ਅਮਿਤਾਭ ਬੱਚਨ ਨੇ ਧੀ ਸ਼ਵੇਤਾ ਨੰਦਾ ਨੂੰ ਗਿਫਟ ਕੀਤਾ ਕਰੋੜਾਂ ਦਾ ਬੰਗਲਾ

ਮੁੰਬਈ 25 ਨਵੰਬਰ 2023:  ਬਾਲੀਵੁੱਡ ਅਭਿਨੇਤਾ ਅਮਿਤਾਭ ਬੱਚਨ ਨੇ ਧੀ ਸ਼ਵੇਤਾ ਨੰਦਾ ਨੂੰ ਉਪਨਗਰ ਜੁਹੂ ‘ਚ ਆਪਣਾ ਬੰਗਲਾ ਗਿਫਟ ਕੀਤਾ ਹੈ। ਇਹ ਜਾਣਕਾਰੀ ਅਧਿਕਾਰਤ ਦਸਤਾਵੇਜ਼ਾਂ ਤੋਂ ਮਿਲੀ ਹੈ। ‘ਪ੍ਰਤੀਕਸ਼ਾ’ ਦੇ ਬੰਗਲੇ ਦੀ ਕੀਮਤ 50.63 ਕਰੋੜ ਰੁਪਏ ਤੋਂ ਜ਼ਿਆਦਾ ਦੱਸੀ ਜਾ ਰਹੀ ਹੈ। ਕਿਹਾ ਜਾਂਦਾ ਹੈ ਕਿ ਇਹ ਸ਼ਹਿਰ ਵਿੱਚ ਬੱਚਨ ਦੀ ਪਹਿਲੀ ਜਾਇਦਾਦ ਹੈ ਅਤੇ ਖੇਤਰ ਵਿੱਚ ਬੱਚਨ ਪਰਿਵਾਰ ਦੇ ਤਿੰਨ ਬੰਗਲਿਆਂ ਵਿੱਚੋਂ ਇੱਕ ਹੈ।

ਜਾਇਦਾਦ ਦੇ ਰਜਿਸਟ੍ਰੇਸ਼ਨ ਦੇ ਅੰਕੜਿਆਂ ਨੂੰ ਇਕੱਠਾ ਕਰਨ ਵਾਲੇ Japke.com ਤੋਂ ਪ੍ਰਾਪਤ ਦਸਤਾਵੇਜ਼ਾਂ ਦੇ ਅਨੁਸਾਰ, ਬੱਚਨ ਨੇ 9 ਨਵੰਬਰ ਨੂੰ ਆਪਣੀ ਧੀ ਨੂੰ ਤੋਹਫ਼ੇ ਵਜੋਂ ਬੰਗਲਾ ਟ੍ਰਾਂਸਫਰ ਕੀਤਾ ਅਤੇ ਸਟੈਂਪ ਡਿਊਟੀ ਵਜੋਂ 50.65 ਲੱਖ ਰੁਪਏ ਅਦਾ ਕੀਤੇ।

ਵਿੱਠਲ ਨਗਰ ਕੋਆਪਰੇਟਿਵ ਹਾਊਸਿੰਗ ਸੋਸਾਇਟੀ ਵਿੱਚ ਸਥਿਤ ਇਹ ਬੰਗਲਾ 674 ਅਤੇ 890.47 ਦੇ ਦੋ ਪਲਾਟਾਂ ਦਾ ਬਣਿਆ ਹੋਇਆ ਹੈ, ਜਿਸ ਦੀ ਕੁਲ ਕੀਮਤ 50.63 ਕਰੋੜ ਰੁਪਏ ਹੈ।

ਉਸਨੇ ਤੋਹਫ਼ੇ ਵਿੱਚ ਦਿੱਤੇ ਦੋਨਾਂ ਪਲਾਟਾਂ ‘ਤੇ 200-200 ਰੁਪਏ ਦੀ ਰਜਿਸਟ੍ਰੇਸ਼ਨ ਫੀਸ ਵੀ ਅਦਾ ਕੀਤੀ। ਇਸ ‘ਚੋਂ ਵੱਡਾ ਪਲਾਟ ਅਮਿਤਾਭ ਬੱਚਨ ਅਤੇ ਉਨ੍ਹਾਂ ਦੀ ਪਤਨੀ ਜਯਾ ਬੱਚਨ ਦੇ ਨਾਂ ‘ਤੇ ਹੈ, ਜਦਕਿ ਛੋਟਾ ਪਲਾਟ ਇਕੱਲੇ ਅਮਿਤਾਭ ਦੇ ਹੀ ਹੈ। ਇਸ ਸਬੰਧ ‘ਚ ਬੱਚਨ ਦੇ ਦਫਤਰ ਤੋਂ ਅਜੇ ਤੱਕ ਕੋਈ ਜਵਾਬ ਨਹੀਂ ਆਇਆ ਹੈ।