੀ ਜਾਂ ਗ੍ਰਨੇਡ ਦੀ ਵਰਤੋਂ ਕੀਤੀ ਗਈ ਸੀ। ਉਨ੍ਹਾਂ ਕਿਹਾ ਕਿ ਫਿਲਹਾਲ ਕਿਸੇ ਵੀ ਅੱਤਵਾਦੀ ਸੰਗਠਨ ਨੇ ਇਸ ਧਮਾਕੇ ਦੀ ਜ਼ਿੰਮੇਵਾਰੀ ਨਹੀਂ ਲਈ ਹੈ।