ਕੁੜਮਾਈ ਦੇ 3 ਸਾਲ ਬਾਅਦ ਕੁੜੀ ਨੇ ਬਦਲਿਆ ਰਵੱਈਆ

ਪਟਿਆਲਾ29ਅਗਸਤ 2023 : ਪੰਜਾਬ ਦੇ ਪਟਿਆਲਾ ਜ਼ਿਲ੍ਹੇ ਦੇ ਅਧੀਨ ਪੈਂਦੇ ਪਿੰਡ ਨਾਈਵਾਲ ਦੇ ਇੱਕ ਨੌਜਵਾਨ ਵੱਲੋਂ ਖੁਦਕੁਸ਼ੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮ੍ਰਿਤਕ ਨੌਜਵਾਨ ਦੀ ਪਛਾਣ ਕਰਮਜੀਤ ਸਿੰਘ ਵਜੋਂ ਹੋਈ ਹੈ, ਜੋ ਮਾਪਿਆਂ ਦਾ ਇਕਲੌਤਾ ਪੁੱਤਰ ਸੀ। ਕਰਮਜੀਤ ਕੁੱਲ 8 ਕਿਲੇ ਜ਼ਮੀਨ ਦਾ ਵਾਰਸ ਸੀ। ਦਰਅਸਲ 3 ਸਾਲ ਪਹਿਲਾਂ ਕਰਮਜੀਤ ਸਿੰਘ ਦਾ ਰਿਸ਼ਤਾ ਨਾਭਾ ਨੇੜੇ ਪਿੰਡ ਪਹਾੜਪੁਰ ਵਿਖੇ ਆਪਣੀ ਚਹੇਤੀ ਲੜਕੀ ਅਨਮੋਲਦੀਪ ਕੌਰ ਨਾਲ ਤੈਅ ਹੋਇਆ ਸੀ।

ਦੋਵਾਂ ਨੇ ਇਕੱਠੇ ਆਈਲੈਟਸ ਕੀਤਾ ਅਤੇ ਵਿਦੇਸ਼ ਜਾਣਾ ਪਿਆ। ਦੋਵੇਂ ਜਲਦੀ ਹੀ ਵਿਆਹ ਕਰਨ ਵਾਲੇ ਸਨ ਪਰ ਜਦੋਂ ਰਿਸ਼ਤਾ ਹੋਇਆ ਤਾਂ ਲੜਕੀ 10ਵੀਂ ਜਮਾਤ ‘ਚ ਪੜ੍ਹਦੀ ਸੀ। ਇਸ ਕਾਰਨ ਉਸ ਦੇ ਪਰਿਵਾਰਕ ਮੈਂਬਰਾਂ ਨੇ ਕਿਹਾ ਸੀ ਕਿ ਉਨ੍ਹਾਂ ਦੀ ਲੜਕੀ 12ਵੀਂ ਪਾਸ ਕਰ ਲਵੇ, ਫਿਰ ਉਹ ਦੋਵਾਂ ਦਾ ਵਿਆਹ ਕਰਵਾ ਕੇ ਵਿਦੇਸ਼ ਭੇਜ ਦੇਣਗੇ। ਹੁਣ ਜਦੋਂ ਲੜਕੀ ਨੇ ਆਪਣੀ ਪੜ੍ਹਾਈ ਪੂਰੀ ਕਰ ਲਈ ਹੈ ਤਾਂ ਉਸ ਦੇ ਪਰਿਵਾਰ ਨੇ ਵਿਆਹ ਤੋਂ ਇਨਕਾਰ ਕਰ ਦਿੱਤਾ ਹੈ ਅਤੇ ਕਿਹਾ ਹੈ ਕਿ ਉਹ ਆਪਣੀ ਲੜਕੀ ਨੂੰ ਇਕੱਲੇ ਹੀ ਵਿਦੇਸ਼ ਭੇਜਣਗੇ।

ਅਸੀਂ ਤੁਹਾਡੇ ਮੁੰਡੇ ਨਾਲ ਵਿਆਹ ਨਹੀਂ ਕਰਵਾਉਣ ਜਾ ਰਹੇ। ਉਸ ਸਮੇਂ ਸਾਡੀ ਧੀ ਦੀ ਉਮਰ ਛੋਟੀ ਸੀ, ‘ਤੇ ਸਾਡੇ ਕਹਿਣੇ ਵਿਚ ਨਹੀਂ ਸੀ । ਹੁਣ ਉਹ ਆਪਣੇ ਕਹਿਣ ‘ਤੇ ਹੈ ਅਤੇ ਉਹ ਇਹ ਵਿਆਹ ਨਹੀਂ ਕਰੇਗੀ । ਇਸ ਤੋਂ ਬਾਅਦ ਪੀੜਤ ਕਰਮਜੀਤ ਸਿੰਘ ਨੇ ਜ਼ਹਿਰ ਪੀ ਕੇ ਖੁਦਕੁਸ਼ੀ ਕਰ ਲਈ। ਪੀੜਤ ਪਰਿਵਾਰ ਦੀ ਮੰਗ ਹੈ ਕਿ ਦੋਸ਼ੀ ਪਰਿਵਾਰ ਖਿਲਾਫ ਸਖਤ ਕਾਰਵਾਈ ਕੀਤੀ ਜਾਵੇ। ਇਸ ਦੇ ਨਾਲ ਹੀ ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਮਾਮਲੇ ਦੀ ਜਾਂਚ ਕਰ ਰਹੇ ਹਨ।