ਲੁਧਿਆਣਾ ‘ਚ ਇਕ ਮੋਟਰਬਾਈਕ ਚੋਰ ਨੇ ਕੀਤੀ ਕੋਰੋਨਾ ਤੇ ਜਿੱਤ ਹਾਸਿਲ

ਲੁਧਿਆਣਾ, 26 ਅਪ੍ਰੈਲ : ਕੋਰੋਨਾ ਮਹਾਮਾਰੀ ਨੇ ਪੂਰੇ ਦੇਸ਼ ਭਰ ‘ਚ ਕੋਹਰਾਮ ਮਚਾਇਆ ਹੋਇਆ ਹੈ ਅਤੇ ਇਕ ਮਹੀਨੇ ਤੋਂ ਵੱਧ ਦਾ ਸਮਾਂ ਹੋ ਗਿਆ ਹੈ ਲੌਕਡਾਊਨ ਲਗੇ ਨੂੰ ਹਜੇ ਤੱਕ ਵੀ ਇਸਦਾ ਕੋਈ ਤੋੜ ਨਹੀਂ ਮਿਲ ਪਾਇਆ। ਜਿਸਦੇ ਚਲਦਿਆਂ ਲੁਧਿਆਣਾ ਵਿੱਚ ਕੁਝ ਦਿਨ ਪਹਿਲਾ ਹੀ ਪੁਲਿਸ ਨੇ ਇਕ ਛੋਟੇ ਮੋਟੇ ਚੋਰ ਨੂੰ ਫੜ੍ਹਿਆ ਸੀ ਜੋ ਕਿ ਆਪਣੀ ਮੋਟਰਬਾਈਕ ‘ਤੇ ਜਾ ਰਿਹਾ ਸੀ। ਜਦੋ ਉਸਦਾ ਕੋਰੋਨਾ ਟੈਸਟ ਕਰਵਾਇਆ ਤਾਂ ਉਹ ਪੌਜ਼ਿਟਿਵ ਪਾਇਆ ਗਿਆ ਸੀ। ਜਿਸਤੋ ਬਾਅਦ ਉਸਨੂੰ ਇਕਾਂਤਵਾਸ ਅੰਦਰ ਰੱਖਿਆ ਗਿਆ ਸੀ। ਦਸ ਦਈਏ ਕਿ ਇਕਾਂਤਵਾਸ ਰੱਖਣ ਤੋਂ ਉਪਰੰਤ ਜਦੋ ਉਸਦਾ ਦੁਬਾਰਾ ਟੈਸਟ ਕੀਤਾ ਤਾਂ ਉਹ ਨੈਗੇਟਿਵ ਪਾਇਆ ਗਿਆ, ਕੋਰੋਨਾ ‘ਤੇ ਜਿੱਤ ਹਾਸਿਲ ਕਰ ਲਈ ਗਈ ਅਤੇ ਆਪਣੇ ਉਸਨੂੰ ਘਰ ਵਾਪਿਸ ਭੇਜ ਦਿੱਤਾ ਗਿਆ।