ਥਾਣਾ ਹਰਗੋਬਿੰਦਪੁਰ ਦੇ ਬਾਹਰ ਧਰਨਾ ਪ੍ਰਦਰਸ਼ਨ

ਦੋ ਮਹੀਨੇ ਪਹਿਲਾਂ ਨਸ਼ਾ ਵੇਚਦੇ ਇੱਕ ਵਿਅਕਤੀ ਨੂੰ ਬਟਾਲਾ ਦੇ ਪਿੰਡ ਵਿਠਵਾਂ ਦੇ ਕੁੱਝ ਪਰਿਵਾਰਾ ਵੱਲੋਂ ਫਡ਼ਾਇਆ ਗਿਆ ਸੀ  ਪੁਲੀਸ ਵੱਲੋਂ ਉਸ ਵਿਅਕਤੀ ਦੇ ਉੱਤੇ ਕੇਸ ਵੀ ਦਰਜ ਕੀਤਾ ਗਿਆ ਸੀ ਲੇਕਿਨ ਹੁਣ ਪਿੰਡ ਵਸਿਆ ਦਾ ਆਰੋਪ ਹੈ ਕਿ ਉਸੇ ਰੰਜਿਸ਼ ਤਹਿਤ ਪੁਲਿਸ ਵੱਲੋਂ ਪਿੰਡ ਦੇ ਕੁਝ ਪਰਿਵਾਰਾਂ ਦੇ ਪੰਜ ਛੇ ਜੀਆਂ ਖਿਲਾਫ ਜਾਤ ਪਾਤ ਦਾ  ਝੂਠਾ ਕੇਸ ਦਰਜ ਕੀਤਾ ਗਿਆ ਹੈ ਉਧਰ ਇਸੇ ਰੋਸ ਵਜੋਂ ਪਿੰਡ ਵਸਿਆ ਵਲੋਂ ਬਟਾਲਾ ਪੁਲਿਸ ਦੇ ਥਾਣਾ ਹਰਗੋਬਿੰਦਪੁਰ ਦੇ ਬਾਹਰ ਧਰਨਾ ਪ੍ਰਦਰਸ਼ਨ ਕੀਤਾ ਗਿਆ |

ਧਰਨੇ ਤੇ ਬੈਠੇ ਪਰਿਵਾਰਾਂ ਦਾ ਕਹਿਣਾ ਸੀ ਕਿ ਬੀਤੇ ਕਰੀਬ ਦੋ ਮਹੀਨੇ ਪਹਿਲਾਂ ਉਹਨਾਂ ਦੇ ਪਿੰਡ ਵਿਠਵਾਂ ਦਾ ਇੱਕ ਵਿਅਕਤੀ ਨੂੰ ਉਹਨਾਂ ਵਲੋਂ ਨਸ਼ਾ ਵੇਚਦੇ ਰੰਗੇ ਹੱਥੀਂ ਫੜਿਆ ਸੀ ਤੇ ਜਿਸ ਤੇ ਪੁਲਸ ਵਲੋਂ ਕਾਰਵਾਈ ਕਰਦਿਆਂ ਉਸ ਤੇ ਪਰਚਾ ਵੀ ਕੀਤਾ ਗਿਆ ਲੇਕਿਨ ਦੋ ਮਹੀਨੇ ਬੀਤਣ ਤੋਂ ਬਾਅਦ ਥਾਣਾ ਸ੍ਰੀ ਹਰਗੋਬਿੰਦਪੁਰ ਦੇ ਡੀਐਸਪੀ ਵੱਲੋਂ ਹੁਣ ਉਹਨਾਂ ਦੇ ਪੰਜ ਮੈਂਬਰਾਂ ਉੱਤੇ ਜਾਤ ਪਾਤ ਦਾ ਪਰਚਾ ਕੱਟਿਆ ਗਿਆ ਹੈ  ਉਨ੍ਹਾਂ ਨੇ ਕਿਹਾ ਕਿ ਉਹ ਗੁਰਮੁਖ ਪਰਿਵਾਰ ਹਾਂ ਅਤੇ ਉਹਨਾਂ ਕੋਈ ਵੀ ਜਾਤ ਪਾਤ ਦੇ ਬਾਰੇ ਨਹੀਂ ਬੋਲਿਆ | 

ਉਧਰ ਥਾਣਾ ਇੰਚਾਰਜ ਬਲਜੀਤ ਕੌਰ ਵਲੋਂ ਧਰਨੇ ਤੇ ਬੈਠੇ ਪਰਿਵਾਰਾਂ ਨੂੰ ਮਾਮਲੇ ਦੀ ਤਫਤੀਸ਼ ਗੰਭੀਰਤਾ ਨਾਲ ਦੋਬਾਰਾ ਕਰਨ ਦਾ ਅਸ਼ਵਾਸ਼ਨ ਦੇਕੇ ਧਰਨਾ ਖਤਮ ਕਰਵਾਇਆ ਗਿਆ |