ਭਾਜਪਾ ਨੂੰ ਅੱਜ 43 ਸਾਲ ਹੋਏ ਪੂਰੇ, ਹਰ ਬੂਥ ਦੀਆਂ ਕੰਧਾਂ ‘ਤੇ ਲਿਖੇ ਜਾਣਗੇ ਪਾਰਟੀ ਦੇ ਨਾਅਰੇ

ਅੱਜ ਭਾਰਤੀ ਜਨਤਾ ਪਾਰਟੀ ਦਾ ਸਥਾਪਨਾ ਦਿਵਸ ਹੈ। ਭਾਜਪਾ 43 ਸਾਲ ਪਹਿਲਾਂ 6 ਅਪ੍ਰੈਲ 1980 ਨੂੰ ਬਣੀ ਸੀ। ਪਾਰਟੀ ਇਸ ਵਾਰ ਆਪਣੇ ਸਥਾਪਨਾ ਦਿਵਸ ਨੂੰ ਖਾਸ ਬਣਾਉਣ ਜਾ ਰਹੀ ਹੈ। ਭਾਜਪਾ ਨੇਤਾ ਅੱਜ ਤੋਂ ਦੇਸ਼ ਦੇ ਸਾਰੇ ਬੂਥਾਂ ‘ਤੇ ਪਾਰਟੀ ਦੇ ਨਾਅਰੇ ਲਿਖਣਗੇ। ਰਾਸ਼ਟਰੀ ਪ੍ਰਧਾਨ ਜੇਪੀ ਨੱਡਾ ਦਿੱਲੀ ਦੇ ਇੱਕ ਬੂਥ ‘ਤੇ ਜਾਣਗੇ ਅਤੇ ਕੰਧ ‘ਤੇ ਨਾਅਰਾ ਲਿਖਣਗੇ।

ਇਸ ਤੋਂ ਇਲਾਵਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਵੇਰੇ 9.45 ਵਜੇ ਵਰਕਰਾਂ ਨੂੰ ਸੰਬੋਧਨ ਕਰਨਗੇ। 10 ਲੱਖ ਥਾਵਾਂ ‘ਤੇ ਭਾਸ਼ਣ ਦੀ ਸਕ੍ਰੀਨਿੰਗ ਕੀਤੀ ਜਾਵੇਗੀ। ਪਾਰਟੀ ਨੇ ਆਪਣੇ ਸਾਰੇ ਸੰਸਦ ਮੈਂਬਰਾਂ ਨੂੰ ਵੀਰਵਾਰ ਨੂੰ ਸੰਸਦ ‘ਚ ਮੌਜੂਦ ਹੋਣ ਲਈ ਕਿਹਾ ਹੈ।

ਸਥਾਪਨਾ ਦਿਵਸ ਤੋਂ ਅੰਬੇਡਕਰ ਜਯੰਤੀ ਤੱਕ ਵਿਸ਼ੇਸ਼ ਹਫ਼ਤਾ
ਭਾਜਪਾ ਅੱਜ ਤੋਂ 14 ਅਪ੍ਰੈਲ ਤੱਕ ਡਾ: ਭੀਮ ਰਾਓ ਅੰਬੇਡਕਰ ਦੇ ਜਨਮ ਦਿਨ ਨੂੰ ਵਿਸ਼ੇਸ਼ ਹਫ਼ਤੇ ਵਜੋਂ ਮਨਾਏਗੀ। ਪਾਰਟੀ ਨੇ ਵਰਕਰਾਂ ਨੂੰ 11 ਅਪ੍ਰੈਲ ਨੂੰ ਸਮਾਜ ਸੁਧਾਰਕ ਜੋਤੀ ਬਾ ਫੁਲੇ ਦਾ ਜਨਮ ਦਿਨ ਅਤੇ ਡਾ: ਅੰਬੇਡਕਰ ਦਾ ਜਨਮ ਦਿਨ 14 ਅਪ੍ਰੈਲ ਨੂੰ ਸਾਰੇ ਬੂਥਾਂ, ਮੰਡਲ, ਜ਼ਿਲ੍ਹਾ ਅਤੇ ਸੂਬਾ ਦਫ਼ਤਰਾਂ ‘ਤੇ ਮਨਾਉਣ ਲਈ ਕਿਹਾ ਹੈ। ਉਨ੍ਹਾਂ ਦੀ ਫੋਟੋ ‘ਤੇ ਸ਼ਰਧਾ ਦੇ ਫੁੱਲ ਭੇਂਟ ਕਰਕੇ ਸਵੱਛਤਾ ਮੁਹਿੰਮ ਚਲਾਈ ਜਾਵੇ। ਮੋਦੀ ਸਰਕਾਰ ਵੱਲੋਂ ਅਨੁਸੂਚਿਤ ਸਮਾਜ ਦੀ ਭਲਾਈ ਲਈ ਕੀਤੇ ਕੰਮਾਂ ਦੀ ਚਰਚਾ ਕੀਤੀ।