ਚੀਨੀ ਨੇ ਤਿਆਰ ਕੀਤੀ ਕੋਰੋਨਾ ਦੀ ਦਵਾਈ, 90% ਮਰੀਜਾਂ ਉੱਤੇ ਹੋਈ ਕਾਰਗਾਰ ਸਾਬਤ

18 ਜੂਨ : ਚੀਨ ਤੋਂ ਕੋਰੋਨਾ ਮਹਾਂਮਾਰੀ ਦਾ ਕਹਿਰ ਸ਼ੁਰੂ ਹੋਇਆ ਸੀ , ਪਰ ਚੀਨ ਨੇ ਹੀ ਸਭ ਤੋਂ ਪਹਿਲਾਂ ਇਸਤੇ ਠੱਲ ਪਾਈ ਸੀ, ਹੁਣ ਦਵਾਈ ਬਣਾਉਣ ਵਾਲੀ ਇੱਕ ਚੀਨੀ ਕੰਪਨੀ ਨੇ ਦਾਅਵਾ ਕੀਤਾ ਹੈ ਕਿ ਉਸ ਵੱਲੋਂ ਤਿਆਰ ਕੀਤੀ ਗਈ ਕੋਰੋਨਾਵਾਇਰਸ ਦੀ ਵੈਕਸੀਨ ਮਨੁੱਖੀ ਅਜ਼ਮਾਇਸ਼ ਵਿੱਚ 90% ਮਰੀਜ਼ਾਂ ਉੱਤੇ ਕਾਰਗਰ ਸਾਬਤ ਹੋਈ ਹੈ। ਚੀਨ ਦੇ ਪੇਚਿੰਗ ਸਥਿਤ ਸਿਨੋਵੈਕ ਬਾਇਓਟੈਕ ਲਿਮਟਿਡ (Sinovac Biotech Ltd) ਦਾ ਕਹਿਣਾ ਹੈ ਕਿ ਉਸਨੇ ਇੱਕ ਟੀਕਾ ਬਣਾਇਆ ਹੈ ਜਿਸ ਦਾ ਨਤੀਜਾ ਵਿਸ਼ਵ ਵਿੱਚ ਹੁਣ ਤੱਕ ਦਾ ਸਭ ਤੋਂ ਵਧੀਆ ਹੈ। ਕੰਪਨੀ ਦੇ ਅਨੁਸਾਰ, ਉਨ੍ਹਾਂ ਦੀ ਵੈਕਸੀਨ ਸਿਰਫ 90% ਮਾਮਲਿਆਂ ਵਿੱਚ ਅਸਰਦਾਰ ਹੀ ਨਹੀਂ ਹੈ ਬਲਕਿ ਸੁਰੱਖਿਅਤ ਵੀ ਹੈ।

ਸਿਨੋਵੈਕ ਦੇ ਅਨੁਸਾਰ, ਇਹ ਟੀਕਾ ਮਨੁੱਖਾਂ ‘ਤੇ ਬਹੁਤ ਅਸਰਦਾਇਕ ਹੈ ਅਤੇ ਮਨੁੱਖੀ ਅਜ਼ਮਾਇਸ਼ਾਂ ਵਿਚ ਇਹ ਸਾਹਮਣੇ ਆਇਆ ਹੈ ਕਿ ਇਸ ਦਾ ਪ੍ਰਭਾਵ ਕੋਰੋਨਾ ਸੰਕਰਮਿਤ ਲੋਕਾਂ ਵਿਚ ਬਹੁਤ ਹੀ ਤੇਜ਼ੀ ਨਾਲ ਇਮਿਊਨ ਪ੍ਰਤੀਕ੍ਰਿਆ ਕਾਫੀ ਤੇਜੀ ਨਾਲ ਸ਼ੁਰੂ ਹੋ ਜਾਂਦੀ ਹੈ। CoronaVa ਨਾਮ ਕੇ ਇਸ ਟੀਕੇ ਨੇ ਟਰਾਇਲ ਵਿੱਚ ਹਿੱਸਾ ਲੈਣ ਵਾਲਿਆਂ ਵਿੱਚ ਦੋ ਹਫ਼ਤਿਆਂ ਬਾਅਦ ਵਾਇਰਸ ਦੇ ਟਾਕਰੇ ਵਾਲੀ ਐਂਟੀਬਾਡੀਜ਼ ਬਣਾਉਣਾ ਸ਼ੁਰੂ ਕਰ ਦਿੱਤਾ। ਗਲੋਬਲ ਟਾਈਮਜ਼ ਦੀ ਰਿਪੋਰਟ ਦੇ ਅਨੁਸਾਰ, ਨਾ ਤਾਂ ਇਸ ਦਾ ਕਿਸੇ ਵਿਅਕਤੀ ਉਤੇ ਕੋਈ ਮਾੜਾ ਪ੍ਰਭਾਵ ਪਿਆ ਅਤੇ ਨਾ ਹੀ ਇਸ ਟੀਕੇ ਦੇ ਉਤਪਾਦਨ ਵਿੱਚ ਕੋਈ ਸਮੱਸਿਆ ਹੋਣ ਵਾਲੀ ਹੈ। ਹਾਲਾਂਕਿ, ਰਿਪੋਰਟ ਦੇ ਅਨੁਸਾਰ, ਇਸ ਟੀਕੇ ਦਾ ਅੰਤਮ ਪੜਾਅ ਅਜੇ ਬਾਕੀ ਹੈ।

