ਪਤੀ ਪਤਨੀ ਦੇ ਆਪਸੀ ਝਗੜੇ ਦੇ ਚਲਦੇ ਕੁੜੀ ਦੇ ਪੇਕੇ ਪਰਿਵਾਰ ਨੇ ਕੀਤਾ ਜਵਾਈ ਦੇ ਘਰ ਹਮਲਾ ਕੀਤੇ ਹਵਾਈ ਫਾਇਰ – ਨਨਾਣ ਹੋਈ ਜਖਮੀ

ਬਟਾਲਾ ਦੇ ਨਜ਼ਦੀਕ ਪਿੰਡ ਮੂਲੀਆਂਵਾਲ ਵਿਖੇ ਇਕ ਪਤੀ ਪਤਨੀ ਦੀ ਘੇਰਲੂ ਤਕਰਾਰ ਦੇ ਚਲਦੇ ਲੜਕੀ ਦੇ ਪੇਕੇ ਪਰਿਵਾਰ ਵਲੋਂ ਆਪਣੇ ਜਵਾਈ ਦੇ ਘਰ ਕੀਤਾ ਹਮਲਾ ਉਥੇ ਹੀ ਹਮਲੇ ਦੌਰਾਨ ਘਰ ਚ ਮਜੂਦ ਇਕੱਲੀ ਲੜਕੇ ਦੀ ਭੈਣ ਕੁਲਜੀਤ ਕੌਰ ਹੋਈ ਜਖਮੀ , ਹਮਲਾਵਾਰਾਂ ਵਲੋਂ ਤੇਜ਼ਧਾਰ ਹਤਿਆਰਾ ਨਾਲ ਕੀਤੇ ਵਾਰ ਅਤੇ ਹਵਾਈ ਫਾਇਰ ਵੀ ਕੀਤੇ ਗਏ | ਉਥੇ ਹੀ ਪੁਲਿਸ ਦਾ ਕਹਿਣਾ ਕਿ ਮੌਕੇ ਤੋਂ 3 ਰਾਉਂਡ ਵੀ ਬਰਾਮਦ ਕੀਤੇ ਗਏ ਹਨ ਅਤੇ ਜਖਮੀ ਕੁਲਜੀਤ ਕੌਰ ਦੇ ਬਿਆਨ ਦਰਜ਼ ਕਰ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ | 

ਅੱਜ ਸਵੇਰੇ ਪਿੰਡ ਮੁਲੀਆਵਾਲ ਤੋਂ ਜਖ਼ਮੀ ਹਾਲਤ ਚ ਕੁਲਜੀਤ ਕੌਰ ਨੂੰ ਸਿਵਲ ਹਸਪਤਾਲ ਬਟਾਲਾ ਚ ਇਲਾਜ ਲਈ ਦਾਖਿਲ ਕਰਵਾਇਆ ਗਿਆ ਉਥੇ ਹੀ ਕੁਲਜੀਤ ਕੌਰ ਅਤੇ ਅਤੇ ਪਿੰਡ ਦੇ ਸਰਪੰਚ ਨੇ ਦੱਸਿਆ ਕਿ ਕੁਲਜੀਤ ਕੌਰ ਦੇ ਭਰਾ ਗੁਰਜੀਤ ਸਿੰਘ ਅਤੇ ਉਸਦੀ ਪਤਨੀ ਸੰਦੀਪ ਕੌਰ ਨਾਲ ਘੇਰਲੂ ਝਗੜਾ ਹੋਇਆ ਅਤੇ ਜਿਸ ਦੇ ਚਲਦੇ ਪਹਿਲਾ ਬੀਤੀ ਰਾਤ ਨੂੰ ਵੀ ਸੰਦੀਪ ਦੇ ਪੇਕਾ ਪਰਿਵਾਰ ਨੇ ਉਹਨਾਂ ਦੇ ਘਰ ਆ ਤਕਰਾਰ ਹੋਈ ਜਦਕਿ ਸੰਦੀਪ ਆਪਣੇ ਪਰਿਵਾਰ ਨਾਲ ਪੇਕੇ ਚਲੀ ਗਈ ਜਦਕਿ ਅੱਜ ਸਵੇਰੇ ਸੰਦੀਪ ਕੌਰ ਦੇ ਪੇਕੇ ਪਰਿਵਾਰ ਅਤੇ ਉਹਨਾਂ ਨਾਲ ਕੁਝ ਅਣਪਛਾਤੇ ਲੋਕਾਂ ਵਲੋਂ ਆਪਣੇ ਜਵਾਈ ਗੁਰਜੀਤ ਸਿੰਘ ਦੇ ਘਰ ਆ ਹਮਲਾ ਕਰ ਦਿਤਾ ਗਿਆ ਜਿਥੇ ਘਰ ਚ ਨੁਕਸਾਨ ਕੀਤਾ ਉਥੇ ਹੀ ਘਰ ਚ ਇਕੱਲੀ ਮਜੂਦ ਗੁਰਜੀਤ ਸਿੰਘ ਦੀ ਭੈਣ ਕੁਲਜੀਤ ਕੌਰ ਦੇ ਵੀ ਤੇਜ਼ਧਾਰ ਹਤਿਆਰਾ ਨਾਲ ਹਮਲਾ ਕਰ ਉਸਨੂੰ ਜਖਮੀ ਕਰ ਦਿਤਾ | ਉਥੇ ਹੀ ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਹਮਲਾਵਾਰਾਂ ਵਲੋਂ ਹਵਾਈ ਫਾਇਰ ਵੀ ਕੀਤੇ ਗਏ ਅਤੇ ਉਹ ਵਾਰਦਾਤ ਨੂੰ ਅੰਜਾਮ ਦੇ ਫਰਾਰ ਹੋ ਗਏ |