ਮੁੜ ਜਪਾਨ ਦੇ ਪ੍ਰਧਾਨ ਮੰਤਰੀ ਚੁਣੇ ਗਏ ਸ਼ਿਗੇਰੂ ਇਸ਼ੀਬਾ

ਜਾਪਾਨ ਦੀ ਲਿਬਰਲ ਡੈਮੋਕ੍ਰੇਟਿਕ ਪਾਰਟੀ (ਐੱਲ. ਡੀ. ਪੀ.) ਦੇ ਨੇਤਾ ਸ਼ਿਗੇਰੂ ਇਸ਼ੀਬਾ ਨੂੰ ਜਾਪਾਨ ਦੀ ਸੰਸਦ ਦੇ ਦੋਹਾਂ ਸਦਨਾਂ ‘ਚ ਸਭ ਤੋਂ ਜ਼ਿਆਦਾ ਵੋਟਾਂ ਮਿਲਣ ਤੋਂ ਬਾਅਦ ਦੇਸ਼ ਦਾ ਪ੍ਰਧਾਨ ਮੰਤਰੀ ਚੁਣਿਆ ਗਿਆ। ਪ੍ਰਧਾਨ ਮੰਤਰੀ ਦੀ ਚੋਣ ਲਈ ਸੰਸਦ ਨੇ ਸੋਮਵਾਰ ਦੁਪਹਿਰ ਨੂੰ ਇੱਕ ਅਸਧਾਰਨ ਸੈਸ਼ਨ ਬੁਲਾਇਆ। ਪਿਛਲੇ ਮਹੀਨੇ ਦੀਆਂ ਆਮ ਚੋਣਾਂ ਵਿੱਚ ਐਲ.ਡੀ.ਪੀ ਅਤੇ ਕੋਮੇਇਟੋ ਦੇ ਸੱਤਾਧਾਰੀ ਗੱਠਜੋੜ ਨੇ ਆਪਣਾ ਲੰਬੇ ਸਮੇਂ ਤੋਂ ਰੱਖਿਆ ਬਹੁਮਤ ਗੁਆ ਦਿੱਤਾ, ਇਸ ਲਈ ਇਹ ਵੋਟ ਮੁੱਖ ਵਿਰੋਧੀ ਸੰਵਿਧਾਨਕ ਡੈਮੋਕ੍ਰੇਟਿਕ ਪਾਰਟੀ ਦੇ ਨੇਤਾ ਇਸ਼ੀਬਾ ਅਤੇ ਯੋਸ਼ੀਹਿਕੋ ਨੋਡਾ ਵਿਚਕਾਰ ਦੂਜੇ ਗੇੜ ਦੇ ਮੁਕਾਬਲੇ ਵਿੱਚ ਬਦਲ ਗਿਆ।

ਪ੍ਰਤੀਨਿਧ ਸਦਨ ਵਿੱਚ ਵੋਟਿੰਗ ਦੇ ਦੂਜੇ ਗੇੜ ਵਿੱਚ 67 ਸਾਲਾ ਇਸ਼ੀਬਾ ਨੂੰ 221 ਵੋਟਾਂ ਮਿਲੀਆਂ, ਜਿਸ ਨਾਲ ਉਹ ਨੋਡਾ ਨੂੰ ਪਛਾੜ ਕੇ ਦੇਸ਼ ਦੇ 103ਵੇਂ ਪ੍ਰਧਾਨ ਮੰਤਰੀ ਬਣ ਗਏ। ਹਾਲਾਂਕਿ ਉਹ 233 ਬਹੁਮਤ ਸੀਮਾ ਤੋਂ ਘੱਟ ਰਹੇ। ਇੱਥੇ ਦੱਸ ਦੇਈਏ ਕਿ ਸੱਤਾਧਾਰੀ ਗੱਠਜੋੜ ਨੂੰ ਹਾਲ ਹੀ ’ਚ ਇੱਕ ਦਹਾਕੇ ਤੋਂ ਵੱਧ ਸਮੇਂ ’ਚ ਆਪਣੀ ਸਭ ਤੋਂ ਵੱਡੀ ਚੋਣ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਸ ਕਾਰਨ ਉਨ੍ਹਾਂ ਨੂੰ ਸਹੁੰ ਚੁੱਕਣ ਤੋਂ ਇਕ ਮਹੀਨੇ ਬਾਅਦ ਹੀ ਦੂਜੀ ਕੈਬਨਿਟ ਬਣਾਉਣ ਲਈ ਮਜਬੂਰ ਹੋਣਾ ਪਿਆ।ਇਸ਼ੀਬਾ ਦੀ ਲਿਬਰਲ ਡੈਮੋਕ੍ਰੇਟਿਕ ਪਾਰਟੀ (ਐੱਲਡੀਪੀ) ਤੇ ਸਹਿਯੋਗੀ ਕੋਮੇਇਟੋ ਨੇ 27 ਅਕਤੂਬਰ ਨੂੰ ਹੋਈਆਂ ਚੋਣਾਂ ’ਚ 465 ਮੈਂਬਰੀ ਹੇਠਲੇ ਸਦਨ ’ਚ ਆਪਣਾ ਬਹੁਮਤ ਗਵਾ ਲਿਆ।

