Punjab
ਗੰਨ ਪੁਆਇੰਟ ’ਤੇ ਲੁਟੇਰਿਆਂ ਨੇ ਖੋਹੀ ਕਾਰ, ਪੁਲੀਸ ਨੇ ਕੀਤਾ ਬਰਾਮਦ
ਥਾਣਾ ਟਾਂਡਾ ਉੜਮੁੜ ਦੇ ਪਿੰਡ ਬੈਂਸ ਅਵਾਨ ਨੇੜੇ ਪਿੰਡ ਕੋਟਲੀ ਨੇੜਿਓਂ ਬੀਤੀ ਸ਼ਾਮ ਗੰਨ ਪੁਆਇੰਟ ’ਤੇ ਲੁਟੇਰਿਆਂ ਵੱਲੋਂ ਖੋਹੀ ਗਈ ਕਾਰ ਨੂੰ ਪੁਲੀਸ ਨੇ ਬਰਾਮਦ ਕਰ ਲਿਆ ਹੈ। ਫਿਲਹਾਲ ਲੁਟੇਰੇ ਪੁਲਿਸ ਦੀ ਪਹੁੰਚ ਤੋਂ ਬਾਹਰ ਹਨ। ਦੱਸ ਦੇਈਏ ਕਿ ਟਾਂਡਾ ਸ੍ਰੀ ਹਰਗੋਬਿੰਦਪੁਰ ਰੋਡ ‘ਤੇ ਪਿੰਡ ਸ਼ਾਮ ਬੈਂਸ ਅਵਾਨ ਨੇੜੇ ਲੁਟੇਰਿਆਂ ਨੇ ਇਕ ਡਰਾਈਵਰ ਨੂੰ ਪਿਸਤੌਲ ਦੀ ਨੋਕ ‘ਤੇ ਡਰਾ ਧਮਕਾ ਕੇ ਕਾਰ ਲੁੱਟ ਲਈ ਸੀ। ਘਟਨਾ ਸ਼ਾਮ ਕਰੀਬ 6.30 ਵਜੇ ਵਾਪਰੀ।
ਗੋਲਡਨ ਫੂਡ ਕੰਪਲੈਕਸ ਦੇ ਸਾਹਮਣੇ ਲੁਟੇਰੇ ਮੌਜੂਦ ਸਨ ਕਿ ਕਾਰ ਵਿਚ ਸਵਾਰ ਡਰਾਈਵਰ ਅਚਾਨਕ ਸੰਜੂ ਨੇੜੇ ਆ ਗਿਆ ਅਤੇ ਕਾਰ ਵਿਚ ਬੈਠੇ ਸੰਜੂ ਨੂੰ ਪਿਸਤੌਲ ਤਾਣ ਕੇ ਉਸ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ ਅਤੇ ਉਸ ਨੂੰ ਨਾਲ ਲੈ ਕੇ ਟਾਂਡਾ ਵੱਲ ਫ਼ਰਾਰ ਹੋ ਗਏ। ਕੁਝ ਦੂਰ ਜਾਣ ਤੋਂ ਬਾਅਦ ਲੁਟੇਰਿਆਂ ਨੇ ਸੰਜੂ ਨੂੰ ਕਾਰ ‘ਚੋਂ ਬਾਹਰ ਸੁੱਟ ਦਿੱਤਾ ਅਤੇ ਟਾਂਡਾ ਰੋਡ ਪੁਲ ਪੁਖਤਾ ਪਿੰਡ ਵੱਲ ਚਲੇ ਗਏ।
