CIA ਸਟਾਫ਼ ਨੇ ਚਾਈਨਾ ਡੋਰ ਦੀ ਵੱਡੀ ਖੇਪ ਸਣੇ ਚੁੱਕਿਆ ਮੁਲਜ਼ਮ

ਸੂਬੇ ਅੰਦਰ ਪੰਜਾਬ ਸਰਕਾਰ ਦੀਆਂ ਹਦਾਇਤਾਂ ਤੋਂ ਬਾਅਦ ਪੁਲਿਸ ਪ੍ਰਸ਼ਾਸਨ ਚਾਈਨਾ ਡੋਰ ਉੱਪਰ ਸਖਤੀ ਨਾਲ ਠੱਲ ਪਾਉਣ ਦੇ ਭਾਵੇਂ ਲੱਖਾਂ ਕੋਸ਼ਿਸ਼ਾਂ ਕਰ ਰਿਹਾ ਹੈ ਪਰ ਰੋਜਾਨਾ ਕਿਤੇ ਨਾ ਕਿਤੇ ਆਮ ਜਨਤਾ ਇਸ ਚਾਈਨਾ ਡੋਰ ਦੇ ਕਹਿਰ ਦੀ ਸ਼ਿਕਾਰ ਬਣ ਰਹੀ ਹੈ। ਇੰਨਾ ਹੀ ਨਹੀਂ ਲੋਕ ਧੜਾ ਧੜ ਚਾਈਨਾਡੋਰ ਵੇਚਣ ਵਿੱਚ ਲੱਗੇ ਹੋਏ ਹਨ। ਇਸ ਦੇ ਚੱਲਦਿਆਂ ਹੁਣ ਬਠਿੰਡਾ ਦੇ ਸੀ.ਆਈ.ਏ ਸਟਾਫ ਨੇ ਵੱਡੀ ਸਫਲਤਾ ਹਾਸਿਲ ਕਰਦਿਆਂ ਚਾਈਨਾ ਡੋਰ ਦੀ ਵੱਡੀ ਖੇਪ ਸਣੇ ਇਕ ਮੁਲਜ਼ਮ ਨੂੰ ਕਾਬੂ ਕੀਤਾ ਹੈ।

ਇਸ ਸਬੰਧੀ ਬਠਿੰਡਾ ਸੀ.ਆਈ.ਏ ਸਟਾਫ ਟੂ ਦੇ ਇੰਚਾਰਜ ਨੇ ਦੱਸਿਆ ਕਿ ਪੁਲਿਸ ਦੇ ਵੱਲੋਂ ਚਲਾਈ ਗਈ ਚਾਈਨਾ ਡੋਰ ਮੁਹਿੰਮ ਦੇ ਖਿਲਾਫ ਸਾਨੂੰ ਇੱਕ ਵੱਡੀ ਸਫਲਤਾ ਹਾਸਿਲ ਹੋਈ ਹੈ। ਬਠਿੰਡਾ ਦੇ ਹੀ ਰਹਿਣ ਵਾਲੇ ਸਤੀਸ਼ ਕੁਮਾਰ ਨੂੰ ਅਸੀਂ ਗ੍ਰਿਫਤਾਰ ਕੀਤਾ ਉਸਦੇ ਕੋਲੋਂ 400 ਗੁੱਟੇ ਚਾਈਨਾ ਡੋਰ ਦੇ ਫੜੇ ਗਏ। ਇਸ ਦੇ ਉੱਤੇ ਪਹਿਲਾਂ ਵੀ ਦੋ ਮਾਮਲੇ ਦਰਜ ਹਨ। ਵੱਖ-ਵੱਖ ਥਾਣਿਆਂ ਦੇ ‘ਚ ਕੋਰਟ ਵਿੱਚ ਪੇਸ਼ ਕਰਕੇ ਪੁਲਿਸ ਰਿਮਾਂਡ ਹਾਸਿਲ ਕੀਤਾ ਜਾਵੇਗਾ ਅਤੇ ਫਿਰ ਪਤਾ ਚੱਲ ਪਾਵੇਗਾ ਕਿ ਇੰਨੀ ਚਾਈਨਾ ਡੋਰ ਦੀ ਮਾਤਰਾ ਮੁਲਜ਼ਮ ਕਿੱਥੋਂ ਲੈ ਕੇ ਆਇਆ ਸੀ ਅਤੇ ਕਿਸ ਨੂੰ ਸਪਲਾਈ ਕਰਨੀ ਸੀ