ਸੱਤਾਧਾਰੀ ਗੱਠਜੋੜ ਨੂੰ ਐੱਲਡੀਪੀ ਆਗੂਆਂ ‘ਤੇ ਲੱਗੇ ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਕਾਰਨ ਹਾਰ ਦਾ ਮੂੰਹ ਦੇਖਣਾ ਪਿਆ ਸੀ। ਆਮ ਚੋਣਾਂ ਦੇ 30 ਦਿਨਾਂ ਦੇ ਅੰਦਰ ਨਵੇਂ ਨੇਤਾ ਦੀ ਚੋਣ ਲਈ ਜ਼ਰੂਰੀ ਵੋਟਿੰਗ ਲਈ ਸੋਮਵਾਰ ਨੂੰ ਸੰਸਦ ਦਾ ਵਿਸ਼ੇਸ਼ ਸੈਸ਼ਨ ਬੁਲਾਇਆ ਗਿਆ ਸੀ। 30 ਸਾਲਾਂ ’ਚ ਦੇਸ਼ ’ਚ ਹੋਈ ਪਹਿਲੀ ਦੌੜ ‘ਚ ਇਸ਼ੀਬਾ ਨੇ ਵਿਰੋਧੀ ਧਿਰ ਦੇ ਨੇਤਾ ਯੋਸ਼ੀਹਿਕੋ ਨੋਡਾ ਨੂੰ 221 ਦੇ ਮੁਕਾਬਲੇ 160 ਵੋਟਾਂ ਨਾਲ ਹਰਾਇਆ।ਹਾਲਾਂਕਿ ਬਹੁਮਤ ਲਈ ਲੋੜੀਂਦੀਆਂ 233 ਸੀਟਾਂ ਤੋਂ ਘੱਟ ਨੇ ਪਰ ਦੇਸ਼ ਦੀ ਕਮਾਨ ਇਸ਼ੀਬਾ ਦੇ ਹੱਥ ਆ ਗਈ ਹੈ।

ਇਸ ਤੋਂ ਬਾਅਦ ਈਸ਼ੀਬਾ ਸੋਮਵਾਰ ਰਾਤ ਆਪਣੀ ਨਵੀਂ ਕੈਬਨਿਟ ਦੀ ਸ਼ੁਰੂਆਤ ਕਰਦੇ ਹੋਏ ਦਿਖਾਈ ਦੇ ਰਹੀ ਹੈ। ਇਸ਼ੀਬਾ ਨੇ ਵਿਦੇਸ਼ ਮੰਤਰੀ ਤਾਕੇਸ਼ੀ ਇਵਾਯਾ, ਰੱਖਿਆ ਮੰਤਰੀ ਜਨਰਲ ਨਕਾਤਾਨੀ ਅਤੇ ਮੁੱਖ ਕੈਬਨਿਟ ਸਕੱਤਰ ਯੋਸ਼ੀਮਾਸਾ ਹਯਾਸ਼ੀ ਸਮੇਤ ਆਪਣੇ ਪਿਛਲੇ ਮੰਤਰੀ ਮੰਡਲ ਦੇ ਜ਼ਿਆਦਾਤਰ ਮੈਂਬਰਾਂ ਨੂੰ ਫਿਰ ਤੋਂ ਨਿਯੁਕਤ ਕੀਤਾ। ਹਾਲਾਂਕਿ ਉਨ੍ਹਾਂ ਨੂੰ ਆਪਣੀ ਸੀਟ ਗੁਆਉਣ ਵਾਲੇ ਤਿੰਨ ਲੋਕਾਂ ਨੂੰ ਬਦਲਣਾ ਪਿਆ।ਮੰਤਰੀ ਮੰਡਲ ਦੇ ਨਵੇਂ ਚਿਹਰਿਆਂ ਵਿੱਚ ਕੀਸੁਕੇ ਸੁਜ਼ੂਕੀ ਨੂੰ ਨਿਆਂ ਮੰਤਰੀ, ਟਾਕੂ ਈਟੋ ਨੂੰ ਖੇਤੀਬਾੜੀ ਮੰਤਰੀ ਅਤੇ ਕੋਮੇਇਟੋ ਦੇ ਹੀਰੋਮਾਸਾ ਨਕਾਨੋ ਨੂੰ ਭੂਮੀ ਮੰਤਰੀ ਵਜੋਂ ਸ਼ਾਮਲ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਇਸ਼ੀਬਾ ਦੀ ਪਹਿਲੀ ਕੈਬਨਿਟ ਵਿੱਚੋਂ ਹੋਰ ਅਸਾਮੀਆਂ ਭਰਨ ਦੀ ਉਮੀਦ ਹੈ।