Punjab
MOST WANTED GANGSTER : NIA ਨੇ ਤਿਆਰ ਕੀਤੀ 28 ਦੀ ਸੂਚੀ, ਪੰਜਾਬ-ਰਾਜਸਥਾਨ ਦੇ ਵਸਨੀਕ ਗੋਲਡੀ ਬਰਾੜ ਚੋਟੀ ‘ਤੇ
ਭਾਰਤ ਦੇ ਮੋਸਟ ਵਾਂਟੇਡ ਗੈਂਗਸਟਰ ਵਿਦੇਸ਼ਾਂ ਵਿੱਚ ਲੁਕੇ ਹੋਏ ਹਨ ਅਤੇ ਦੇਸ਼ ਵਿੱਚ ਵਾਰਦਾਤਾਂ ਨੂੰ ਅੰਜਾਮ ਦੇ ਰਹੇ ਹਨ। ਦੇਸ਼ ਵਿੱਚ ਕਤਲ, ਜਬਰਦਸਤੀ ਅਤੇ ਹਥਿਆਰਾਂ ਦੀ ਤਸਕਰੀ ਦਾ ਕੰਮ ਆਪਣੇ ਗੁੰਡੇ ਕਰਵਾ ਰਹੇ ਹਨ। ਨੈਸ਼ਨਲ ਇਨਵੈਸਟੀਗੇਸ਼ਨ ਏਜੰਸੀ (ਐਨਆਈਏ) ਨੇ ਅਜਿਹੇ 28 ਗੈਂਗਸਟਰਾਂ ਦੀ ਸੂਚੀ ਤਿਆਰ ਕੀਤੀ ਹੈ। ਇਸ ਮੁਤਾਬਕ ਸਭ ਤੋਂ ਵੱਧ 9 ਗੈਂਗਸਟਰ ਕੈਨੇਡਾ ਅਤੇ 5 ਅਮਰੀਕਾ ਵਿੱਚ ਲੁਕੇ ਹੋਏ ਹਨ। ਇਹ ਸੂਚੀ ਕਾਰਵਾਈ ਲਈ ਗ੍ਰਹਿ ਮੰਤਰਾਲੇ ਨੂੰ ਸੌਂਪ ਦਿੱਤੀ ਗਈ ਹੈ।
ਇਸ ਸੂਚੀ ਵਿੱਚ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਦੇ ਮਾਸਟਰਮਾਈਂਡ ਲਾਰੈਂਸ ਗੈਂਗ ਦੇ ਗੈਂਗਸਟਰ ਗੋਲਡੀ ਬਰਾੜ ਦਾ ਨਾਂ ਸਭ ਤੋਂ ਉੱਪਰ ਹੈ। ਸੂਚੀ ਵਿੱਚ ਸ਼ਾਮਲ ਗੈਂਗਸਟਰ ਪੰਜਾਬ ਅਤੇ ਰਾਜਸਥਾਨ ਦੇ ਵਸਨੀਕ ਹਨ, ਜੋ ਕਿ ਲਾਰੈਂਸ ਅਤੇ ਬਬੀਹਾ ਗੈਂਗ ਨਾਲ ਜੁੜੇ ਹੋਏ ਹਨ। ਐਨਆਈਏ ਮੁਤਾਬਕ ਇਹ ਗੈਂਗਸਟਰ ਦੇਸ਼ ਵਿੱਚ ਜੁਰਮ ਕਰਨ ਤੋਂ ਬਾਅਦ ਫਰਜ਼ੀ ਪਾਸਪੋਰਟ ਬਣਾ ਕੇ ਵਿਦੇਸ਼ ਭੱਜ ਗਏ ਸਨ। ਸੂਚੀ ਮਿਲਣ ਤੋਂ ਬਾਅਦ ਹੁਣ ਗ੍ਰਹਿ ਮੰਤਰਾਲਾ ਇਨ੍ਹਾਂ ਗੈਂਗਸਟਰਾਂ ਖਿਲਾਫ ਕਾਰਵਾਈ ਨੂੰ ਲੈ ਕੇ ਵੱਡਾ ਫੈਸਲਾ ਲੈ ਸਕਦਾ ਹੈ।
