ਫਿਲਮ “ਪਠਾਨ” ਦਾ ਟ੍ਰੇਲਰ ਰਿਲੀਜ਼, ਸ਼ਾਹਰੁਖ, ਜਾਨ ਤੇ ਦੀਪਿਕਾ ਨੇ ਫੈਨਜ਼ ਕਰਤੇ ਖੁਸ਼, ਜਾਣੋ ਖਾਸੀਅਤ

ਬਾਲੀਵੁੱਡ ਦੇ ਕਿੰਗ ਕਹੇ ਜਾਣ ਵਾਲੇ ਸ਼ਾਹਰੁਖ ਖਾਨ ਦੀ ਫਿਲਮ ‘ਪਠਾਨ’ ਦਾ ਟ੍ਰੇਲਰ ਆ ਗਿਆ ਹੈ। ਯਸ਼ਰਾਜ ਫਿਲਮਜ਼ ਦੇ ਬੈਨਰ ਹੇਠ ਬਣੀ ਇਸ ਫਿਲਮ ਰਾਹੀਂ ਸ਼ਾਹਰੁਖ ਖਾਨ ਲੰਬੇ ਸਮੇਂ ਬਾਅਦ ਵਾਪਸੀ ਕਰ ਰਹੇ ਹਨ। ਇਹੀ ਕਾਰਨ ਹੈ ਕਿ ਫਿਲਮ ਦੇ ਟ੍ਰੇਲਰ ਨੂੰ ਲੈ ਕੇ ਪ੍ਰਸ਼ੰਸਕਾਂ ‘ਚ ਕਾਫੀ ਉਤਸ਼ਾਹ ਸੀ। ਤੁਸੀਂ ਜਾਂਦੇ ਹੀ ਹੈ ਲੋਕ ਸ਼ਾਹਰੁਖ ਖਾਨ ਦੇ ਇਸ ਕਦਰ ਦੀਵਾਨੇ ਹਨ ਕਿ ਟ੍ਰੇਲਰ ਆਉਂਦੇ ਹੀ ਫੈਨਜ਼ ਵੱਲੋਂ ਇਹ ਸ਼ੇਅਰ ਕੀਤਾ ਜਾਣ ਲੱਗਾ ਤੇ ਕੁਝ ਹੀ ਘੰਟਿਆਂ ਵਿਚ ਇਸਦੇ ਵੀਊ 3 ਮਿਲੀਅਨ ਤੱਕ ਪੁਹੰਚ ਗਏ ਤੇ ਜੇਕਰ ਕਮੈਂਟਸ ਦੀ ਗੱਲ ਕੀਤੀ ਜਾਵੇ ਤਾਂ ਸਵਾ ਲੱਖ ਕਮੈਂਟ ਪਹਿਲੇ 4 ਤੋਂ 5 ਘੰਟੇ ਵਿੱਚ ਹੀ ਫੈਨਜ਼ ਨੇ ਕਰ ਦਿੱਤਾ, ਇਸ ‘ਚ ਸ਼ਾਹਰੁਖ ਖਾਨ ਨੂੰ ਏਜੰਟ , ਦੀਪਿਕਾ ਦੇ ਐਕਸ਼ਨ ਅਤੇ ਖਲਨਾਇਕ ਦੇ ਕਿਰਦਾਰ ‘ਚ ਜਾਨ ਅਬ੍ਰਾਹਮ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ।

ਟ੍ਰੇਲਰ ‘ਚ ਜੇਕਰ ਕੋਈ ਖਿੱਚ ਦਾ ਕੇਂਦਰ ਹੈ ਤਾਂ ਉਹ ਹੈ ਸ਼ਾਹਰੁਖ ਖਾਨ। ਪੂਰੇ ਟ੍ਰੇਲਰ ‘ਚ ਸ਼ਾਹਰੁਖ ਦਾ ਦਬਦਬਾ ਹੈ। ਇਸ ਦੇ ਨਾਲ ਹੀ ਦੀਪਿਕਾ ਪਾਦੂਕੋਣ ਅਤੇ ਜਾਨ ਅਬ੍ਰਾਹਮ ਵੀ ਐਕਸ਼ਨ ਮੋਡ ‘ਚ ਨਜ਼ਰ ਆ ਰਹੇ ਹਨ। ਦੀਪਿਕਾ ਆਪਣੇ ਗਲੈਮ ਲੁੱਕ ਨਾਲ ਪ੍ਰਭਾਵਿਤ ਕਰ ਰਹੀ ਹੈ ਜਦੋਂਕਿ ਜੌਨ ਆਪਣੇ ਸਖ਼ਤ ਲੁੱਕ ਨਾਲ ਪ੍ਰਭਾਵਿਤ ਕਰ ਰਹੇ ਹਨ। ਫਿਲਮ ‘ਚ ਵੀਐਫਕਸ ਤੇ ਵੀ ਕਾਫੀ ਵਧੀਆ ਕੰਮ ਕੀਤਾ ਗਿਆ, ਟਰੇਲਰ ਦੇਖਕੇ ਲੱਗ ਰਿਹਾ ਕਿ ਲੋਕਾਂ ਨੂੰ ਜਿਸ ਫਿਲਮ ਦਾ ਇੰਤਜ਼ਾਰ ਸੀ ਓਹੋ ਜਿਹੀ ਫਿਲਮ ਉਨਾਂ ਨੂੰ ਮਿਲਣ ਵਾਲੀ ਹੈ, ਜੇਕਰ ਗੱਲ ਕੀਤੀ ਜਾਵੇ ਪਠਾਣ ਫਿਲਮ ਦੇ ਰਿਲੀਜ਼ ਦੀ ਤਾਂ ਕਈਂ ਜਗਾਹਵਾਂ ਤੇ ਇਸਨੂੰ ਨਾ ਰਿਲੀਜ਼ ਕਰਨ ਦੀ ਮੰਗ ਵੀ ਕੀਤੀ ਜਾ ਰਹੀ ਹੈ ਕਿਉਂਕਿ ਕੁਝ ਦਿਨ ਪਹਿਲਾਂ ਹੀ ਫਿਲਮ ਦੇ ਇੱਕ ਗਾਣੇ ਨੂੰ ਲੈਕੇ ਵਿਵਾਦ ਛਿੜ ਗਿਆ ਸੀ ਜਿਸ ਮਗਰੋਂ ਕਾਫੀ ਲੋਕ ਪਠਾਣ ਫਿਲਮ ਰਿਲੀਜ਼ ਨਾ ਕਰਨ ਦੀ ਮੰਗ ਕਰ ਰਹੇ ਸੀ ਪਰ ਤੁਹਾਨੂੰ ਦੱਸ ਦਈਏ
ਇਹ ਫਿਲਮ 25 ਜਨਵਰੀ ਨੂੰ ਰਿਲੀਜ਼ ਹੋਵੇਗੀ।