Uncategorized
ਪੰਗਾ ਗਰਲ ਕੰਗਨਾ ਰਣੌਤ ਨੇ ਆਮਿਰ ਖਾਨ ‘ਤੇ ਸਾਧਿਆ ਨਿਸ਼ਾਨਾ, ਇਸ ਮਾਮਲੇ ‘ਚ ਅਦਾਕਾਰ ਨੂੰ ਕਿਹਾ ‘ਗਰੀਬ’
ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਆਪਣੇ ਬੇਮਿਸਾਲ ਅੰਦਾਜ਼ ਲਈ ਜਾਣੀ ਜਾਂਦੀ ਹੈ। ਕੰਗਨਾ ਆਪਣੇ ਇਕ ਨਾ ਕਿਸੇ ਬਿਆਨ ਨੂੰ ਲੈ ਕੇ ਸੁਰਖੀਆਂ ‘ਚ ਬਣੀ ਰਹਿੰਦੀ ਹੈ। ਹਾਲ ਹੀ ‘ਚ ਕੰਗਨਾ ਨੇ ਆਮਿਰ ਖਾਨ ਬਾਰੇ ਟਵੀਟ ਕੀਤਾ ਹੈ। ਅਦਾਕਾਰਾ ਦੇ ਇਸ ਟਵੀਟ ਨੇ ਇੰਟਰਨੈੱਟ ਦਾ ਤਾਪਮਾਨ ਵਧਾ ਦਿੱਤਾ ਹੈ। ਕੰਗਨਾ ਆਪਣੇ ਟਵੀਟ ‘ਚ ਆਮਿਰ ਨੂੰ ਗਰੀਬ ਕਹਿ ਰਹੀ ਹੈ। ਦਰਅਸਲ ਹਾਲ ਹੀ ‘ਚ ਆਮਿਰ ਖਾਨ ਨੂੰ ਸਵਾਲ ਪੁੱਛਿਆ ਗਿਆ ਸੀ ਕਿ ਲੇਖਿਕਾ ਸ਼ੋਭਾ ਡੇ ਦੇ ਕਿਰਦਾਰ ਲਈ ਕਿਹੜੀ ਅਭਿਨੇਤਰੀ ਪਰਫੈਕਟ ਹੈ, ਜਿਸ ਦੇ ਜਵਾਬ ‘ਚ ਆਮਿਰ ਨੇ ਇੰਡਸਟਰੀ ਦੀਆਂ ਕਈ ਅਭਿਨੇਤਰੀਆਂ ਦਾ ਨਾਂ ਲਿਆ, ਜਿਨ੍ਹਾਂ ‘ਚ ਦੀਪਿਕਾ ਪਾਦੂਕੋਣ, ਪ੍ਰਿਅੰਕਾ ਚੋਪੜਾ ਅਤੇ ਆਲੀਆ ਭੱਟ ਸ਼ਾਮਲ ਸਨ।
ਆਮਿਰ ਖਾਨ ਨੇ ਕਿਹਾ ਕਿ ਇਹ ਅਭਿਨੇਤਰੀਆਂ ਇਸ ਕਿਰਦਾਰ ਨੂੰ ਬਹੁਤ ਵਧੀਆ ਢੰਗ ਨਾਲ ਨਿਭਾ ਸਕਦੀਆਂ ਹਨ, ਪਰ ਇਸ ਦੌਰਾਨ ਸ਼ੋਭਾ ਡੇ ਨੇ ਉਨ੍ਹਾਂ ਨੂੰ ਰੋਕਿਆ ਅਤੇ ਕਿਹਾ ਕਿ ਤੁਸੀਂ ਇੱਕ ਅਭਿਨੇਤਰੀ ਦਾ ਨਾਮ ਲੈਣਾ ਭੁੱਲ ਰਹੇ ਹੋ ਜਿਸਦਾ ਨਾਮ ਕੰਗਨਾ ਰਣੌਤ ਹੈ। ਆਮਿਰ ਨੇ ਸ਼ੋਭਾ ਦੀ ਗੱਲ ‘ਤੇ ਸਹਿਮਤੀ ਜਤਾਉਂਦੇ ਹੋਏ ਕਿਹਾ ਕਿ ਕੰਗਨਾ ਇਕ ਵਧੀਆ ਅਭਿਨੇਤਰੀ ਹੈ ਅਤੇ ਉਹ ਇਸ ਕਿਰਦਾਰ ਨੂੰ ਚੰਗੀ ਤਰ੍ਹਾਂ ਨਿਭਾ ਸਕਦੀ ਹੈ।
ਕੰਗਨਾ ਨੇ ਕਿਹਾ- ਗਰੀਬ ਆਮਿਰ ਖਾਨ…
ਕੰਗਨਾ ਨੇ ਆਮਿਰ ਦੇ ਇਸ ਵੀਡੀਓ ਨੂੰ ਟਵੀਟ ਕਰਕੇ ‘ਗਰੀਬ’ ਲਿਖਿਆ ਹੈ। ਅਭਿਨੇਤਰੀ ਨੇ ਲਿਖਿਆ ਕਿ ਗਰੀਬ ਆਮਿਰ ਖਾਨ… ਹਾ ਹਾ, ਤੁਸੀਂ ਅਜਿਹਾ ਕੰਮ ਕਰਨ ਦੀ ਪੂਰੀ ਕੋਸ਼ਿਸ਼ ਕੀਤੀ ਜਿਵੇਂ ਤੁਹਾਨੂੰ ਪਤਾ ਹੀ ਨਹੀਂ ਹੈ ਕਿ ਮੈਂ ਤਿੰਨ ਵਾਰ ਨੈਸ਼ਨਲ ਐਵਾਰਡ ਜਿੱਤ ਚੁੱਕੀ ਹਾਂ। ਤੁਸੀਂ ਜਿਨ੍ਹਾਂ ਅਭਿਨੇਤਰੀਆਂ ਦਾ ਜ਼ਿਕਰ ਕੀਤਾ ਹੈ ਉਨ੍ਹਾਂ ਵਿੱਚੋਂ ਕੋਈ ਵੀ ਨਹੀਂ। ਇਸ ਤੋਂ ਬਾਅਦ ਅਦਾਕਾਰਾ ਨੇ ਸ਼ੋਭਾ ਡੇ ਦਾ ਧੰਨਵਾਦ ਕੀਤਾ ਅਤੇ ਲਿਖਿਆ ਕਿ @DeShobhaa ਜੀ ਮੈਂ ਤੁਹਾਡਾ ਕਿਰਦਾਰ ਨਿਭਾਉਣਾ ਪਸੰਦ ਕਰਾਂਗੀ।
