Delhi
ਵਿਵਾਦ ਸੁਲਝਾਉਣ ਗਏ ਹੈੱਡ ਕਾਂਸਟੇਬਲ ਨੂੰ ਬਦਮਾਸ਼ ਨੇ ਮਾਰਿਆ ਚਾਕੂ
ਦਿੱਲੀ ਦੇ ਛਾਵਲਾ ਥਾਣਾ ਖੇਤਰ ‘ਚ ਝਗੜਾ ਸੁਲਝਾਉਣ ਗਈ ਪੁਲਸ ਟੀਮ ‘ਚ ਸ਼ਾਮਲ ਹੈੱਡ ਕਾਂਸਟੇਬਲ ਰਿੰਕੂ ਨੂੰ ਬਦਨਾਮ ਅਪਰਾਧੀ ਸੰਨੀ ਨੇ ਚਾਕੂ ਮਾਰ ਦਿੱਤਾ। ਇਸ ਤੋਂ ਬਾਅਦ ਪੁਲਿਸ ਨੇ ਜਵਾਬੀ ਕਾਰਵਾਈ ਵਿੱਚ ਸੰਨੀ ਅਤੇ ਉਸਦੇ ਦੋ ਹੋਰ ਸਾਥੀਆਂ ਨੂੰ ਇੱਕ ਮੁੱਠਭੇੜ ਵਿੱਚ ਗ੍ਰਿਫਤਾਰ ਕਰ ਲਿਆ। ਜ਼ਖਮੀ ਹੈੱਡ ਕਾਂਸਟੇਬਲ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਹੈ, ਜਿੱਥੇ ਉਸ ਦਾ ਇਲਾਜ ਚੱਲ ਰਿਹਾ ਹੈ ਅਤੇ ਉਸ ਦੀ ਹਾਲਤ ਸਥਿਰ ਹੈ।
ਕੀ ਹੈ ਪੂਰਾ ਮਾਮਲਾ
ਐਤਵਾਰ ਸ਼ਾਮ ਨੂੰ ਏਐਸਆਈ ਸੁਨੀਲ ਅਤੇ ਹੈੱਡ ਕਾਂਸਟੇਬਲ ਰਿੰਕੂ ਕੁਤੁਬ ਵਿਹਾਰ ਵਿੱਚ ਮੋਟਰਸਾਈਕਲ ’ਤੇ ਗਸ਼ਤ ਕਰ ਰਹੇ ਸਨ। ਇਸ ਦੌਰਾਨ ਉਸ ਨੂੰ ਕਿਸੇ ਨੇ ਸੂਚਨਾ ਦਿੱਤੀ ਕਿ ਕਿਤੇ ਝਗੜਾ ਅਤੇ ਲੜਾਈ ਹੋ ਰਹੀ ਹੈ। ਇਸ ਸਬੰਧੀ ਰਾਤ 8.35 ਵਜੇ ਪੀ.ਸੀ.ਆਰ ਕਾਲ ਵੀ ਆਈ। ਸੂਚਨਾ ਮਿਲਣ ‘ਤੇ ਮੌਕੇ ‘ਤੇ ਪਹੁੰਚੀ ਗਸ਼ਤ ਟੀਮ ਨੇ ਦੇਖਿਆ ਕਿ ਕੁਝ ਲੜਕੇ ਆਟੋ ਚਾਲਕ ਨਾਲ ਝਗੜਾ ਕਰ ਰਹੇ ਸਨ।
