ਫਿਰੋਜ਼ਪੁਰ ‘ਚ ਸ਼ਾਰਟ ਸਰਕਟ ਨਾਲ ਦੂਜੀ ਮੰਜ਼ਿਲ ਤੇ ਲੱਗੀ ਅੱਗ, ਲੱਖਾ ਦਾ ਹੋਇਆ ਨੁਕਸਾਨ

ਫਿਰੋਜ਼ਪੁਰ, 12 ਮਈ: ਫਿਰੋਜ਼ਪੁਰ ਸ਼ਹਿਰ ਦੀ ਗਲੀ ਕੂਚਾ ਮੰਗਤ ਰਾਮ ਵਿਚ ਬਿਜਲੀ ਦੇ ਸ਼ਾਰਟ ਸਰਕਟ ਨਾਲ ਅੱਗ ਲੱਗ ਗਈ ਜਿਸ ਵਿੱਚ ਦੋ ਮੰਜ਼ਿਲਾ ਘਰ ਦੇ ਬੁਰੀ ਤਰ੍ਹਾਂ ਸੜ ਜਾਣ ਦੀ ਖ਼ਬਰ ਸਾਹਮਣੇ ਹੈ। 

ਮਿਲੀ ਜਾਣਕਾਰੀ ਅਨੁਸਾਰ ਘਰ ਦੇ ਅੰਦਰ ਸਵੇਰੇ 3.30 ਵਜੇ ਅਚਾਨਕ ਘਰ ਅੱਗ ਲੱਗ ਗਈ। ਇਹ ਘਰ ਕੱਪੜਾ ਵਪਾਰੀ ਦਾ ਸੀ। ਅੱਗ ਲੱਗਣ ਨਾਲ ਆਲੇ ਦੁਆਲੇ ਦੇ ਘਰਾਂ ਵਿੱਚ ਹਫੜਾ ਦਫੜੀ ਮੱਚ ਗਈ। ਲੋਕਾਂ ਨੇ ਹਿੰਮਤ ਨਾਲ ਘਰ ਦੇ ਮੈਂਬਰਾ ਨੂੰ ਪਹਿਲੀ ਮੰਜਿਲ ਦੇ ਰਾਹੀਂ ਬਾਹਰ ਕੱਢ ਲਿਆ। ਘਰ ਵਾਲਿਆਂ ਮੁਤਾਬਿਕ ਘਰ ਵਿਚ ਕਰੀਬ 25 ਲੱਖ ਰੁਪਏ ਦਾ ਕਪੜਾ ਸੀ, ਜੋ ਸੜ ਕੇ ਸੁਆਹ ਹੋ ਗਿਆ। ਦੱਸਿਆ ਜਾ ਰਿਹਾ ਹੈ ਇਸ ਭਿਆਨਕ ਅੱਗ ਨਾਲ ਤਕਰੀਬਨ 45 ਲੱਖ ਦਾ ਨੁਕਸਾਨ ਹੋਇਆ। ਹਾਲਾਂਕਿ ਜਾਨੀ ਨੁਕਸਾਨ ਤੋਂ ਬਚਾਅ ਹੋ ਗਿਆ। ਮੌਕੇ ‘ਤੇ ਫਾਇਰ ਬ੍ਰਿਗੇਡ ਦੀਆਂ ਪੰਜ ਗੱਡੀਆਂ ਪਹੁੰਚ ਗਈਆਂ ਜਿੰਨ੍ਹਾਂ ਨਾਲ ਅੱਗ ‘ਤੇ ਕਾਬੂ ਪਾਇਆ ਗਿਆ।