ਕੰਗਨਾ ਰਣੌਤ ਨੇ ਕੀਤੀ ਸ਼ਾਹਰੁਖ ਖਾਨ ਦੀ “ਪਠਾਨ” ਫਿਲਮ ਦੀ ਤਾਰੀਫ

ਸ਼ਾਹਰੁਖ ਖਾਨ ਸਟਾਰਰ ਫਿਲਮ ‘ਪਠਾਨ’ 25 ਜਨਵਰੀ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋ ਗਈ ਹੈ। ਇਸ ਐਕਸ਼ਨ ਡਰਾਮਾ ਫਿਲਮ ਨੂੰ ਦਰਸ਼ਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇੱਥੋਂ ਤੱਕ ਕਿ ਅਦਾਕਾਰਾ ਕੰਗਨਾ ਰਣੌਤ ਨੇ ਆਪਣੀ ਆਉਣ ਵਾਲੀ ਫਿਲਮ ‘ਐਮਰਜੈਂਸੀ’ ਦੀ ਰੈਪ-ਅੱਪ ਪਾਰਟੀ ‘ਚ ਸ਼ਾਹਰੁਖ ਦਾ ਨਾਂ ਲਏ ਬਿਨਾਂ ਫਿਲਮ ਦੀ ਤਾਰੀਫ ਕੀਤੀ। ਇਸ ਦੇ ਨਾਲ ਹੀ ਉਸ ਨੇ ਇਹ ਵੀ ਕਿਹਾ ਕਿ ਉਹ ਚਾਹੁੰਦੀ ਹੈ ਕਿ ਇਹ ਫਿਲਮ ਵਧੀਆ ਤਰੀਕੇ ਨਾਲ ਆਪਣੇ ਕੰਮ ਕਰੇ ਅਤੇ ਦਰਸ਼ਕ ਇਸ ਨੂੰ ਬਹੁਤ ਪਸੰਦ ਕਰਨਗੇ
ਮੀਡੀਆ ਨਾਲ ਗੱਲ ਕਰਦੇ ਹੋਏ ਕੰਗਨਾ ਨੇ ਕਿਹਾ, ‘ਪਠਾਨ ਚੰਗਾ ਪ੍ਰਦਰਸ਼ਨ ਕਰ ਰਹੇ ਹਨ। ਅਜਿਹੀਆਂ ਫ਼ਿਲਮਾਂ ਚੱਲਦੀਆਂ ਰਹਿਣ ਅਤੇ ਮੈਨੂੰ ਲੱਗਦਾ ਹੈ ਕਿ ਸਾਡੇ ਹਿੰਦੀ ਸਿਨੇਮਾ ਦੇ ਲੋਕ ਜੋ ਪਿੱਛੇ ਰਹਿ ਗਏ ਹਨ, ਹਰ ਵਿਅਕਤੀ ਆਪਣੇ ਪੱਧਰ ‘ਤੇ ਕੋਸ਼ਿਸ਼ ਕਰ ਰਿਹਾ ਹੈ। ਮੈਨੂੰ ਲੱਗਦਾ ਹੈ ਕਿ ਅਜਿਹੀਆਂ ਫਿਲਮਾਂ ਚੱਲਦੀਆਂ ਰਹਿਣੀਆਂ ਚਾਹੀਦੀਆਂ ਹਨ।

ਉਥੇ ਹੀ ਇਸ ਦੇ ਨਾਲ ਹੀ ਫਿਲਮ ਨਿਰਮਾਤਾ ਕਰਨ ਜੌਹਰ ਨੇ ਸੋਸ਼ਲ ਮੀਡੀਆ ਰਾਹੀਂ ਫਿਲਮ ਦੀ ਤਾਰੀਫ ਕਰਦੇ ਹੋਏ ਇਕ ਲੰਬਾ ਨੋਟ ਲਿਖਿਆ ਅਤੇ ਫਿਲਮ ਨੂੰ ਸਭ ਤੋਂ ਵੱਡੀ ਬਲਾਕਬਸਟਰ ਦੱਸਿਆ। ਕਰਨ ਨੇ ਆਪਣੀ ਪੋਸਟ ‘ਚ ਲਿਖਿਆ, ‘ਮੈਨੂੰ ਯਾਦ ਨਹੀਂ ਕਿ ਪਿਛਲੀ ਵਾਰ ਮੈਂ ਫਿਲਮਾਂ ‘ਚ ਇੰਨਾ ਮਜ਼ੇਦਾਰ ਸਮਾਂ ਕਦੋਂ ਗੁਜ਼ਾਰਿਆ ਸੀ। ਇਹ ਸਭ ਤੋਂ ਵੱਡੀ ਬਲਾਕਬਸਟਰ ਹੈ। ਉਥੇ ਹੀ ਅਨੁਪਮ ਖੇਰ ਨੇ ਵੀ ਪਠਾਣ ਫਿਲਮ ਨੂੰ ਲੈਕੇ ਕਿਹਾ, ‘ਪਠਾਨ ਬਹੁਤ ਵੱਡੀ ਫਿਲਮ ਹੈ, ਬਹੁਤ ਵੱਡੇ ਬਜਟ ‘ਤੇ ਬਣੀ ਹੈ।