ਕਰਫ਼ਿਊ ਦੌਰਾਨ ਨਸ਼ਾ ਤਸਕਰ ਸਰਗਰਮ, ਨਾਕੇਬੰਦੀ ਦੌਰਾਨ 20 ਕਿੱਲੋ ਭੁੱਕੀ ਬਰਾਮਦ

27 ਮਾਰਚ, (ਰਾਜ ਕੁਮਾਰ): ਕੋਰੋਨਾਵਾਇਰਸ ਦੇ ਸਾਏ ਹੇਠ ਪੰਜਾਬ ’ਚ ਕਰਫਿਊ ਦਾ ਪੰਜਵਾਂ ਦਿਨ ਹੈ। ਜਿੱਥੇ ਕਈ ਲੋਕ ਮੁੱਢਲੀਆਂ ਸਹੂਲਤਾਂ ਤੋਂ ਵੀ ਵਾਂਝੇ ਆਪਣੇ ਘਰਾਂ ’ਚ ਦੁਬਕੇ ਹੋਏ ਹਨ ਓਥੇ ਹੀ ਇਸ ਸੁੰਨਸਾਨ ਦੇ ਇਸ ਮਾਹੌਲ ’ਚ ਨਸ਼ਾ ਤਸਕਰ ਸਰਗਰਮ ਹੋ ਗਏ ਹਨ।ਨੂਰਪੁਰ ਬੇਦੀ ਪੁਲਿਸ ਵੱਲੋਂ ਨਾਕੇਬੰਦੀ ਦੌਰਾਨ ਇੱਕ ਟਰੱਕ ਚਾਲਕ ਤੋਂ 20 ਕਿੱਲੋ ਭੁੱਕੀ ਬਰਾਮਦ ਕੀਤੀ ਹੈ। ਪੁਲਿਸ ਮੁਤਾਬਿਕ ਉਨ੍ਹਾਂ ਵੱਲੋਂ ਝੱਜ ਚੌਕ ’ਚ ਆਉਣ-ਜਾਣ ਵਾਲੇ ਵਾਹਨਾਂ ਦੀ ਚੈਕਿੰਗ ਕੀਤੀ ਜਾ ਰਹੀ ਸੀ। ਇਸ ਦੌਰਾਨ ਕਸ਼ਮੀਰ ਤੋਂ ਆ ਰਹੇ ਇੱਕ ਟਰੱਕ ਨੂੰ ਰੋਕ ਕੇ ਚੈਕਿੰਗ ਕੀਤੀ ਤਾਂ ਉਸ ਵਿੱਚੋਂ 20 ਕਿੱਲੋ ਭੁੱਕੀ ਬਰਾਮਦ ਕੀਤੀ ਗਈ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਕੇ ਮਾਣਯੋਗ ਅਦਾਲਤ ’ਚ ਪੇਸ਼ ਕੀਤਾ ਗਿਆ ਅਤੇ 2 ਦਿਨ ਦਾ ਪੁਲਿਸ ਰਿਮਾਂਡ ਹਾਸਲ ਕੀਤਾ ਗਿਆ। ਉਨ੍ਹਾਂ ਪੁਲਿਸ ਰਿਮਾਂਡ ਦੌਰਾਨ ਵੱਡੇ ਖੁਲਾਸੇ ਹੋਣ ਦੀ ਗੱਲ ਆਖੀ ਹੈ।