ਜਾਣੋ ਗਰਮੀ ਵਿੱਚ ਭੋਜਨ ਨੂੰ ਦੂਸ਼ਿਤ ਹੋਣ ਤੋਂ ਕਿਵੇਂ ਰੋਕਿਆ ਜਾਵੇ

ਗਰਮੀਆਂ ਦੇ ਮੌਸਮ ਵਿਚ ਭੋਜਨ ਦੇ ਖਰਾਬ ਹੋਣ ਦਾ ਖਤਰਾ ਵੱਧ ਜਾਂਦਾ ਹੈ। ਗਰਮ ਅਤੇ ਨਮੀ ਵਾਲਾ ਤਾਪਮਾਨ ਕੀਟਾਣੂਆਂ, ਬੈਕਟੀਰੀਆ ਦੇ ਤੇਜ਼ੀ ਨਾਲ ਫੈਲਣ ਵਿਚ ਮਦਦ ਕਰਦਾ ਹੈ। ਇਸ ਨਾਲ ਭੋਜਨ ਆਸਾਨੀ ਨਾਲ ਦੂਸ਼ਿਤ ਹੋ ਜਾਂਦਾ ਹੈ। ਇਸ ਨਾਲ ਭੋਜਨ ਦੁਆਰਾ ਪੈਦਾ ਹੋਣ ਵਾਲੀਆਂ ਬਿਮਾਰੀਆਂ ਦਾ ਖਤਰਾ ਵੀ ਬਹੁਤ ਵੱਧ ਜਾਂਦਾ ਹੈ। ਇਸ ਤੋਂ ਬਚਣ ਲਈ ਲੋਕਾਂ ਨੂੰ ਕੁੱਝ ਤਰੀਕੇ ਵਰਤਣ ਦੀ ਲੋੜ ਹੈ ਤਾਂ ਜੋ ਭੋਜਨ ਨੂੰ ਦੂਸ਼ਿਤ ਹੋਣ ਤੋਂ ਰੋਕਿਆ ਜਾ ਸਕੇ।

ਗਰਮੀ ਵਿੱਚ ਭੋਜਨ ਨੂੰ ਦੂਸ਼ਿਤ ਹੋਣ ਤੋਂ ਰੋਕਣ ਦੇ 8 ਤਰੀਕੇ

1. ਭੋਜਨ ਹਮੇਸ਼ਾ ਸਾਫ਼ ਹੱਥਾਂ ਨਾਲ ਬਣਾਓ। ਇਹ ਦਸਤ ਅਤੇ ਸਾਹ ਦੀਆਂ ਬਿਮਾਰੀਆਂ ਜਿਵੇਂ ਕਿ ਆਮ ਜ਼ੁਖਾਮ ਅਤੇ ਫਲੂ ਨੂੰ ਰੋਕ ਸਕਦਾ ਹੈ।
2. ਆਪਣੇ ਰਸੋਈ ਕਾਊਂਟਰ ਨੂੰ ਰੋਗਾਣੂ-ਮੁਕਤ ਕਰੋ। ਉਸ ਖੇਤਰ ਨੂੰ ਸੈਨੀਟਾਈਜ਼ ਕਰੋ ਜਿੱਥੇ ਤੁਸੀਂ ਕੰਮ ਕਰਦੇ ਹੋ। ਇਸ ਨਾਲ ਵੱਖ-ਵੱਖ ਸਤਹਾਂ ‘ਤੇ ਮੌਜੂਦ ਹਾਨੀਕਾਰਕ ਬੈਕਟੀਰੀਆ ਨੂੰ ਮਾਰਿਆ ਜਾ ਸਕਦਾ ਹੈ।
3. ਫਲਾਂ ਅਤੇ ਸਬਜ਼ੀਆਂ ਨੂੰ ਚੰਗੀ ਤਰਾਂ ਧੋ ਕੇ ਵਰਤੋਂ। ਇਹ ਗੰਦਗੀ, ਬੈਕਟੀਰੀਆ ਅਤੇ ਕੀਟਨਾਸ਼ਕਾਂ ਨੂੰ ਹਟਾਉਣ ਦਾ ਇੱਕ ਪੱਕਾ ਤਰੀਕਾ ਹੈ। ਆਲੂ ਵਰਗੀਆਂ ਉਪਜਾਂ ਨੂੰ ਰਗੜਨ ਲਈ ਬੁਰਸ਼ ਦੀ ਵਰਤੋਂ ਵੀ ਕੀਤੀ ਜਾ ਸਕਦੀ ਹੈ।
4. ਹਮੇਸ਼ਾ ਉਤਪਾਦਾਂ ਦੀ ਮਿਆਦ ਪੁੱਗਣ ਦੀ ਮਿਤੀ ਦੀ ਜਾਂਚ ਕਰੋ।
5. ਜਲਦੀ ਖਰਾਬ ਹੋਣ ਵਾਲੇ ਖਾਣੇ ਜਿਵੇਂ ਦੁੱਧ, ਦਹੀ ਨੂੰ ਫਰਿੱਜ ਵਿਚ ਰੱਖੋ।
6. ਕੱਚੇ ਮੀਟ ਨੂੰ ਦੂਜੇ ਭੋਜਨਾਂ ਤੋਂ ਦੂਰ ਰੱਖੋ ਤਾਂ ਜੋ ਉਨ੍ਹਾਂ ਵਿੱਚ ਮੌਜੂਦ ਬੈਕਟੀਰਿਆਂ ਤੋਂ ਦੂਜੇ ਭੋਜਨਾਂ ਨੂੰ ਦੂਸ਼ਿਤ ਹੋਣ ਤੋਂ ਬਚਾਇਆ ਜਾ ਸਕੇ।
7. ਭੋਜਨ ਨੂੰ ਫਰਿੱਜ ਵਿੱਚ ਮੈਰੀਨੇਟ ਕਰੋ। ਪੋਲਟਰੀ ਅਤੇ ਮੀਟ ਨੂੰ ਦੋ ਦਿਨਾਂ ਤੱਕ ਮੈਰੀਨੇਟ ਕੀਤਾ ਜਾ ਸਕਦਾ ਹੈ।
8. ਫਰਿੱਜ ਵਿਚ ਜ਼ਰੂਰਤ ਤੋਂ ਜ਼ਿਆਦਾ ਸਮਾਨ ਨਾ ਭਰੋ। ਇਸ ਨਾਲ ਫਰਿੱਜ ਦੀ ਕੂਲਿੰਗ ਪ੍ਰਕਿਰਿਆ ਪ੍ਰਭਾਵਿਤ ਹੋ ਸਕਦੀ ਹੈ।