ਮੈਡੀਕਲ ਸਟੋਰ ਦਾ ਸ਼ਟਰ ਤੋੜ ਚੋਰੀ ਕਰਦਾ ਚੋਰ ਹੋਇਆ ਸੀਸੀਟੀਵੀ ਕੈਮਰੇ ‘ਚ ਕੈਦ

30 ਨਵੰਬਰ 2023: ਬਟਾਲਾ ਸ਼ਹਿਰ ਦੇ ਮੁਖ ਬਾਜ਼ਾਰ ਚ ਦੇਰ ਰਾਤ ਇੱਕ ਮੈਡੀਕਲ ਸਟੋਰ ਨੂੰ ਦੋ ਨੌਜਵਾਨਾਂ ਨੇ ਬਣਾਇਆ ਨਿਸ਼ਾਨਾ ਜਿਥੇ ਇਕ ਬਾਹਰ ਖੜਾ ਰਿਹਾ ਅਤੇ ਦੂਸਰੇ ਨੌਜਵਾਨ ਵਲੋਂ ਸ਼ਟਰ ਤੋੜ ਦੁਕਾਨ ਚ ਦਾਖਿਲ ਹੋ ਦੁਕਾਨ ਚ ਰੱਖੀ ਨਕਦੀ ਲੈ ਫਰਾਰ ਹੋ ਗਏ| ਚੋਰੀ ਦੀ ਇਹ ਸਾਰੀ ਘਟਨਾ ਓਥੇ ਲੱਗੇ ਸੀਸੀਟੀਵੀ ਕੈਮਰਾ ਚ ਕੈਦ ਹੋ ਗਈ ਹੈ |

ਓਥੇ ਹੀ ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਚੋਰ ਲਗਭਗ 45 ਹਜ਼ਾਰ ਰੁਪਏ ਦੀ ਨਕਦੀ ਅਤੇ ਹੋਰ ਸਾਮਾਨ ਚੋਰੀ ਕਰਕੇ ਲੈ ਗਿਆ।ਦੁਕਾਨ ਦੇ ਮਾਲਕ ਸੁਰੇਸ਼ ਕੁਮਾਰ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸੀਸੀਟੀਵੀ ਫੁਟੇਜ ਅਨੁਸਾਰ ਡੇਢ ਵਜੇ ਦੇ ਕਰੀਬ ਦੋ ਨੌਜਵਾਨ ਮੋਟਰਸਾਈਕਲ ਤੇ ਦੁਕਾਨ ਦੇ ਬਾਹਰ ਆਏ ਅਤੇ ਕੁਝ ਹੀ ਮਿੰਟਾਂ ਚ ਸ਼ਟਰ ਤੋੜ ਗੱਲੇ ਦਾ ਸਾਰਾ ਕੈਸ਼ ਤੇ ਹੋਰ ਸਮਾਂਨ ਲੈਕੇ ਫਰਾਰ ਹੋ ਗਏ।ਉੱਥੇ ਹੀ ਪੀੜਤ ਨੇ ਮੰਗ ਕੀਤੀ ਹੈ ਕਿ ਲਗਾਤਾਰ ਹੋ ਰਹੀਆਂ ਚੋਰੀ ਦੀਆਂ ਘਟਨਾਵਾਂ ਤੇ ਰੋਕ ਲਗਾਉਣ ਲਈ ਪ੍ਰਸ਼ਾਸ਼ਨ ਠੋਸ ਕਾਰਵਾਈ ਕਰੇ |