ਓਲੰਪਿਕ ਜੇਤੂਆਂ ਲਈ ਅੱਜ ਕੈਪਟਨ ਆਪਣੇ ਹੱਥਾਂ ਨਾਲ ਬਣਾਉਣਗੇ ਖਾਣਾ, ਸ਼ਾਮ 7 ਵਜੇ ਹੋਵੇਗੀ ਡਿਨਰ ਪਾਰਟੀ

ਮੋਹਾਲੀ : ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਬੁੱਧਵਾਰ ਨੂੰ ਟੋਕੀਓ ਓਲੰਪਿਕ (Tokyo Olympic) ਤਮਗਾ ਜੇਤੂ ਅਤੇ ਰਾਜ ਤੋਂ ਸੋਨ ਤਮਗਾ ਜੇਤੂ ਨੀਰਜ ਚੋਪੜਾ ਲਈ ਰਾਤ ਦੇ ਖਾਣੇ ਦੀ ਮੇਜ਼ਬਾਨੀ ਕਰ ਰਹੇ ਹਨ। ਮੁੱਖ ਮੰਤਰੀ ਖੁਦ ਉਨ੍ਹਾਂ ਲਈ ਸੁਆਦੀ ਪਕਵਾਨ ਤਿਆਰ ਕਰਨਗੇ । ਰਾਤ ਦੇ ਖਾਣੇ ਦਾ ਆਯੋਜਨ ਮੁਹਾਲੀ ਦੇ ਸਿਸਵਾਨ ਫਾਰਮ ਹਾਊਸ ਵਿੱਚ ਕੀਤਾ ਜਾਵੇਗਾ।

ਮੁੱਖ ਮੰਤਰੀ ਦੇ ਮੀਡੀਆ ਸਲਾਹਕਾਰ ਰਵੀਨ ਠਕਰਾਲ ਨੇ ਟਵੀਟ ਕੀਤਾ ਕਿ ਮੁੱਖ ਮੰਤਰੀ ਖ਼ੁਦ ਪੰਜਾਬ ਦੇ ਓਲੰਪਿਕ ਤਮਗਾ ਜੇਤੂਆਂ ਲਈ ਭੋਜਨ ਤਿਆਰ ਕਰਨਗੇ ਅਤੇ ਨੀਰਜ ਚੋਪੜਾ ਨਾਲ ਕੀਤੇ ਆਪਣੇ ਵਾਅਦੇ ਨੂੰ ਪੂਰਾ ਕਰਨਗੇ। ਦਾਅਵਤ ਵਿੱਚ ਪਟਿਆਲਾ ਪੁਲਾਓ, ਮੀਟ, ਚਿਕਨ, ਆਲੂ ਅਤੇ ਜ਼ਰਦਾ ਰਾਈਸ ਵਰਗੇ ਸੁਆਦੀ ਪਕਵਾਨ ਪਰੋਸੇ ਜਾਣਗੇ।