ਭਾਰਤ ‘ਚ 24 ਘੰਟਿਆ ਅੰਦਰ 418 ਕੋਵਿਡ ਪੀੜਤਾਂ ਦੀ ਗਈ ਜਾਨ, 16,922 ਨਵੇਂ ਮਾਮਲੇ ਹੋਏ ਦਰਜ

ਦੇਸ਼ ਵਿਚ ਲਗਾਤਾਰ ਕੋਵਿਡ ਮਹਾਂਮਾਰੀ ਦਾ ਪ੍ਰਭਾਵ ਵੱਧ ਰਿਹਾ ਹੈ। ਬੀਤੇ 24 ਘੰਟਿਆਂ ਦੌਰਾਨ ਦੇਸ਼ ਦੇ ਵਿਚ 16,922 ਲੋਕਾਂ ਦੇ ਸੰਕ੍ਰਮਣ ਹੋਣ ਦੀ ਖਬਰ ਆਈ ਹੈ ਨਾਲ ਹੀ ਕੋਰੋਨਾ ਕਾਰਨ ਮੌਤਾਂ ਦਾ ਅੰਕੜਾ ਬੀਤੇ 24 ਘੰਟਿਆਂ ਦੌਰਾਨ 418 ਰਿਹਾ। ਇਸਦੇ ਨਾਲ ਦੇਸ਼ ਵਿਚ ਕੋਰੋਨਾ ਨਾਲ ਸੰਕ੍ਰਮਿਤ ਪੀੜਤਾਂ ਦੀ ਗਿਣਤੀ 4 ਲੱਖ 73 ਹਜ਼ਾਰ 105 ਹੋ ਚੁੱਕੀ ਹੈ। ਜਦਕਿ ਰਾਹਤ ਦੀ ਖ਼ਬਰ ਇਹ ਹੈ ਕਿ ਇਨ੍ਹਾਂ ਵਿੱਚੋਂ 2,71, 697 ਪੀੜਤ ਠੀਕ ਹੋ ਚੁੱਕੇ ਹਨ ਪਰ ਅਜੇ ਵੀ 1,86,515 ਪੀੜਤ ਜੇਰੇ ਇਲਾਜ ਹਨ। ਦੱਸ ਦਈਏ ਕੋਵਿਡ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 14,894 ਹੋ ਚੁੱਕੀ ਹੈ।