- ਗੋਲਡੀ ਬਰਾੜ ਉਰਫ ਸਤਿੰਦਰਜੀਤ ਸਿੰਘ – ਮੂਲ ਰੂਪ ਵਿਚ ਪੰਜਾਬ ਦਾ, ਕੈਨੇਡਾ/ਅਮਰੀਕਾ ਵਿੱਚ ਜਾ ਲੁਕਿਆ
- ਅਨਮੋਲ ਬਿਸ਼ਨੋਈ – ਮੂਲ ਰੂਪ ਵਿੱਚ ਪੰਜਾਬ, ਇਸ ਵੇਲੇ ਅਮਰੀਕਾ ਵਿਚ ਲੁਕਿਆ
- ਕੁਲਦੀਪ ਸਿੰਘ – ਪੰਜਾਬ ਦਾ ਵਸਨੀਕ ਪਰ UAE ਵਿੱਚ ਲੁਕਿਆ
- ਜਗਜੀਤ ਸਿੰਘ – ਪੰਜਾਬ ਦਾ ਵਸਨੀਕ, ਇਸ ਵੇਲੇ ਮਲੇਸ਼ੀਆ ਵਿਚ ਰਹਿ ਰਿਹਾ ਹੈ।
- ਧਰਮਨ ਕਾਹਲੋਂ – ਪੰਜਾਬ, ਅਮਰੀਕਾ ਵਿਚ ਲੁਕਿਆ ਹੋਇਆ ਹੈ
- ਰੋਹਿਤ ਗੋਦਾਰਾ – ਰਾਜਸਥਾਨ, ਇਸ ਵੇਲੇ ਯੂਰਪ ‘ਚ ਲੁਕਿਆ
- ਗੁਰਵਿੰਦਰ ਸਿੰਘ – ਪੰਜਾਬ, ਕੈਨੇਡਾ ਵਿੱਚ ਲੁਕਿਆ
- ਸਚਿਨ ਥਾਪਨ – ਪੰਜਾਬ , ਵਰਤਮਾਨ ਵਿੱਚ ਅਜ਼ਰਬਾਈਜਾਨ ਵਿੱਚ ਲੁਕਿਆ।
- ਸਤਵੀਰ ਸਿੰਘ – ਪੰਜਾਬ ਦਾ ਮੂਲ ਨਿਵਾਸੀ, ਕੈਨੇਡਾ ਵਿੱਚ ਲੁਕਿਆ।
- ਸਨਵਰ ਢਿੱਲੋਂ – ਕੈਨੇਡੀਅਨ ਗੈਂਗਸਟਰ, ਪਰ ਉਸ ਦੇ ਪੁਰਖੇ ਭਾਰਤੀ ਸਨ।
- ਰਾਜੇਸ਼ ਕੁਮਾਰ – ਬ੍ਰਾਜ਼ੀਲ
- ਗੁਰਪਿੰਦਰ ਸਿੰਘ – ਪੰਜਾਬ, ਕੈਨੇਡਾ ਵਿੱਚ ਲੁਕਿਆ ਹੈ।
- ਹਰਜੋਤ ਸਿੰਘ ਗਿੱਲ – ਪੰਜਾਬ, ਇਸ ਸਮੇਂ ਅਮਰੀਕਾ ਵਿੱਚ ਲੁਕਿਆ ਹੋਇਆ ਹੈ।
- ਦਰਮਨਜੀਤ ਸਿੰਘ ਉਰਫ਼ ਦਰਮਨ ਕਾਹਲੋਂ – ਅਮਰੀਕਾ ਵਿੱਚ ਲੁਕਿਆ ਹੋਇਆ ਹੈ
