‘ਗਦਰ 2’ ਨੇ ਮਚਾਈ ਧਮਾਲ, KGF 2 ਦਾ ਤੋੜਿਆ ਰਿਕਾਰਡ

14AUGUST 2023: ਸੰਨੀ ਦਿਓਲ ਦੀ ਫਿਲਮ ਗਦਰ 2 ਕਮਾਈ ਦੇ ਮਾਮਲੇ ‘ਚ ਬਾਕਸ ਆਫਿਸ ‘ਤੇ ਧਮਾਲ ਮਚਾ ਰਹੀ ਹੈ। ਤਾਰਾ ਸਿੰਘ ਦੀ ਕਹਾਣੀ ਨੇ ਤਿੰਨ ਦਿਨਾਂ ਵਿੱਚ 134 ਕਰੋੜ ਦੀ ਕਮਾਈ ਕਰ ਲਈ ਹੈ। ਹਾਲਾਂਕਿ, ਅਕਸ਼ੇ ਕੁਮਾਰ ਦੀ OMG 2 ਗਦਰ 2 ਦੇ ਕ੍ਰੇਜ਼ ਵਿੱਚ ਪਿੱਛੇ ਰਹਿ ਗਈ। ਜੇਕਰ ਅਸੀਂ ਤਿੰਨ ਦਿਨਾਂ ਦੀ ਰਿਪੋਰਟ ‘ਤੇ ਨਜ਼ਰ ਮਾਰੀਏ ਤਾਂ ਐਤਵਾਰ ਨੂੰ OMG 2 ਨੇ ਪਹਿਲੇ ਦੋ ਦਿਨਾਂ ਤੋਂ ਜ਼ਿਆਦਾ ਕਮਾਈ ਕੀਤੀ ਹੈ।

KGF 2 ਦਾ ਰਿਕਾਰਡ ਤੋੜਿਆ

ਗਦਰ ਨੇ ਕਮਾਈ ਦੇ ਮਾਮਲੇ ਵਿੱਚ ਤੀਜੇ ਦਿਨ KGF 2 ਦਾ ਰਿਕਾਰਡ ਤੋੜ ਦਿੱਤਾ ਹੈ। ‘ਗਦਰ 2’ KGF 2 ਨੂੰ ਪਛਾੜ ਕੇ ਐਤਵਾਰ ਦੀ ਦੂਜੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਹਿੰਦੀ ਫਿਲਮ ਬਣ ਗਈ ਹੈ। ਹੁਣ ਤੱਕ, ਸਿਰਫ ਦੋ ਫਿਲਮਾਂ ਸਨ ਜਿਨ੍ਹਾਂ ਨੇ ਪਹਿਲੇ ਐਤਵਾਰ ਨੂੰ 50 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ – ਪਠਾਨ ਅਤੇ ਕੇਜੀਐਫ 2 (ਹਿੰਦੀ)। ਜਿੱਥੇ ਸ਼ਾਹਰੁਖ ਖਾਨ ਦੀ ‘ਪਠਾਨ’ ਨੇ ਆਪਣੇ ਪਹਿਲੇ ਐਤਵਾਰ ਨੂੰ 60.75 ਕਰੋੜ ਰੁਪਏ ਇਕੱਠੇ ਕੀਤੇ, ਉਥੇ ‘ਮੌਨਸਟਰ’ KGF 2 (ਹਿੰਦੀ) ਨੇ ਐਤਵਾਰ ਨੂੰ 50.35 ਕਰੋੜ ਰੁਪਏ ਇਕੱਠੇ ਕੀਤੇ। ਤੀਜੇ ਦਿਨ ‘ਗਦਰ 2’ ਨੇ 51 ਕਰੋੜ ਤੋਂ 52 ਕਰੋੜ ਦੀ ਕਮਾਈ ਕਰ ਲਈ ਹੈ। ਇਸ ਤੋਂ ਇਲਾਵਾ, ਹੁਣ ਤੱਕ ਸਿਰਫ 4 ਹਿੰਦੀ ਫਿਲਮਾਂ ਅਜਿਹੀਆਂ ਸਨ ਜਿਨ੍ਹਾਂ ਨੇ ਬਾਕਸ ਆਫਿਸ ‘ਤੇ ਇਕ ਦਿਨ ‘ਚ 50 ਕਰੋੜ ਜਾਂ ਇਸ ਤੋਂ ਵੱਧ ਦੀ ਕਮਾਈ ਕੀਤੀ – ਪਠਾਨ, ਕੇਜੀਐਫ 2, ਵਾਰ ਅਤੇ ਠਗਸ ਆਫ ਹਿੰਦੋਸਤਾਨ। ਹੁਣ ‘ਗਦਰ 2’ ਵੀ ਇਸ ਖਾਸ ਸੂਚੀ ‘ਚ ਸ਼ਾਮਲ ਹੋ ਗਈ ਹੈ।

ਤੀਸਰਾ ਦਿਨ ਪਿਛੜਾ omg 2

ਜਦੋਂ ਕਿ ਅਕਸ਼ੈ ਕੁਮਾਰ, ਪੰਕਜ ਤ੍ਰਿਪਾਠੀ ਅਤੇ ਯਾਮੀ ਗੌਤਮ ਦੀ OMG 2 ਗਦਰ ਤੋਂ ਪਿੱਛੇ ਰਹਿ ਗਈ। ਹਾਲਾਂਕਿ ਫਿਲਮ ਨੇ ਪਹਿਲੇ ਦੋ ਦਿਨਾਂ ਦੇ ਮੁਕਾਬਲੇ ਐਤਵਾਰ ਨੂੰ ਬਿਹਤਰ ਪ੍ਰਦਰਸ਼ਨ ਕੀਤਾ। ਫਿਲਮ ਨੇ ਤੀਜੇ ਦਿਨ ਕਰੀਬ 18 ਕਰੋੜ ਦੀ ਕਮਾਈ ਕਰ ਲਈ ਹੈ। ਪਹਿਲੇ ਦਿਨ ਸ਼ੁੱਕਰਵਾਰ ਨੂੰ ਫਿਲਮ ਨੇ 10 ਕਰੋੜ ਦੀ ਕਮਾਈ ਕੀਤੀ, ਸ਼ਨੀਵਾਰ ਨੂੰ ਫਿਲਮ ਨੇ 15 ਕਰੋੜ ਦੀ ਕਮਾਈ ਕੀਤੀ। ਹੁਣ ਐਤਵਾਰ ਨੂੰ ਇਸ ਦੀ ਕਮਾਈ 18 ਕਰੋੜ ਤੱਕ ਪਹੁੰਚ ਗਈ ਹੈ।