ਸੋਨਮ ਬਾਜਵਾ ਹੋਵੇਗੀ ਫੈਨਜ਼ ਦੇ ਰੂ-ਬ-ਰੂ, ਵਰਲਡ ਟੂਰ ਦਾ ਕੀਤਾ ਐਲਾਨ

ਪਾਲੀਵੁੱਡ ਸੈਲੇਬ੍ਰਿਟੀਜ਼ ਵੱਲੋਂ ਵਰਲਡ ਟੂਰ ਕਰਨ ਦਾ ਦੌਰ ਜਾਰੀ ਹੈ। ਹੁਣ ਤੱਕ ਕਰਨ ਔਜਲਾ, ਦਿਲਜੀਤ ਦੋਸਾਂਝ, ਸਿੱਧੂ ਮੂਸੇਵਾਲਾ, ਜੈਸਮੀਨ ਸੈਂਡਲਾਸ, ਰਣਜੀਤ ਬਾਵਾ ਵਰਲਡ ਟੂਰ ਕਰ ਚੁੱਕੇ ਹਨ। ਹੁਣ ਇਸ ਕੜੀ ਵਿੱਚ ਪਾਲੀਵੁਡ ਦੀ ਖੂਬਸੂਰਤ ਕੁਈਨ ਸੋਨਮ ਬਾਜਵਾ ਦਾ ਨਾਮ ਵੀ ਸੂਚੀ ਵਿੱਚ ਸ਼ਾਮਲ ਹੋ ਗਿਆ ਹੈ। ਇਸਦੀ ਜਾਣਕਾਰੀ ਅਦਾਕਾਰਾ ਵੱਲੋਂ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੇ ਦਿੱਤੀ ਗਈ ਹੈ। ਜੇਕਰ ਤੁਸੀ ਵੀ ਸੋਨਮ ਬਾਜਵਾ ਦੇ ਫੈਨ ਹੋ ਤਾਂ ਉਨ੍ਹਾਂ ਦੇ ਵਰਲਡ ਟੂਰ ਬਾਰੇ ਜਾਣਨ ਲਈ ਪੜ੍ਹੋ ਪੂਰੀ ਖਬਰ।

ਦਰਅਸਲ, ਅਦਾਕਾਰਾ ਵੱਲੋ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਇੰਸਟਾਗ੍ਰਾਮ ਤੇ ਪੋਸਟ ਸਾਂਝੀ ਕੀਤੀ ਗਈ ਹੈ। ਜਿਸ ਵਿੱਚ ਉਸ ਵੱਲੋਂ ਵਰਲਡ ਟੂਰ ਦਾ ਐਲਾਨ ਕੀਤਾ ਗਿਆ ਹੈ। ਅਦਾਕਾਰਾ ਨੇ ਆਪਣੀ ਤਸਵੀਰ ਸਾਂਝੀ ਕਰਦੇ ਹੋਏ ਲਿਖਿਆ- ਇਸ ਜੂਨ ਵਿੱਚ ਆਸਟ੍ਰੇਲੀਆ ਟੂਰ ❤️. ਤੁਹਾਨੂੰ ਸਾਰਿਆਂ ਨੂੰ ਦੇਖਣ ਲਈ ਮੈਂ ਇੰਤਜ਼ਾਰ ਨਹੀਂ ਕਰ ਪਾ ਰਹੀ @creative_events_australia ਇਸ ਬਾਰੇ ਪੂਰੀ ਜਾਣਕਾਰੀ ਜਲਦ ਹੀ ਦਿੱਤੀ ਜਾਵੇਗੀ। ਆਪਣੀ ਖੂਬਸੂਰਤੀ ਅਤੇ ਅਦਾਕਾਰੀ ਦਾ ਜਲਵਾ ਦਿਖਾਓਣ ਵਾਲੀ ਸੋਨਮ ਜਲਦ ਹੀ ਆਪਣੇ ਫੈਨਜ਼ ਦੇ ਵਿਚਕਾਰ ਨਜ਼ਰ ਆਵੇਗੀ। ਜਿਸਦਾ ਪ੍ਰਸ਼ੰਸ਼ਕਾਂ ਨੂੰ ਵੀ ਬੇਸਬਰੀ ਨਾਲ ਇੰਤਜ਼ਾਰ ਹੈ।

ਜ਼ਿਕਰਯੋਗ ਹੈ ਕਿ ਸੋਨਮ ਬਾਜਵਾ ਹਮੇਸ਼ਾ ਆਪਣੇ ਸੋਸ਼ਲ ਅਕਾਊਂਟ ਦੇ ਜਰਿਏ ਫੈਨਜ਼ ਨਾਲ ਜੁੜੀ ਰਹਿੰਦੀ ਹੈ।