ਕੋਰੋਨਾ ਦਾ ਮੂੰਹ ਭੰਨਣ ਵਾਲੀ ਐੱਸ.ਐੱਚ.ਓ ਅਰਸ਼ਪ੍ਰੀਤ ਨੇ ਮੁੜ ਸਾਂਭਿਆ ਚਾਰਜ, ਥਾਣੇ ‘ਚ ਪਏ ਭੰਗੜੇ, ਫੁੱਲਾਂ ਦੇ ਕਾਰਪੇਟ ਤੇ ਕੀਤੀ ਐਂਟਰੀ

ਲੁਧਿਆਣਾ, 19 ਮਈ (ਸੰਜੀਵ ਸੂਦ): ਲੁਧਿਆਣਾ ਦੇ ਥਾਣਾ ਬਸਤੀ ਜੋਧੇਵਾਲ ਦੀ ਇੰਚਾਰਜ ਅਰਸ਼ਪ੍ਰੀਤ ਕੌਰ ਗਰੇਵਾਲ ਕੋਰੋਨਾ ਵਾਇਰਸ ਨਾਲ ਚੱਲ ਰਹੀ ਲੜਾਈ ਵਿੱਚ ਜਿੱਤ ਹਾਸਿਲ ਕਰਨ ਤੋਂ ਬਾਅਦ ਅੱਜ ਮੁੜ ਤੋਂ ਥਾਣਾ ਬਸਤੀ ਜੋਧੇਵਾਲ ਦਾ ਚਾਰਜ ਸੰਭਾਲ ਲਿਆ ਹੈ। ਅਰਸ਼ਪ੍ਰੀਤ ਦਾ ਥਾਣੇ ਦੇ ਸਟਾਫ ਵਲੋਂ ਫੁੱਲਾਂ ਦੇ ਹਾਰ ਪਾਕੇ ਅਤੇ ਫੁੱਲਾਂ ਦੀ ਵਰਖਾ ਕਰਕੇ ਸਵਾਗਤ ਕੀਤਾ ਗਿਆ, ਅਤੇ ਉਨ੍ਹਾਂ ਦੇ ਸਨਮਾਨ ਵਿੱਚ ਫੁੱਲਾਂ ਦਾ ਕਾਰਪੇਟ ਵਿਛਾਇਆ ਗਿਆ।
ਥਾਣੇ ਵਿੱਚ ਵਿਆਹ ਵਰਗਾ ਮਹੌਲ ਦੇਖਣ ਨੂੰ ਮਿਲਿਆ, ਮੁਲਾਜਮਾਂ ਨੇ ਢੋਲ ਦੇ ਡਗੇ ਦੇ ਭੰਗੜੇ ਪਾਏ, ਅਤੇ ਲੱਡੂ ਵੰਡੇ।
ਥਾਣਾ ਮੁਖੀ ਅਰਸ਼ਪ੍ਰੀਤ ਨੇ ਆਪਣੇ ਆਈਸੋਲੇਟ ਵਾਲੇ ਦਿਨਾਂ ਦੇ ਅਨੁਭਵ ਬਾਰੇ ਪੱਤਰਕਾਰਾਂ ਨੂੰ ਦੱਸਿਆ ਉਨ੍ਹਾਂ ਕਿਹਾ ਕਿ ਸਥਿਤੀ ਚਾਹੇ ਕਿੰਨੀ ਵੀ ਭਿਆਨਕ ਹੋਵੇ ਸਾਨੂੰ ਹੌਸਲਾ ਬਣਾਕੇ ਰੱਖਣਾ ਚਾਹੀਦਾ ਹੈ, ਅਰਸ਼ਪ੍ਰੀਤ ਨੇ ਸੀਨੀਅਰ ਅਫਸਰਾਂ ਦਾ ਅਤੇ ਹਰ ਊਸ ਸ਼ਖ਼ਸ ਦਾ ਧੰਨਵਾਦ ਕੀਤਾ ਜੋ ਉਨ੍ਹਾਂ ਦੇ ਜਲਦੀ ਸਿਹਤਯਾਵ ਹੋਣ ਦੀਆਂ ਕਾਮਨਾਵਾਂ ਕਰਦੇ ਰਹੇ ਤੇ ਹੌਸਲਾ ਵਧਾਉਂਦੇ ਰਹੇ।