ਨਾ ਵਿਜੀਲੈਂਸ ਦੀ ਚਿੰਤਾ, ਨਾ ਮੁੱਖ ਮੰਤਰੀ ਦਫ਼ਤਰ ਦਾ ਡਰ, ਨਿਗਮ ਨੂੰ ਫਿਰ ਤੋਂ ਧੱਕਾ ਮਾਰਨ ਦੀ ਤਿਆਰੀ ‘ਚ ਨੇ ਅਧਿਕਾਰੀ

ਪਿਛਲੇ ਕਈ ਸਾਲਾਂ ਤੋਂ ਜਲੰਧਰ ਨਿਗਮ ਨੇ ਸ਼ਹਿਰ ਨੂੰ ਪਾਣੀ ਸਪਲਾਈ ਕਰਨ ਵਾਲੇ 600 ਦੇ ਕਰੀਬ ਟਿਊਬਵੈੱਲਾਂ ‘ਤੇ ਟਾਈਮਰ ਲਗਾਏ ਹੋਏ ਹਨ, ਜਿਸ ਕਾਰਨ ਇਹ ਟਿਊਬਵੈੱਲ ਆਪਣੇ ਆਪ ਹੀ ਨਿਰਧਾਰਤ ਸਮੇਂ ‘ਤੇ ਚਾਲੂ ਅਤੇ ਬੰਦ ਹੋ ਜਾਂਦੇ ਹਨ | ਕੁਝ ਮਹੀਨੇ ਪਹਿਲਾਂ ਜਲੰਧਰ ਨਿਗਮ ਦੇ ਅਧਿਕਾਰੀਆਂ ਨੇ ਇਨ੍ਹਾਂ ਟਿਊਬਵੈੱਲਾਂ ਦੀ ਸਾਂਭ-ਸੰਭਾਲ ਸਬੰਧੀ ਟੈਂਡਰ ਜਾਰੀ ਕਰਦਿਆਂ ਇਨ੍ਹਾਂ ਟਿਊਬਵੈੱਲਾਂ ਨੂੰ ਚਲਾਉਣ ਅਤੇ ਬੰਦ ਕਰਨ ਲਈ ਲੇਬਰ ਰੱਖਣ ਅਤੇ ਹਰ 5 ਟਿਊਬਵੈੱਲਾਂ ਲਈ ਇਕ ਆਦਮੀ ਰੱਖਣ ਅਤੇ ਉਸ ਨੂੰ ਡੀ.ਸੀ. ਰੇਟ ‘ਤੇ ਤਨਖਾਹ ਦੇਣ ਦੀ ਵਿਵਸਥਾ ਵੀ ਟੈਂਡਰਾਂ ‘ਚ ਕੀਤੀ ਗਈ ਸੀ। ਉਦੋਂ ਨਿਗਮ ਅਧਿਕਾਰੀਆਂ ‘ਤੇ ਦੋਸ਼ ਲਾਇਆ ਗਿਆ ਸੀ ਕਿ ਕਰੋੜਾਂ ਰੁਪਏ ਦਾ ਕੰਮ ਕਰਵਾਉਣ ਲਈ ਟੈਂਡਰ ਲਾਏ ਜਾ ਰਹੇ ਹਨ। ਇਸ ਘਪਲੇ ਦੀ ਸ਼ਿਕਾਇਤ ਮੁੱਖ ਮੰਤਰੀ ਦਫ਼ਤਰ ਨੂੰ ਵੀ ਕੀਤੀ ਗਈ ਸੀ, ਜਿਸ ਵਿੱਚ ਸਪੱਸ਼ਟ ਕਿਹਾ ਗਿਆ ਸੀ ਕਿ ਟਿਊਬਵੈੱਲ ਨੂੰ ਟਾਈਮਰ ਨਾਲ ਚਲਾਉਣ ਲਈ ਮਜ਼ਦੂਰਾਂ ਦੀ ਲੋੜ ਨਹੀਂ ਹੈ।