Punjab
ਬਰਾਤੀਆਂ ਦੀ ਖੜੀ ਬੱਸ ‘ਚ ਟਿੱਪਰ ਨੇ ਪਿੱਛੋਂ ਮਾਰੀ ਟੱਕਰ,ਦੋ ਵਿਅਕਤੀ ਗੰਭੀਰ ਜਖ਼ਮੀ
30 ਨਵੰਬਰ 2023: ਫਰੀਦਕੋਟ ਦੇ ਕੋਟਪੁਰਾ ਰੋਡ ਤੇ ਸਥਿਤ ਸ਼ਾਹੀ ਹਵੇਲੀ ਦੇ ਨੇੜੇ ਬਰਾਤੀਆਂ ਦੀ ਖੜੀ ਬੱਸ ਵਿੱਚ ਤੇਜ ਰਫਤਾਰ ਇੱਕ ਟਿੱਪਰ ਨੇ ਪਿੱਛੋਂ ਟੱਕਰ ਮਾਰ ਦਿੱਤੀ ਜਿਸਦੇ ਚਲਦਿਆਂ ਬੱਸ ਵਿੱਚ ਸਵਾਰਕ ਕੁਝ ਲੋਕਾਂ ਦੇ ਸੱਟਾਂ ਲੱਗੀਆਂ ਹਨ ਜਿਨਾਂ ਵਿੱਚੋਂ ਦੋ ਗੰਭੀਰ ਜ਼ਖਮੀ ਹੋ ਗਏ ਜਿਨਾਂ ਨੂੰ ਇਲਾਜ ਲਈ ਫਰੀਦਕੋਟ ਦੇ ਮੈਡੀਕਲ ਕਾਲਜ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ ਹੈ। ਮੌਕੇ ਤੇ ਖੜੇ ਲੋਕਾਂ ਨੇ ਦੱਸਿਆ ਕਿ ਇਹ ਬਰਾਤ ਫਰੀਦਕੋਟ ਤੋਂ ਬੱਸ ਵਿੱਚ ਸਵਾਰ ਹੋ ਕੇ ਬਠਿੰਡਾ ਜਾ ਰਹੀ ਸੀ ਅਤੇ ਪਾਣੀ ਲੈਣ ਲਈ ਇਹ ਇਥੋਂ ਦੀ ਸ਼ਾਹੀ ਹਵੇਲੀ ਹੋਟਲ ਦੇ ਨੇੜੇ ਰੁਕੇ ਸਨ ਅਤੇ ਜਦ ਇਹਨਾਂ ਦੀ ਬੱਸ ਸੜਕ ਕਿਨਾਰੇ ਖੜੀ ਸੀ ਤਾਂ ਤੇਜ਼ ਰਫਤਾਰ ਟਿੱਪਰ ਪਿੱਛੋਂ ਦੀ ਆਇਆ ਅਤੇ ਉਸਨੇ ਬੱਸ ਨੂੰ ਜੋਰਦਾਰ ਟੱਕਰ ਮਾਰ ਦਿੱਤੀ।
ਮੌਕੇ ਤੇ ਪੁੱਜੇ ਥਾਨਾ ਸਿਟੀ ਦੇ ਸਬ ਇੰਸਪੈਕਟਰ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਪੁਲਿਸ ਵੱਲੋਂ ਪੂਰੇ ਮਾਮਲੇ ਦੀ ਪੜਤਾਲ ਕੀਤੀ ਜਾ ਰਹੀ ਹੈ ਅਤੇ ਨਿਯਮਾਂ ਮੁਤਾਬਕ ਅਗਲੀ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾਵੇਗੀ।
