2023 ਦੀਆਂ ਫਲਾਪ ਪੰਜਾਬੀ ਫਿਲਮਾਂ,ਨਾ ਕੱਢ ਸਕੀਆਂ ਆਪਣੀ ਲਾਗਤ

17 ਦਸੰਬਰ 2023: ਸਾਲ 2023 ਦੀ ਪੁੱਠੀ ਗਿਣਤੀ ਸ਼ੁਰੂ ਹੋ ਚੁੱਕੀ ਹੈ। ਮਹਿਜ਼ 15 ਦਿਨਾਂ ‘ਚ ਨਵਾਂ ਸਾਲ ਯਾਨੀ 2024 ਸ਼ੁਰੂ ਹੋ ਜਾਵੇਗਾ। ਇਸ ਤੋਂ ਪਹਿਲਾਂ ਚੱਲੋ ਇੱਕ ਝਾਤ ਮਾਰਦੇ ਹਾਂ 2023 ਦੀਆਂ ਪੁਰਾਣੀਆਂ ਯਾਦਾਂ ‘ਤੇ।
ਇਸ ਤੋਂ ਪਹਿਲਾਂ ਅਸੀਂ ਤੁਹਾਨੂੰ ਦੱਸਿਆ ਸੀ ਕਿ ਸਾਲ 2023 ਦੀਆਂ ਸੁਪਰਹਿੱਟ ਫਿਲਮਾਂ ਕਿਹੜੀਆ ਸਨ । ਅੱਜ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਸਾਲ 2023 ਦੀਆਂ ਮਹਾਫਲੌਪ ਫਿਲਮਾਂ ਬਾਰੇ, ਜਿਹੜੀਆਂ ਕਰੋੜਾਂ ਦੇ ਬਜਟ ਨਾਲ ਬਣੀਆਂ, ਪਰ ਬਾਕਸ ਆਫਿਸ ‘ਤੇ ਲੱਖਾਂ ‘ਚ ਸਿਮਟ ਕੇ ਰਹਿ ਗਈਆਂ।

1) ਫਿਲਮ ‘ਤੂੰ ਹੋਵੇਂ ਮੈਂ ਹੋਵਾਂ’ (10 ਫਰਵਰੀ 2023)

ਜਿੰਮੀ ਸ਼ੇਰਗਿੱਲ ਤੇ ਕੁਲਰਾਜ ਰੰਧਾਵਾ ਦੀ ਜੋੜੀ ਲੰਬੇ ਸਮੇਂ ਬਾਅਦ ਪਰਦੇ ‘ਤੇ ਨਜ਼ਰ ਆਈ ਸੀ। ਪਰ 2023 ‘ਚ ਇਸ ਜੋੜੀ ਦਾ ਜਾਦੂ ਦਰਸ਼ਕਾਂ ਦੇ ਦਿਲਾਂ ‘ਤੇ ਨਹੀਂ ਚੱਲ ਸਕਿਆ ਅਤੇ ਲੋਕਾਂ ਨੇ ਇਸ ਫਿਲਮ ਨੂੰ ਮੁੱਢੋਂ ਨਕਾਰ ਦਿੱਤਾ।
ਇਕ ਵੈਬਸਾਈਟ ਦੇ ਮੁਤਾਬਿਕ, ਇਹ ਫਿਲਮ ਸਿਰਫ 13 ਲੱਖ ਦੀ ਕਮਾਈ ਹੀ ਕਰ ਸਕੀ।

2) ਫਿਲਮ ‘ਜੀ ਵਾਈਫ ਜੀ’ (24 ਫਰਵਰੀ 2023)
ਕਰਮਜੀਤ ਅਨਮੋਲ, ਰੌਸ਼ਨ ਪ੍ਰਿੰਸ, ਅਨੀਤਾ ਦੇਵਗਨ ਤੇ ਨਿਸ਼ਾ ਬਾਨੋ ਸਟਾਰਰ ਫਿਲਮ ਦੀ ਸਟੋਰੀ ਤਾਂ ਕਾਫੀ ਦਿਲਚਸਪ ਸੀ, ਪਰ ਇਹ ਸਟੋਰੀ ਦਰਸ਼ਕਾਂ ਦਾ ਦਿਲ ਨਹੀਂ ਜਿੱਤ ਸਕੀ। ਇਹ ਫਿਲਮ ਥੀਏਟਰ ‘ਚ ਦਰਸ਼ਕਾਂ ਨੂੰ ਖਿੱਚਣ ‘ਚ ਕਾਮਯਾਬ ਨਹੀਂ ਹੋ ਸਕੀ।
ਇਕ ਵੈਬਸਾਈਟ ਦੇ ਮੁਤਾਬਿਕ, ਇਹ ਫਿਲਮ 54 ਲੱਖ ਦੀ ਕਮਾਈ ‘ਚ ਹੀ ਸਿਮਟ ਗਈ।

