ਹਿਮਾਚਲ ਪ੍ਰਦੇਸ਼ ਵਿੱਚ ਭਾਜਪਾ ਤੋਂ ਲੋਕ ਸਭਾ ਚੋਣ ਲੜਨ ਵਾਲੀ ਪਹਿਲੀ ਮਹਿਲਾ ਬਣੀ ਕੰਗਨਾ ਰਣੌਤ

KANGANA RANAUT: ਹਿਮਾਚਲ ਪ੍ਰਦੇਸ਼ ‘ਚ ਲੋਕ ਸਭਾ ਚੋਣਾਂ ‘ਚ ਭਾਜਪਾ ਨੇ ਪਹਿਲੀ ਵਾਰ ਕੰਗਨਾ ਰਣੌਤ ਦੇ ਰੂਪ ‘ਚ ਕਿਸੇ ਮਹਿਲਾ ਉਮੀਦਵਾਰ ‘ਤੇ ਭਰੋਸਾ ਕੀਤਾ ਹੈ। 1952 ਤੋਂ 2019 ਤੱਕ ਭਾਜਪਾ ਨੇ ਕਦੇ ਵੀ ਔਰਤਾਂ ਨੂੰ ਟਿਕਟ ਨਹੀਂ ਦਿੱਤੀ। ਕੰਗਨਾ ਰਣੌਤ ਹਿਮਾਚਲ ਵਿੱਚ ਭਾਜਪਾ ਤੋਂ ਲੋਕ ਸਭਾ ਚੋਣ ਲੜਨ ਵਾਲੀ ਪਹਿਲੀ ਮਹਿਲਾ ਬਣ ਗਈ ਹੈ। ਕੰਗਨਾ ਦੇ ਜਨਮ ਦਿਨ ਦੇ ਅਗਲੇ ਦਿਨ ਟਿਕਟ ਮਿਲਣ ਤੋਂ ਬਾਅਦ ਕੰਗਨਾ ਅਤੇ ਉਸਦੇ ਪਰਿਵਾਰ ਵਿੱਚ ਖੁਸ਼ੀ ਦੀ ਲਹਿਰ ਹੈ।

ਅਭਿਨੇਤਰੀ ਕੰਗਨਾ ਰਣੌਤ ਭਾਜਪਾ ਦੀ ਟਿਕਟ ‘ਤੇ ਹਿਮਾਚਲ ਪ੍ਰਦੇਸ਼ ਤੋਂ ਲੋਕ ਸਭਾ ਚੋਣ ਲੜਨ ਵਾਲੀ ਪਹਿਲੀ ਮਹਿਲਾ ਬਣ ਗਈ ਹੈ। ਹੁਣ ਤੱਕ ਭਾਜਪਾ ਨੇ ਚਾਰ ਸੰਸਦੀ ਹਲਕਿਆਂ ਮੰਡੀ, ਸ਼ਿਮਲਾ, ਹਮੀਰਪੁਰ ਅਤੇ ਸ਼ਿਮਲਾ ਤੋਂ ਕਿਸੇ ਵੀ ਔਰਤ ਨੂੰ ਟਿਕਟ ਨਹੀਂ ਦਿੱਤੀ ਹੈ। ਰਾਮ ਮੰਦਰ, ਕਿਸਾਨ ਅੰਦੋਲਨ, ਧਾਰਾ 370 ਅਤੇ ਹੋਰ ਕਈ ਮੁੱਦਿਆਂ ‘ਤੇ ਕੇਂਦਰ ਸਰਕਾਰ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੇ ਪੱਖ ‘ਚ ਮਜ਼ਬੂਤੀ ਨਾਲ ਖੜ੍ਹੇ ਹੋਣਾ ਕੰਗਨਾ ਰਣੌਤ ਲਈ ਕੰਮ ਕੀਤਾ ਹੈ।

ਅਭਿਨੇਤਰੀ ਕੰਗਨਾ ਰਣੌਤ ਨੇ ਇੱਕ ਪੋਸਟ ਵਿੱਚ ਲਿਖਿਆ, ਮੈਂ ਲੋਕ ਸਭਾ ਚੋਣ ਲੜਨ ਦੇ ਹਾਈਕਮਾਨ ਦੇ ਫੈਸਲੇ ਨੂੰ ਸਵੀਕਾਰ ਕਰਦੀ ਹਾਂ। ਮੈਂ ਅਧਿਕਾਰਤ ਤੌਰ ‘ਤੇ ਪਾਰਟੀ ਵਿਚ ਸ਼ਾਮਿਲ ਹੋਣ ਲਈ ਸਨਮਾਨਿਤ ਅਤੇ ਉਤਸ਼ਾਹਿਤ ਹਾਂ। ਮੈਂ ਇੱਕ ਯੋਗ ਵਰਕਰ ਅਤੇ ਭਰੋਸੇਮੰਦ ਜਨਤਕ ਸੇਵਕ ਬਣਨ ਦੀ ਉਮੀਦ ਕਰਦੀ ਹਾਂ।