ਜੰਮੂ-ਕਸ਼ਮੀਰ: ਗੁਲਮਰਗ ‘ਚ ਸੀਜ਼ਨ ਦੀ ਪਹਿਲੀ ਬਰਫਬਾਰੀ ਹੋਈ ਸ਼ੁਰੂ..

ਜੰਮੂ ਕਸ਼ਮੀਰ 25ਸਤੰਬਰ 2023:  ਜੰਮੂ-ਕਸ਼ਮੀਰ ਦੇ ਗੁਲਮਰਗ ਦੀਆਂ ਉੱਚੀਆਂ ਚੋਟੀਆਂ ‘ਤੇ ਸੀਜ਼ਨ ਦੀ ਪਹਿਲੀ ਬਰਫਬਾਰੀ ਸ਼ੁਰੂ ਹੋ ਗਈ ਹੈ। ਬਰਫਬਾਰੀ ਕਾਰਨ ਗੁਲਮਰਗ ਦਾ ਵੱਧ ਤੋਂ ਵੱਧ ਤਾਪਮਾਨ 15 ਡਿਗਰੀ ਦਰਜ ਕੀਤਾ ਗਿਆ, ਜੋ ਕਿ ਪਿਛਲੇ ਦਿਨ ਨਾਲੋਂ 3 ਡਿਗਰੀ ਘੱਟ ਹੈ । ਮੌਸਮ ਵਿਭਾਗ ਨੇ ਅਗਲੇ 24 ਘੰਟਿਆਂ ਦੌਰਾਨ ਜੰਮੂ-ਕਸ਼ਮੀਰ ਦੇ ਕੁਝ ਪਹਾੜੀ ਅਤੇ ਮੈਦਾਨੀ ਇਲਾਕਿਆਂ ਵਿੱਚ ਹਲਕੀ ਬਾਰਿਸ਼ ਅਤੇ ਬੱਦਲ ਛਾਏ ਰਹਿਣ ਦੀ ਭਵਿੱਖਬਾਣੀ ਕੀਤੀ ਹੈ। ਇਸ ਤੋਂ ਦੋ ਹਫਤੇ ਪਹਿਲਾਂ ਉੱਤਰਾਖੰਡ ਦੇ ਪਹਾੜਾਂ ਸਮੇਤ ਉੱਚੇ ਇਲਾਕਿਆਂ ‘ਚ ਸੀਜ਼ਨ ਦੀ ਪਹਿਲੀ ਬਰਫਬਾਰੀ ਹੋਈ ਸੀ, ਜਿਸ ਕਾਰਨ ਚਮੋਲੀ ‘ਚ ਲਗਾਤਾਰ ਮੀਂਹ ਪਿਆ ਸੀ।

ਆਪਣੀ ਮਨਮੋਹਕ ਸੁੰਦਰਤਾ ਤੋਂ ਇਲਾਵਾ, ਗੁਲਮਰਗ ਸਰਦੀਆਂ ਦੇ ਮੌਸਮ ਦੀਆਂ ਖੇਡਾਂ ਲਈ ਵੀ ਮਸ਼ਹੂਰ ਹੈ। ਸਭ ਤੋਂ ਪ੍ਰਸਿੱਧ ਸੈਰ-ਸਪਾਟਾ ਸਥਾਨ ਹੋਣ ਤੋਂ ਇਲਾਵਾ, ਇਹ ਸਕੀਇੰਗ ਸਥਾਨ ਵੀ ਹੈ। ਫਰਵਰੀ 2022 ਵਿੱਚ, ਦੁਨੀਆ ਦਾ ਸਭ ਤੋਂ ਵੱਡਾ ਇਗਲੂ ਕੈਫੇ ਗੁਲਮਰਗ ਵਿੱਚ ਖੋਲ੍ਹਿਆ ਗਿਆ ਸੀ, ਜਿਸ ਨੇ ਸੈਲਾਨੀਆਂ ਦਾ ਬਹੁਤ ਧਿਆਨ ਖਿੱਚਿਆ ਸੀ। ਸਾਲ 2023 ਵਿੱਚ, ਗੁਲਮਰਗ ਵਿੱਚ ਇੱਕ ਨਿੱਜੀ ਸੰਸਥਾ ਦੁਆਰਾ ਇੱਕ ਗਲਾਸ ਇਗਲੂ ਰੈਸਟੋਰੈਂਟ ਤਿਆਰ ਕੀਤਾ ਗਿਆ ਸੀ।