ਨਾਗਾਲੈਂਡ ਵਿਧਾਨ ਸਭਾ ਨੇ ਯੂਨੀਫਾਰਮ ਸਿਵਲ ਕੋਡ ਵਿਰੁੱਧ ਸਰਬਸੰਮਤੀ ਨਾਲ ਪਾਸ ਕੀਤਾ ਮਤਾ

ਨਾਗਾਲੈਂਡ 13ਸਤੰਬਰ 2023: ਮੰਗਲਵਾਰ ਨੂੰ ਨਾਗਾਲੈਂਡ ਵਿਧਾਨ ਸਭਾ ਵਿੱਚ ਰਾਜ ਲਈ ਯੂਨੀਫਾਰਮ ਸਿਵਲ ਕੋਡ (ਯੂਸੀਸੀ) ਤੋਂ ਛੋਟ ਦੀ ਮੰਗ ਕਰਨ ਵਾਲਾ ਮਤਾ ਸਰਬਸੰਮਤੀ ਨਾਲ ਪਾਸ ਕੀਤਾ ਗਿਆ ਹੈ । ਮੁੱਖ ਮੰਤਰੀ ਨੇਫੀਯੂ ਰੀਓ ਨੇ ਸਦਨ ਵਿੱਚ ਯੂਸੀਸੀ ਦੇ ਖ਼ਿਲਾਫ਼ ਇੱਕ ਮਤਾ ਪੇਸ਼ ਕੀਤਾ ਸੀ।

ਨਾਗਾਲੈਂਡ ਦੇ ਮੁੱਖ ਮੰਤਰੀ ਨੇ ਸਦਨ ਵਿੱਚ ਕਿਹਾ- UCC ਦਾ ਉਦੇਸ਼ ਵਿਆਹ ਅਤੇ ਤਲਾਕ, ਹਿਰਾਸਤ ਅਤੇ ਸਰਪ੍ਰਸਤੀ, ਗੋਦ ਲੈਣ ਅਤੇ ਰੱਖ-ਰਖਾਅ, ਉਤਰਾਧਿਕਾਰ ਅਤੇ ਵਿਰਾਸਤ ਵਰਗੇ ਨਿੱਜੀ ਮਾਮਲਿਆਂ ‘ਤੇ ਇੱਕ ਸਿੰਗਲ ਕਾਨੂੰਨ ਬਣਾਉਣਾ ਹੈ। ਨਾਗਾਲੈਂਡ ਸਰਕਾਰ ਅਤੇ ਨਾਗਾ ਲੋਕਾਂ ਦਾ ਮੰਨਣਾ ਹੈ ਕਿ UCC ਰਾਜ ਦੇ ਰਿਵਾਜੀ ਕਾਨੂੰਨਾਂ, ਸਮਾਜਿਕ ਅਤੇ ਧਾਰਮਿਕ ਪ੍ਰਥਾਵਾਂ ਲਈ ਖਤਰਾ ਪੈਦਾ ਕਰੇਗਾ।