ਇਸ ਵੈਕਸੀਨ ਦੇ ਟਰੈਲ ਪੂਰਬੀ ਚੀਨ ਦੇ ਜਿੰਗਿਆਸੂ ਪ੍ਰੋਵੈਂਸ਼ਲ ਸੈਂਟਰ ਫਾਰ ਡਿਜੀਜ਼ ਕੰਟਰੋਲ ਐਂਡ ਪ੍ਰੀਵੈਂਨਸ਼ਨ ਵਿਖੇ ਕੀਤੇ ਜਾ ਰਹੇ ਹਨ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਹੁਣ ਤੱਕ 18-59 ਉਮਰ ਦੇ 743 ਤੰਦਰੁਸਤ ਲੋਕਾਂ ਨੂੰ ਸ਼ਡਿਊਲ ਉਤੇ ਸ਼ਾਟ ਜਾਂ ਪਲਾਸੀਬੋ ਦਿੱਤੇ ਜਾ ਚੁੱਕੇ ਹਨ। ਇਸ ਵਿਚੋਂ ਪਹਿਲੇ ਪੜਾਅ ਵਿਚ 143 ਵਲੰਟੀਅਰ ਹਿੱਸਾ ਲੈ ਰਹੇ ਹਨ, ਜਿਸ ਵਿਚ ਟੀਕੇ ਦੀ ਸੁਰੱਖਿਆ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਵਿਚ ਵਾਇਰਸ ਦੇ ਡੈੱਡ ਸਟ੍ਰੇਨ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਇਹ ਟੀਕਾ ਇਜ਼ਰਾਈਲੀ ਟੀਕੇ ਨਾਲੋਂ ਵਧੇਰੇ ਪ੍ਰਭਾਵਸ਼ਾਲੀ ਦੱਸਿਆ ਜਾ ਰਿਹਾ ਹੈ। ਇਹ ਟੀਕਾ (ਇਜ਼ਰਾਈਲੀ) ਮਨੁੱਖਾਂ ‘ਤੇ 78% ਪ੍ਰਭਾਵਸ਼ਾਲੀ ਦੱਸਿਆ ਗਿਆ ਸੀ, ਪਰ ਇਹ (ਚੀਨੀ) 90% ਕਿਹਾ ਜਾ ਰਿਹਾ ਹੈ ਹੈ।

14 ਦਿਨਾਂ ‘ਚ ਬਣੇ ਐਂਟੀਬਾਡੀਜ਼!

ਇਸ ਟੀਕੇ ਦੇ ਦੋ ਸ਼ਾਟ ਦੇਣ ਤੋਂ 14 ਦਿਨਾਂ ਦੇ ਅੰਦਰ ਅੰਦਰ ਐਂਟੀਬਾਡੀ ਸਰੀਰ ਵਿੱਚ ਤਿਆਰ ਹੋਣ ਦਾ ਦਾਅਵਾ ਕੀਤਾ ਗਿਆ ਹੈ। ਕੰਪਨੀ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਕਈ ਸਮੂਹ ਬਣਾ ਕੇ ਟਰਾਇਲ ਚੱਲ ਰਹੇ ਹਨ। ਇਕ ਹੋਰ ਸਮੂਹ ਵਿਚ, ਸ਼ਾਟ ਹੁਣ ਟੈਸਟਿੰਗ ਦੇ ਆਖ਼ਰੀ ਪੜਾਅ ਵਿਚ 28 ਦਿਨਾਂ ਦੇ ਅੰਤਰਾਲ ‘ਤੇ ਦਿੱਤੇ ਜਾਣਗੇ ਅਤੇ ਦੇਖੋ ਕਿ ਇਸਦਾ ਕੀ ਪ੍ਰਭਾਵ ਹੁੰਦਾ ਹੈ। ਸਿਨੋਵੈਕ ਦੇ ਸੀਈਓ ਵੇਡੋਂਗ ਯਿਨ ਨੇ ਦੱਸਿਆ ਕਿ ਟੀਕਾ ਪਹਿਲੇ-ਦੂਜੇ ਪੜਾਅ ਵਿੱਚ ਸੁਰੱਖਿਅਤ ਪਾਇਆ ਗਿਆ ਹੈ ਅਤੇ ਪ੍ਰਤੀਰੋਧਕ ਪ੍ਰਤੀਕ੍ਰਿਆ ਦਾ ਕਾਰਨ ਬਣ ਰਿਹਾ ਹੈ।