ਬਾਕਸ ਆਫਿਸ ਕਲੈਕਸ਼ਨ ਰਿਪੋਰਟ , ਜਾਣੋ ਕਿਹੜੀ ਫਿਲਮ ਨੇ ਕਿੰਨੀ ਕੀਤੀ ਕਮਾਈ

2 ਮਾਰਚ 2024: ਹਿੰਦੀ ਫਿਲਮ ਇੰਡਸਟਰੀ ਲਈ ਇਹ ਸਾਲ ਹੁਣ ਤੱਕ ਚੰਗਾ ਰਿਹਾ ਹੈ। ਇਸ ਸਾਲ ਦੀ ਸ਼ੁਰੂਆਤ ਰਿਤਿਕ ਰੋਸ਼ਨ ਦੇ ਫਾਈਟਰ ਨਾਲ ਹੋਈ। ਫਿਲਮ ਬਾਕਸ ਆਫਿਸ ‘ਤੇ 200 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਕਮਾਈ ਕਰਨ ‘ਚ ਸਫਲ ਰਹੀ ਸੀ। ਇਸ ਦੇ ਨਾਲ ਹੀ ਫਰਵਰੀ ‘ਚ ਰਿਲੀਜ਼ ਹੋਈ ‘ਤੇਰੀ ਬਾਤੋਂ ਮੈਂ ਐਸਾ ਉਲਝਾ ਜੀਆ’ ਅਤੇ ਆਰਟੀਕਲ 370 ‘ਤੇ ਲੋਕਾਂ ਨੇ ਸਕਾਰਾਤਮਕ ਪ੍ਰਤੀਕਿਰਿਆ ਦਿੱਤੀ ਹੈ।

ਆਰਟੀਕਲ 370
ਯਾਮੀ ਗੌਤਮ ਦੀ ਅਦਾਕਾਰੀ ਵਾਲੀ ਫਿਲਮ ਆਰਟੀਕਲ 370 ਨੂੰ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲ ਰਿਹਾ ਹੈ। ਫਿਲਮ ਆਪਣੀ ਰਿਲੀਜ਼ ਤੋਂ ਬਾਅਦ ਤੋਂ ਹੀ ਚੰਗਾ ਮੁਨਾਫਾ ਕਮਾਉਣ ਵਿੱਚ ਸਫਲ ਰਹੀ ਹੈ। ਘੱਟ ਬਜਟ ‘ਚ ਬਣੀ ਇਹ ਫਿਲਮ ਪਹਿਲੇ ਹਫਤੇ ‘ਚ 35.6 ਕਰੋੜ ਦੀ ਕਮਾਈ ਕਰਨ ‘ਚ ਸਫਲ ਰਹੀ। ਇਸ ਦੇ ਨਾਲ ਹੀ ਫਿਲਮ ਨੇ ਅੱਠਵੇਂ ਦਿਨ 2 ਕਰੋੜ 75 ਲੱਖ ਰੁਪਏ ਦਾ ਕਲੈਕਸ਼ਨ ਕਰ ਲਿਆ ਹੈ। ਇਸ ਨਾਲ ਫਿਲਮ ਦੀ ਕੁੱਲ ਕਮਾਈ 38.35 ਕਰੋੜ ਰੁਪਏ ਤੱਕ ਪਹੁੰਚ ਗਈ ਹੈ।

ਕਰੈਕ
ਵਿਦਯੁਤ ਜਾਮਵਾਲ, ਨੋਰਾ ਫਤੇਹੀ ਅਤੇ ਅਰਜੁਨ ਰਾਮਪਾਲ ਸਟਾਰਰ ਫਿਲਮ ‘ਕਰੈਕ’ ਦਾ ਬਾਕਸ ਆਫਿਸ ‘ਤੇ ਬੁਰਾ ਹਾਲ ਹੈ। ਦਰਸ਼ਕਾਂ ਨੂੰ ਇਹ ਫਿਲਮ ਬਿਲਕੁਲ ਵੀ ਪਸੰਦ ਨਹੀਂ ਆਈ। ਫਿਲਮ ਨੇ ਪਹਿਲੇ ਹਫਤੇ ‘ਚ ਸਿਰਫ 12.45 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਇਸ ਦੇ ਨਾਲ ਹੀ ਫਿਲਮ ਨੇ ਅੱਠਵੇਂ ਦਿਨ 12 ਲੱਖ ਰੁਪਏ ਦੀ ਕਮਾਈ ਕਰ ਲਈ ਹੈ। ਇਸ ਨਾਲ ਫਿਲਮ ਦਾ ਕੁਲ ਕਲੈਕਸ਼ਨ 12.57 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ।

ਤੇਰੀ ਬਾਤੋਂ ਮੈਂ ਐਸਾ ਉਲਝਾ ਜੀਆ’
ਸ਼ਾਹਿਦ ਕਪੂਰ ਅਤੇ ਕ੍ਰਿਤੀ ਸੈਨਨ ਸਟਾਰਰ ਫਿਲਮ ‘ਤੇਰੀ ਬਾਤੋਂ ਮੈਂ ਐਸਾ ਉਲਝਾ ਜੀਆ’ ਨੇ ਬਾਕਸ ਆਫਿਸ ‘ਤੇ ਹੁਣ ਤੱਕ ਚੰਗੀ ਕਮਾਈ ਕੀਤੀ ਹੈ। ਤੀਜੇ ਹਫਤੇ ਫਿਲਮ ਨੇ 10.75 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਇਸ ਦੇ ਨਾਲ ਹੀ ਫਿਲਮ ਦੀ 22ਵੇਂ ਦਿਨ ਦੀ ਕਮਾਈ 55 ਲੱਖ ਰੁਪਏ ਰਹੀ। ਹੁਣ ਫਿਲਮ ਦਾ ਕੁੱਲ ਕਾਰੋਬਾਰ 77.30 ਕਰੋੜ ਰੁਪਏ ਹੋ ਗਿਆ ਹੈ।