ਅੱਠ ਪੰਜਾਬ ਹੋਮ ਗਾਰਡਜ਼ ਅਤੇ ਸਿਵਲ ਡਿਫੈਂਸ ਦੇ ਅਧਿਕਾਰੀ ਹੋਣਗੇ ਰਾਸ਼ਟਰਪਤੀ ਐਵਾਰਡ ਨਾਲ ਸਨਮਾਨਿਤ

ਚੰਡੀਗੜ੍ਹ, 15 ਅਗਸਤ : ਡਿਪਟੀ ਕਮਾਂਡੈਂਟ ਜਨਰਲ, ਪੰਜਾਬ ਹੋਮ ਗਾਰਡਜ਼ ਅਤੇ ਸਿਵਲ ਡਿਫੈਂਸ, ਹਰਮਨਜੀਤ ਸਿੰਘ ਵਿਲੱਖਣ ਸੇਵਾਵਾਂ ਲਈ ਆਜ਼ਾਦੀ ਦਿਵਸ ਦੇ ਮੌਕੇ \’ਤੇ ਰਾਸ਼ਟਰਪਤੀ ਹੋਮ ਗਾਰਡਜ਼ ਅਤੇ ਸਿਵਲ ਡਿਫੈਂਸ ਮੈਡਲ ਪ੍ਰਾਪਤ ਕੀਤੇ।

 

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪੰਜਾਬ ਸਰਕਾਰ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਪੰਜਾਬ ਹੋਮ ਗਾਰਡਜ਼ ਦੇ 7 ਹੋਰ ਜਵਾਨਾਂ ਨੂੰ ਵੀ ਮੇਰਿਟਰੀਅਸ ਸਰਵਿਸਿਜ਼ ਲਈ ਹੋਮ ਗਾਰਡਜ਼ ਅਤੇ ਸਿਵਲ ਡਿਫੈਂਸ ਮੈਡਲ ਮਿਲੇਗਾ ਜਿਨ੍ਹਾਂ ਵਿਚ ਐਸ ਓ (ਸੀ ਡੀ) ਗੁਰਿੰਦਰਪਾਲ ਸਿੰਘ, ਜ਼ਿਲ੍ਹਾ ਕਮਾਂਡਰ (ਐਚ ਜੀ) ਅਨਿਲ ਕੁਮਾਰ, ਜ਼ਿਲ੍ਹਾ ਕਮਾਂਡਰ (ਐਚ ਜੀ) ਰਾਜਿੰਦਰ ਕ੍ਰਿਸ਼ਨ, ਸੀਨੀਅਰ ਸਹਾਇਕ (ਐਚ ਜੀ ਅਤੇ ਸੀ ਡੀ) ਸੁਖਨੰਦਨ ਕੌਰ, ਪਲਟੂਨ ਕਮਾਂਡਰ (ਐਚ ਜੀ ਅਤੇ ਸੀ ਡੀ) ਨਿਰਮਲ ਸਿੰਘ, ਚੀਫ਼ ਵਾਰਡਨ ( ਸੀ ਡੀ) ਗੁਰਚਰਨ ਸਿੰਘ, ਪਲਟੂਨ ਕਮਾਂਡਰ (ਐਚ ਜੀ) ਰਛਪਾਲ ਸਿੰਘ ਸ਼ਾਮਲ ਹਨ।