ਅਦਿਤੀ ਅਸ਼ੋਕ ਨੇ ਇੱਕ ਸ਼ਾਟ ਨਾਲ ਗੁਆਇਆ ਮੈਡਲ, ਫਿਰ ਵੀ ਓਲੰਪਿਕ ‘ਚ ਰਚਿਆ ਇਤਿਹਾਸ

ਨਵੀਂ ਦਿੱਲੀ : ਭਾਰਤ ਦੀ ਨੌਜਵਾਨ ਗੋਲਫਰ ਅਦਿਤੀ ਅਸ਼ੋਕ (Aditi Ashok) ਟੋਕੀਓ ਓਲੰਪਿਕ ਵਿੱਚ ਇਤਿਹਾਸ ਰਚਣ ਤੋਂ ਖੁੰਝ ਗਈ। ਉਸਦਾ ਇਹ ਇਕ ਸ਼ਾਟ ਉਸਦੇ ਪਿਛਲੇ ਤਿੰਨ ਦਿਨਾਂ ਤੋਂ ਉਸ ਦੇ ਪ੍ਰਦਰਸ਼ਨ ‘ਤੇ ਭਾਰੀ ਪੈ ਗਿਆ ਅਤੇ ਉਸ ਨੂੰ ਮੈਡਲ ਤੋਂ ਦੂਰ ਕਰ ਦਿੱਤਾ ਗਿਆ ।

ਅਦਿਤੀ ਮਹਿਲਾ ਦੇ ਵਿਅਕਤੀਗਤ ਸਟ੍ਰੋਕ ਪਲੇਅ ਵਿੱਚ ਚੌਥੇ ਸਥਾਨ ‘ਤੇ ਰਹੀ। ਸ਼ੁੱਕਰਵਾਰ ਨੂੰ ਖ਼ਤਮ ਹੋਏ ਤੀਜੇ ਦੌਰ ਤੋਂ ਬਾਅਦ ਅਦਿਤੀ ਦੂਜੇ ਸਥਾਨ ‘ਤੇ ਰਹੀ। ਅਦਿਤੀ ਅੱਜ (ਸ਼ਨੀਵਾਰ) ਚੌਥੇ ਦੌਰ ਵਿੱਚ ਲਗਾਤਾਰ ਚੋਟੀ -4 ਵਿੱਚ ਰਹੀ। ਅਦਿਤੀ ਅਸ਼ੋਕ ਨੇ ਆਪਣੇ ਆਖਰੀ ਸ਼ਾਟ ਵਿੱਚ ਬਰਡੀ ਲੈਣ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਅਸਫਲ ਰਹੀ। ਸਿਰਫ ਇਕ ਝਟਕੇ ਨੇ ਉਸ ਤੋਂ ਇਤਿਹਾਸਕ ਮੈਡਲ ਖੋਹ ਲਿਆ। ਦੱਸ ਦਈਏ ਕਿ ਅਮਰੀਕਾ ਦੀ ਨੇਲੀ ਕੋਰਡਾ ਨੇ ਸੋਨ ਤਗਮਾ ਜਿੱਤਿਆ ਹੈ

ਵਿਸ਼ਵ ਦੀ ਨੰਬਰ ਇਕ ਗੋਲਫਰ ਨੇਲੀ ਕੋਰਡਾ ਨੇ ਦੋ ਅੰਡਰ 69 ਦੇ ਨਾਲ 17 ਅੰਡਰ ਦੇ ਕੁੱਲ ਦੇ ਨਾਲ ਸੋਨ ਤਮਗਾ ਜਿੱਤਿਆ । ਮੇਜ਼ਬਾਨ ਜਾਪਾਨ ਦੀ ਮੋਨੇ ਇਨਾਮੀ ਨੇ ਚਾਂਦੀ ਦਾ ਤਗਮਾ ਜਿੱਤਿਆ, ਜਦੋਂ ਕਿ ਰੀਓ ਓਲੰਪਿਕ ਦੀ ਚਾਂਦੀ ਤਮਗਾ ਜੇਤੂ Lydia Ko ਨੇ ਕਾਂਸੀ ਦਾ ਤਗਮਾ ਜਿੱਤਿਆ।

ਅਦਿਤੀ 13 ਵੇਂ ਹੋਲ ਤਕ ਦੂਜੇ ਸਥਾਨ ‘ਤੇ ਚੱਲ ਰਹੀ ਸੀ, ਪਰ ਆਖਰੀ ਪੰਜ ਹੋਲ’ ਚ ਉਹ ਜਾਪਾਨ ਦੀ ਮੋਨੇ ਇਨਾਮੀ ਅਤੇ ਨਿਊਜ਼ੀਲੈਂਡ ਦੀ ਲੀਡੀਆ ਕੋ ਤੋਂ ਪਿੱਛੇ ਹੋ ਗਈ। ਚੌਥੇ ਅਤੇ ਆਖ਼ਰੀ ਦੌਰ ਵਿੱਚ ਅਦਿਤੀ ਨੇ ਤਿੰਨ ਅੰਡਰ 68 ਦਾ ਸਕੋਰ ਕੀਤਾ।

ਅਦਿਤੀ 15 ਅੰਡਰ 269 ਦੇ ਸਕੋਰ ਨਾਲ ਮੈਚ ਵਿੱਚ ਚੌਥੇ ਸਥਾਨ ‘ਤੇ ਰਹੀ। ਮੇਜ਼ਬਾਨ ਜਾਪਾਨ ਦੀ ਮੋਨੇ ਇਨਾਮੀ ਨੇ ਚਾਂਦੀ ਦਾ ਤਗਮਾ ਜਿੱਤਿਆ, ਜਦੋਂ ਕਿ ਰੀਓ ਓਲੰਪਿਕ ਦੀ ਚਾਂਦੀ ਤਮਗਾ ਜੇਤੂ ਲੀਡੀਆ ਕੋ ਨੇ ਕਾਂਸੀ ਦਾ ਤਗਮਾ ਜਿੱਤਿਆ।