ਬਿਹਾਰ ਬੋਰਡ ਦੇ ਪ੍ਰਧਾਨ ਆਨੰਦ ਕਿਸ਼ੋਰ ਅੱਜ 12ਵੀਂ ਦੇ ਨਤੀਜੇ ਦਾ ਕਰਨਗੇ ਐਲਾਨ

BIHAR BOARD: ਪਿਛਲੇ ਸਾਲ ਯਾਨੀ ਸਾਲ 2023 ਵਿੱਚ, ਕੁੜੀਆਂ ਨੇ ਬਿਹਾਰ ਬੋਰਡ 12ਵੀਂ ਕਲਾਸ ਦੀਆਂ ਤਿੰਨੋਂ ਸਟ੍ਰੀਮਾਂ ਵਿੱਚ ਟਾਪ ਕੀਤਾ ਸੀ ਇਸ ਮੁਤਾਬਕ ਆਯੂਸ਼ੀ ਨੰਦਨ ਨੇ 94.80 ਫੀਸਦੀ ਅੰਕ ਲੈ ਕੇ ਸਾਇੰਸ ਸਟਰੀਮ ਵਿੱਚ ਟਾਪ ਕੀਤਾ ਸੀ। ਮੋਹਾਦੇਸਾ (95 ਪ੍ਰਤੀਸ਼ਤ) ਆਰਟਸ ਸਟਰੀਮ ਵਿੱਚ ਟਾਪਰ ਰਹੇ ਅਤੇ ਸੌਮਿਆ ਸ਼ਰਮਾ (95 ਪ੍ਰਤੀਸ਼ਤ) ਅਤੇ ਰਜਨੀਸ਼ ਕੁਮਾਰ ਪਾਠਕ (95 ਪ੍ਰਤੀਸ਼ਤ) ਕਾਮਰਸ ਵਿੱਚ ਟਾਪਰ ਰਹੇ।

ਲੰਬੇ ਇੰਤਜ਼ਾਰ ਤੋਂ ਬਾਅਦ ਆਖਰਕਾਰ ਬਿਹਾਰ ਬੋਰਡ ਵੱਲੋਂ 12ਵੀਂ ਜਮਾਤ ਦੇ ਨਤੀਜੇ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਇਸ ਅਨੁਸਾਰ ਇੰਟਰਮੀਡੀਏਟ ਪ੍ਰੀਖਿਆ ਦੇ ਨਤੀਜੇ ਅੱਜ 23 ਮਾਰਚ 2024 ਨੂੰ ਐਲਾਨੇ ਜਾਣਗੇ। ਬਿਹਾਰ ਬੋਰਡ ਦੇ ਚੇਅਰਮੈਨ ਆਨੰਦ ਕਿਸ਼ੋਰ ਬਿਹਾਰ ਸਕੂਲ ਪ੍ਰੀਖਿਆ ਕਮੇਟੀ ਦੇ ਆਡੀਟੋਰੀਅਮ ਤੋਂ ਪ੍ਰੈੱਸ ਕਾਨਫਰੰਸ ਰਾਹੀਂ ਨਤੀਜੇ ਦਾ ਐਲਾਨ ਕਰਨਗੇ। ਨਤੀਜਿਆਂ ਦੇ ਨਾਲ-ਨਾਲ ਟਾਪਰਾਂ ਦੀ ਸੂਚੀ, ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਵਿਦਿਆਰਥੀਆਂ ਦੀ ਜ਼ਿਲ੍ਹਾ ਵਾਰ ਸੂਚੀ ਸਮੇਤ ਹੋਰ ਵੇਰਵੇ ਵੀ ਜਾਰੀ ਕੀਤੇ ਜਾਣਗੇ। ਇਸ ਲਈ, ਉਮੀਦਵਾਰਾਂ ਨੂੰ ਪੋਰਟਲ ‘ਤੇ ਨਜ਼ਰ ਰੱਖਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।