ਡਾਇਰੈਕਟਰ ਸਿਵਲ ਡਿਫੈਂਸ ਘੁੰਮਣ ਨੇ ਕੋਵਿਡ ਡਿਊਟੀ ’ਤੇ ਤਾਇਨਾਤ ਹੋਮ ਗਾਰਡ ਜੁਆਨਾਂ ਦੀ ਕੀਤੀ ਹੌਂਸਲਾ ਅਫ਼ਜ਼ਾਈ

ਨਵਾਂਸ਼ਹਿਰ, 17 ਅਪਰੈਲ-
ਪੰਜਾਬ ਹੋਮ ਗਾਰਡਜ਼ ਦੇ ਕਮਾਂਡੈਂਟ ਜਰਨਲ ਅਤੇ ਡਾਇਰੈਕਟਰ ਸਿਵਲ ਡਿਫ਼ੈਂਸ ਪੰਜਾਬ ਕੁਲਤਾਰਨ ਸਿੰਘ ਘੁੰਮਣ ਵੱਲੋਂ ਅੱਜ ਜ਼ਿਲ੍ਹੇ ਦਾ ਦੌਰਾ ਕਰਕੇ ਕੋਵਿਡ-19 ਡਿਊਟੀ ’ਤੇ ਤਾਇਨਾਤ ਹੋਮ ਗਾਰਡ ਜੁਆਨਾਂ ਦੀ ਹੌਂਸਲਾ ਅਫ਼ਜ਼ਾਈ ਕੀਤੀ ਗਈ।
ਉਨ੍ਹਾਂ ਨੇ ਜ਼ਿਲ੍ਹਾ ਹਸਪਤਾਲ ਨਵਾਂਸ਼ਹਿਰ ਦੇ ਆਈਸੋਲੇਸ਼ਨ ਵਾਰਡ ’ਚ ਤਾਇਨਾਤ ਹੋਮ ਗਾਰਡ ਜੁਆਨਾਂ ਦੀ ਪ੍ਰਸ਼ੰਸਾ ਕੀਤੀ ਅਤੇ ਉਨ੍ਹਾਂ ਨੂੰ ਐਮ ਐਲ ਏ ਅੰਗਦ ਸਿੰਘ ਵੱਲੋਂ ਕੈਸ਼ ਐਵਾਰਡ ਵੀ ਦਿੱਤੇ।

ਸ੍ਰੀ ਘੁੰਮਣ ਨੇ ਪਿਛਲੇ ਦਿਨੀਂ ਨੂਰਮਹਿਲ ’ਚ ਸ਼ਰਾਰਤੀ ਅਨਸਰਾਂ ਵੱਲੋਂ ਸੁੱਟੇ ਪੈਟਰੋਲ ਬੰਬ ਨਾਲ ਝੁਲਸੇ ਹੋਮ ਗਾਰਡ ਜੁਆਨ ਰਛਪਾਲ ਸਿੰਘ ਦਾ ਉਸ ਦੇ ਪਿੰਡ ਫ਼ਰਵਾਲਾ (ਨੂਰਮਹਿਲ) ਪੁੱਜ ਕੇ ਹਾਲ ਪੁੱਛਿਆ ਅਤੇ ਉਸ ਵੱਲੋਂ ਦਿਖਾਈ ਬਹਾਦਰੀ ਦੀ ਸ਼ਲਾਘਾ ਕੀਤੀ।
ਉਨ੍ਹਾਂ ਦੇ ਨਵਾਂਸ਼ਹਿਰ ਦੌਰੇ ਮੌਕੇ ਚਰਨਜੀਤ ਸਿੰਘ ਡਿਵੀਜ਼ਨਲ ਕਮਾਂਡੈਂਟ ਜਲੰਧਰ, ਸੋਹਣ ਸਿੰਘ ਮਿਸਰਾ ਜ਼ਿਲ੍ਹਾ ਕਮਾਂਡਰ ਜਲੰਧਰ, ਡਾ. ਅਜੇਪਾਲ ਸਿੰਘ ਜ਼ਿਲ੍ਹਾ ਕਮਾਂਡਰ ਰੂਪਨਗਰ, ਕੈਪਟਨ ਗਗਨਪ੍ਰੀਤ ਸਿੰਘ ਢਿੱਲੋਂ ਜ਼ਿਲ੍ਹਾ ਕਮਾਂਡਰ ਹੁਸ਼ਿਆਰਪੁਰ ਮੌਜੂਦ ਸਨ।