- ਅੰਮ੍ਰਿਤ ਬਾਲ – ਅਮਰੀਕਾ ਵਿੱਚ ਲੁਕਿਆ ਹੋਇਆ
- ਸੁਖਦੁਲ ਸਿੰਘ ਉਰਫ ਸੁੱਖਾ ਦੁੱਨੇਕੇ – ਕੈਨੇਡਾ ਵਿੱਚ ਲੁਕਿਆ ਹੋਇਆ ਹੈ
- ਗੁਰਪਿੰਦਰ ਸਿੰਘ ਉਰਫ ਬਾਬਾ ਡੱਲਾ – ਕੈਨੇਡਾ ਵਿੱਚ ਲੁਕਿਆ ਹੋਇਆ ਹੈ
- ਸਤਵੀਰ ਸਿੰਘ ਵੜਿੰਗ ਉਰਫ ਸੈਮ – ਕੈਨੇਡਾ ਵਿੱਚ ਰਹਿ ਰਿਹਾ ਹੈ
19 ਲਖਬੀਰ ਸਿੰਘ ਲੰਡਾ – ਕੈਨੇਡਾ ਵਿੱਚ ਲੁਕਿਆ ਹੋਇਆ ਹੈ
20 ਅਰਸ਼ਦੀਪ ਸਿੰਘ ਉਰਫ਼ ਅਰਸ਼ ਡਾਲਾ ,ਕੈਨੇਡਾ ਵਿੱਚ ਲੁਕਿਆ ਹੋਇਆ ਹੈ
- ਚਰਨਜੀਤ ਸਿੰਘ ਉਰਫ਼ ਰਿੰਕੂ ਬਿਹਲਾ ਕੈਨੇਡਾ ਵਿੱਚ ਲੁਕਿਆ ਹੋਇਆ ਹੈ
- ਰਮਨਦੀਪ ਸਿੰਘ ਉਰਫ਼ ਰਮਨ ਜੱਜ – ਕੈਨੇਡਾ ਵਿੱਚ ਲੁਕਿਆ ਹੋਇਆ ਹੈ
- ਗੌਰਵ ਪਟਿਆਲ ਉਰਫ ਲੱਕੀ ਪਟਿਆਲ – ਅਰਮੇਨੀਆ ਵਿੱਚ ਲੁਕਿਆ ਹੋਇਆ
- ਸੁਪ੍ਰੀਪ ਸਿੰਘ ਹੈਰੀ ਚੱਠਾ – ਮੂਲ ਰੂਪ ਵਿੱਚ ਪੰਜਾਬ, ਜਰਮਨੀ ਵਿੱਚ ਲੁਕਿਆ ਹੋਇਆ ਹੈ।
- ਰਮਨਜੀਤ ਸਿੰਘ ਉਰਮ ਰੋਮੀ ਹਾਂਗਕਾਂਗ – ਹਾਂਗਕਾਂਗ
- ਮਨਪ੍ਰੀਤ ਸਿੰਘ ਉਰਫ਼ ਪੀਤਾ – ਮੂਲ ਰੂਪ ਵਿੱਚ ਪੰਜਾਬ ਦਾ ਰਹਿਣ ਵਾਲਾ ਹੈ ਪਰ ਇਸ ਸਮੇਂ ਫਿਲੀਪੀਨਜ਼ ਵਿੱਚ ਰਹਿ ਰਿਹਾ ਹੈ
- ਗੁਰਜੰਟ ਸਿੰਘ ਉਰਫ ਜੰਟਾ — ਆਸਟ੍ਰੇਲੀਆ ਵਿਚ ਰਹਿ ਰਿਹਾ ਹੈ
- ਸੰਦੀਪ ਗਰੇਵਾਲ ਉਰਫ ਬਿੱਲਾ ਉਰਫ ਸੰਨੀ ਖਵਾਜਕੇ – ਇੰਡੋਨੇਸ਼ੀਆ
