Harry Potter ਸਟਾਰ Dame Maggie Smith ਦਾ ਦਿਹਾਂਤ

ਆਸਕਰ ਜੇਤੂ ਅਭਿਨੇਤਰੀ ਮੈਗੀ ਸਮਿਥ ਦਾ ਸ਼ੁੱਕਰਵਾਰ, 27 ਸਤੰਬਰ ਨੂੰ 89 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਉਹ ‘ਹੈਰੀ ਪੋਟਰ’ ਫਰੈਂਚਾਈਜ਼ੀ ਫਿਲਮ ‘ਡਾਊਨਟਾਊਨ ਐਬੇ’ ‘ਚ ਆਪਣੀ ਦਮਦਾਰ ਅਦਾਕਾਰੀ ਲਈ ਮਸ਼ਹੂਰ ਹੋਈ ਸੀ। ਉਨ੍ਹਾਂ ਨੇ ‘ਹੈਰੀ ਪੋਟਰ’ ਵਿੱਚ ਪ੍ਰੋਫੈਸਰ ਮਿਨਰਵਾ ਮੈਕਗੋਨਾਗਲ ਦੀ ਭੂਮਿਕਾ ਨਿਭਾਈ ਸੀ। ਡੇਮ ਨੂੰ ਫਿਲਮ ਦ ਪ੍ਰਾਈਮ ਆਫ ਮਿਸ ਜੀਨ ਬ੍ਰੋਡੀ ਲਈ ਆਸਕਰ ਮਿਲਿਆ ਹੈ। ਜੋ ਕਿ ਸਾਲ 1969 ਵਿੱਚ ਆਈ ਸੀ। ਇੱਕ ਬਿਆਨ ਵਿਚ, ਡੇਮ ਦੇ ਦੋ ਪੁੱਤਰਾਂ ਨੇ ਉਨ੍ਹਾਂ ਦੀ ਮੌਤ ਦੀ ਜਾਣਕਾਰੀ ਦਿੱਤੀ।

ਵੈਸਟਮਿੰਸਟਰ ਹਸਪਤਾਲ ਵਿੱਚ ਆਖਰੀ ਸਾਹ ਲਏ

ਮੈਗੀ ਸਮਿਥ ਨੇ ਲੰਡਨ ਦੇ ਚੇਲਸੀ ਅਤੇ ਵੈਸਟਮਿੰਸਟਰ ਹਸਪਤਾਲ ਵਿੱਚ ਆਖਰੀ ਸਾਹ ਲਏ। ਇਹ ਖਬਰ ਉਨ੍ਹਾਂ ਦੇ ਦੋ ਪੁੱਤਰਾਂ ਕ੍ਰਿਸ ਲਾਰਕਿਨ ਅਤੇ ਟੋਬੀ ਸਟੀਫਨ ਨੇ ਸਾਂਝੀ ਕੀਤੀ ਹੈ। ਹਾਲਾਂਕਿ ਉਸ ਦੀ ਮੌਤ ਦਾ ਕਾਰਨ ਅਜੇ ਤੱਕ ਸਾਹਮਣੇ ਨਹੀਂ ਆਇਆ ਹੈ। ਮੈਗੀ ਦੇ ਦੋ ਪੁੱਤਰਾਂ ਵੱਲੋਂ ਜਾਰੀ ਬਿਆਨ ‘ਚ ਕਿਹਾ ਗਿਆ ਹੈ, ‘ਬਹੁਤ ਹੀ ਦੁੱਖ ਨਾਲ ਅਸੀਂ ਡੈਮ ਮੈਗੀ ਸਮਿਥ ਦੀ ਮੌਤ ਦਾ ਐਲਾਨ ਕਰਦੇ ਹਾਂ। ਸ਼ੁੱਕਰਵਾਰ 27 ਸਤੰਬਰ ਦੀ ਸਵੇਰ ਨੂੰ ਹਸਪਤਾਲ ਵਿੱਚ ਉਸਦੀ ਮੌਤ ਹੋ ਗਈ। ਉਹ ਆਪਣੇ ਆਖਰੀ ਪਲਾਂ ਵਿੱਚ ਆਪਣੇ ਦੋਸਤਾਂ ਅਤੇ ਪਰਿਵਾਰ ਨਾਲ ਸੀ। ਉਨ੍ਹਾਂ ਦੇ ਦੋ ਪੁੱਤਰ ਅਤੇ ਪੰਜ ਪੋਤੇ-ਪੋਤੀਆਂ ਹਨ, ਜੋ ਆਪਣੀ ਮਾਂ ਅਤੇ ਦਾਦੀ ਦੇ ਅਚਾਨਕ ਦਿਹਾਂਤ ਤੋਂ ਬਹੁਤ ਦੁਖੀ ਹਨ।

ਉਨ੍ਹਾਂ ਦੇ ਕੈਰੀਅਰ ਦੀ ਸ਼ੁਰੂਆਤ ਥੀਏਟਰ ਵਿੱਚ ਹੋਈ ਸੀ, ਪਰ ਉਨ੍ਹਾਂ ਨੇ 1958 ਦੇ ਮੇਲੋਡ੍ਰਾਮਾ, ਨੋਵੇਅਰ ਟੂ ਗੋ ਵਿੱਚ ਆਪਣੀ ਪਹਿਲੀ ਬਾਫਟਾ ਨਾਮਜ਼ਦਗੀ ਪ੍ਰਾਪਤ ਕੀਤੀ। 1963 ਤੱਕ, ਉਸਨੂੰ ਨੈਸ਼ਨਲ ਥੀਏਟਰ ਵਿੱਚ ਲਾਰੈਂਸ ਓਲੀਵੀਅਰ ਦੇ ਉਲਟ, ਡੇਸਡੇਮੋਨਾ ਦੀ ਭੂਮਿਕਾ ਦੀ ਪੇਸ਼ਕਸ਼ ਕੀਤੀ ਗਈ ਸੀ ਤੇ ਦੋ ਸਾਲ ਬਾਅਦ ਇਸ ਨੂੰ ਅਸਲੀ ਕਾਸਟ ਨਾਲ ਇੱਕ ਫਿਲਮ ਵਜੋਂ ਬਣਾਇਆ ਗਿਆ ਸੀ, ਜਿਸ ਵਿੱਚ ਸਮਿਥ ਨੂੰ ਆਸਕਰ ਲਈ ਨਾਮਜ਼ਦ ਕੀਤਾ ਗਿਆ ਸੀ।