ਫ਼ਿਲਮ ‘Tanu Weds Manu 3’, ਕੰਗਨਾ ਰਣੌਤ ਨੇ ਫ਼ਿਲਮ ਦਾ ਕੀਤਾ ਐਲਾਨ

30 ਅਕਤੂਬਰ 2023: ਕੰਗਨਾ ਰਣੌਤ ਦੀ ਫਿਲਮ ‘ਤੇਜਸ’ ਸਾਲ 2023 ਦੀ ਸਭ ਤੋਂ ਵੱਧ ਉਡੀਕੀ ਜਾਣ ਵਾਲੀ ਫਿਲਮ ਸੀ। ਆਖਰਕਾਰ ਇਹ ਫਿਲਮ 27 ਅਕਤੂਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋ ਗਈ ਹੈ। ਕੰਗਨਾ ਰਣੌਤ ਨੇ ‘ਤੇਜਸ’ ‘ਚ ਏਅਰਫੋਰਸ ਅਫਸਰ ‘ਤੇਜਸ’ ਗਿੱਲ ਦੀ ਭੂਮਿਕਾ ਨਿਭਾਈ ਹੈ। ਫਿਲਮ ‘ਚ ਕੰਗਨਾ ਦੀ ਐਕਟਿੰਗ ਦੀ ਕਾਫੀ ਤਾਰੀਫ ਹੋ ਰਹੀ ਹੈ। ਇਸ ਸਭ ਦੇ ਵਿਚਕਾਰ ਕੰਗਨਾ ਨੇ ਆਪਣੇ ਤਿੰਨ ਨਵੇਂ ਪ੍ਰੋਜੈਕਟਸ ਦਾ ਖੁਲਾਸਾ ਵੀ ਕੀਤਾ ਹੈ ਅਤੇ ਚੰਗੀ ਖਬਰ ਇਹ ਹੈ ਕਿ ਕੰਗਨਾ ਨੇ ‘ਤਨੂ ਵੈਡਸ ਮਨੂ 3’ ਦਾ ਐਲਾਨ ਵੀ ਕਰ ਦਿੱਤਾ ਹੈ।

ਇਕ ਇੰਟਰਵਿਊ ‘ਚ ਕੰਗਨਾ ਨੇ ਕਿਹਾ ਕਿ ਉਸਦਾ ਅਗਲਾ ਪ੍ਰੋਜੈਕਟ ਇੱਕ ਥ੍ਰਿਲਰ ਫਿਲਮ ਹੈ, ਜਿਸ ਵਿੱਚ ਉਹ ਵਿਜੇ ਸੇਤੂਪਤੀ ਨਾਲ ਸਕ੍ਰੀਨ ਸ਼ੇਅਰ ਕਰਦੀ ਨਜ਼ਰ ਆਵੇਗੀ। ਕੰਗਨਾ ਨੇ ਅੱਗੇ ਦੱਸਿਆ ਕਿ ਉਹ ਬੰਗਾਲੀ ਥੀਏਟਰ ਦੀ ਕਹਾਣੀ ‘ਤੇ ਆਧਾਰਿਤ ਫਿਲਮ ਨੋਟੀ ਬਿਨੋਦਿਨੀ ‘ਚ ਵੀ ਨਜ਼ਰ ਆਵੇਗੀ। ਇਸ ਫਿਲਮ ਦਾ ਐਲਾਨ ਪਹਿਲਾਂ ਹੀ ਕਰ ਦਿੱਤਾ ਗਿਆ ਸੀ। ਇਸ ਦੇ ਨਾਲ ਹੀ ਕੰਗਨਾ ਨੇ ਪ੍ਰਸ਼ੰਸਕਾਂ ਨਾਲ ਖੁਸ਼ਖਬਰੀ ਵੀ ਸਾਂਝੀ ਕੀਤੀ ਕਿ ਉਸਦਾ ਤੀਜਾ ਪ੍ਰੋਜੈਕਟ ‘ਤਨੂ ਵੈਡਸ ਮਨੂ 3’ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ‘ਤੁਨ ਵੈਡਸ ਮਨੂ’ ਦੇ ਦੋਵੇਂ ਹਿੱਸੇ ਬਲਾਕਬਸਟਰ ਸਨ ਅਤੇ ਪ੍ਰਸ਼ੰਸਕ ਇਸ ਦੇ ਤੀਜੇ ਭਾਗ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਹੁਣ ਕੰਗਨਾ ਨੇ ਖੁਦ ਤਨੂ ਵੈਡਸ ਮਨੂ 3 ਦੀ ਪੁਸ਼ਟੀ ਕੀਤੀ ਹੈ।