ਮਹਾਭਾਰਤ’ ਦੇ ਸ਼ਕੁਨੀ ਮਾਮਾ ਦਾ ਦਿਹਾਂਤ, ਅਦਾਕਾਰ ਗੁਫੀ ਪੇਂਟਲ ਨੇ 79 ਸਾਲ ਦੀ ਉਮਰ ‘ਚ ਲਏ ਆਖਰੀ ਸਾਹ

ਮੁੰਬਈ — ਮਨੋਰੰਜਨ ਜਗਤ ਤੋਂ ਇੱਕ ਹੋਰ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ। ਜਿੱਥੇ ਇਕ ਹੋਰ ਸਿਤਾਰੇ ਨੇ ਇਸ ਦੁਨੀਆ ਨੂੰ ਹਮੇਸ਼ਾ ਲਈ ਅਲਵਿਦਾ ਕਹਿ ਦਿੱਤਾ ਹੈ। ਟੈਲੀਵਿਜ਼ਨ ਸੀਰੀਅਲ ”ਮਹਾਭਾਰਤ” ”ਚ ਸ਼ਕੁਨੀ ਮਾਮਾ ਦੀ ਭੂਮਿਕਾ ਨਿਭਾਉਣ ਤੋਂ ਬਾਅਦ ਘਰ-ਘਰ ”ਚ ਮਸ਼ਹੂਰ ਹੋਏ ਅਭਿਨੇਤਾ ਗੁਫੀ ਪੇਂਟਲ ਦੀ ਉਮਰ ਸੰਬੰਧੀ ਪੇਚੀਦਗੀਆਂ ਕਾਰਨ ਸੋਮਵਾਰ ਨੂੰ ਇੱਥੇ ਇਕ ਹਸਪਤਾਲ ”ਚ ਮੌਤ ਹੋ ਗਈ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਉਨ੍ਹਾਂ ਦੇ ਭਤੀਜੇ ਹਿਤੇਨ ਪੇਂਟਲ ਨੇ ਦੱਸਿਆ ਕਿ ਗੁਫੀ ਪੇਂਟਲ ਦੀ ਉਮਰ 79 ਸਾਲ ਸੀ। ਹਿਤੇਨ ਪੇਂਟਲ ਨੇ ਦੱਸਿਆ, “ਉਹ ਨਹੀਂ ਰਹੇ। ਹਸਪਤਾਲ ‘ਚ ਸਵੇਰੇ 9 ਵਜੇ ਉਸ ਦੀ ਮੌਤ ਹੋ ਗਈ। ਉਸਦੇ ਦਿਲ ਨੇ ਕੰਮ ਕਰਨਾ ਬੰਦ ਕਰ ਦਿੱਤਾ ਅਤੇ ਉਸਨੇ ਆਪਣੀ ਨੀਂਦ ਵਿੱਚ ਆਖਰੀ ਸਾਹ ਲਿਆ।