3) ਫਿਲਮ ‘ਮਿੱਤਰਾਂ ਦਾ ਨਾਂ ਚੱਲਦਾ’ (8 ਮਾਰਚ)
ਇਹ ਫਿਲਮ ਸਮਾਜ ‘ਚ ਔਰਤਾਂ ਦੇ ਮਾੜੇ ਹਾਲਾਤ ‘ਤੇ ਬਣੀ ਸੀ ਕਿ ਕਿਵੇਂ ਜਿਹੜੀਆਂ ਕੁੜੀਆਂ ਆਪਣੇ ਪਿੰਡਾਂ ਨੂੰ ਛੱਡ ਕੇ ਸ਼ਹਿਰਾਂ ‘ਚ ਕੰਮ ਕਰਨ ਆਉਂਦੀਆਂ ਹਨ, ਉਨ੍ਹਾਂ ਨੂੰ ਕਿਸ ਤਰ੍ਹਾਂ ਸਮਾਜ ‘ਚ ਸੰਘਰਸ਼ ਕਰਨਾ ਪੈਂਦਾ ਹੈ।
ਇਸ ਫਿਲਮ ਨੂੰ 8 ਮਾਰਚ ਯਾਨਿ ਮਹਿਲਾ ਦਿਵਸ ਮੌਕੇ ਰਿਲੀਜ਼ ਕੀਤਾ ਗਿਆ ਸੀ। ਫਿਲਮ ਦੀ ਸਟਾਰ ਕਾਸਟ ਵੀ ਕਾਫੀ ਵਧੀਆ ਸੀ। ਫਿਲਮ ‘ਚ ਗਿੱਪੀ ਗਰੇਵਾਲ ਤੇ ਤਾਨੀਆ ਅਹਿਮ ਭੂਮਿਕਾਵਾਂ ‘ਚ ਸਨ, ਪਰ ਇਹ ਫਿਲਮ ਬਾਕਸ ਆਫਿਸ ‘ਤੇ ਪਸੰਦ ਨਹੀਂ ਕੀਤੀ ਗਈ।
ਇਕ ਵੈਬਸਾਈਟ ਦੇ ਮੁਤਾਬਿਕ, ਇਹ ਫਿਲਮ ਸਿਰਫ 88 ਲੱਖ ਦੀ ਕਮਾਈ ਕਰ ਸਕੀ।

4) ਫਿਲਮ ‘ਉਡੀਕਾਂ ਤੇਰੀਆਂ’ (14ਅਪ੍ਰੈਲ )
ਇਸ ਫਿਲਮ ‘ਚ ਜਸਵਿੰਦਰ ਭੱਲਾ, ਅਮਰ ਨੂਰੀ ਤੇ ਉਪਾਸਨਾ ਸਿੰਘ ਮੁੱਖ ਭੂਮਿਕਾਵਾਂ ‘ਚ ਨਜ਼ਰ ਆਏ ਸੀ। ਪਰ ਇਹ ਫਿਲਮ ਵੀ ਬਾਕਸ ਆਫਿਸ ‘ਤੇ ਧਮਾਲ ਨਹੀਂ ਕਰ ਸੱਕੀ।
ਇਕ ਵੈਬਸਾਈਟ ਦੇ ਮੁਤਾਬਿਕ, ਇਹ ਫਿਲਮ ਦੀ ਗੇਮ ਵੀ ਮਹਿਜ਼ 8 ਲੱਖ ‘ਤੇ ਹੀ ਓਵਰ ਹੋ ਗਈ ਸੀ।

5) ਫਿਲਮ ‘ਯਾਰਾਂ ਦਾ ਰੁਤਬਾ’ (14 ਅਪ੍ਰੈਲ)
ਦੇਵ ਖਰੌੜ, ਰਾਹੁਲ ਦੇਵ ਤੇ ਪ੍ਰਿੰਸ ਕੰਵਲਜੀਤ ਸਿੰਘ ਵਰਗੇ ਦਿੱਗਜ ਸਟਾਰਜ਼ ਵੀ ਇਸ ਫਿਲਮ ਨੂੰ ਮਹਾਫਲੌਪ ਹੋਣ ਤੋਂ ਬਚਾ ਨਹੀਂ ਸਕੇ ਸੀ। ਇਕ ਵੈਬਸਾਈਟ ਦੇ ਮੁਤਾਬਿਕ, ਇਹ ਫਿਲਮ ਸਿਰਫ 25 ਲੱਖ ਦੀ ਕਮਾਈ ਕਰ ਪਾਈ ਸੀ।

6) ਫਿਲਮ ‘ਜ਼ਿੰਦਗੀ ਜ਼ਿੰਦਾਬਾਦ’ (27 ਅਕਤੂਬਰ)
ਨਿੰਜਾ ਦੀ ਇਹ ਫਿਲਮ ਵੀ ਬਾਕਸ ਆਫਿਸ ‘ਤੇ ਮਹਾਫਲੌਪ ਸਾਬਿਤ ਹੋਈ ਸੀ। ਇਕ ਵੈਬਸਾਈਟ ਦੇ ਮੁਤਾਬਿਕ, ਇਹ ਫਿਲਮ ਨੇ ਮਹਿਜ਼ 27 ਲੱਖ ਦੀ ਕਮਾਈ ਕੀਤੀ ਸੀ।