ਵਿਸ਼ਵ ‘ਚ ਮਨਾਇਆ ਜਾ ਰਿਹਾ ਸਾਈਕਲ ਦਿਵਸ, ਏਸ਼ੀਆ ਦੀ ਸਭ ਤੋਂ ਵੱਡੀ ਸਾਈਕਲ ਮਾਰਕੀਟ ਤੇ ਖਤਰੇ ਦੀ ਘੰਟੀ

ਲੁਧਿਆਣਾ, ਸੰਜੀਵ ਸੂਦ, 3 ਜੂਨ : ਲੁਧਿਆਣਾ ਦੀ ਸਾਈਕਲ ਇੰਡਸਟਰੀ ਅਤੇ ਯੂਨਾਈਟਿਡ ਸਾਈਕਲ ਪਾਰਟਸ ਮੈਨੂਫੈਕਚਰਜ਼ ਐਸੋਸੀਏਸ਼ਨ ਏਸ਼ੀਆ ਦੀ ਸਭ ਤੋਂ ਵੱਡੀ ਸੰਸਥਾ ਹੈ ਜੇਕਰ ਲੁਧਿਆਣਾ ਦੀ ਕੀਤੀ ਜਾਵੇ ਤਾਂ ਲੁਧਿਆਣਾ ਦੇ ਵਿੱਚ ਸਾਲਾਨਾ ਡੇਢ ਕਰੋੜ ਦੇ ਕਰੀਬ ਸਾਈਕਲ ਤਿਆਰ ਕੀਤੇ ਜਾਂਦੇ ਹਨ। ਇਸ ਵਿੱਚ ਛੋਟੀਆਂ ਅਤੇ ਮੀਡੀਅਮ ਸੰਗਤਾ ਦਾ ਵੀ ਅਹਿਮ ਰੋਲ ਹੈ ਲੁਧਿਆਣਾ ਦੇ ਵਿੱਚ ਸਾਈਕਲ ਉਦਯੋਗ ਦੇ ਨਾਲ ਜੁੜੀਆਂ ਹੋਈਆਂ 4000 ਤੋਂ ਵੱਧ ਛੋਟੀਆਂ ਅਤੇ ਵੱਡੀਆਂ ਯੂਨਿਟਾਂ ਨੇ ਜਿਸ ਵਿੱਚ ਹੀਰੋ ਸਾਈਕਲ, ਏਵਨ, ਹਾਈ ਬਰਡ, ਨੋਵਾ ਅਤੇ ਨੀਲਮ ਸਾਈਕਲ ਵਰਗੀਆਂ ਕੰਪਨੀਆਂ ਦੇ ਨਾਂ ਸ਼ਾਮਿਲ ਹਨ।

ਜੇਕਰ ਗੱਲ ਆਮ ਸਾਈਕਲ ਯਾਨੀ ਜਿਸ ਨੂੰ ਰੋਡਸਟਰ ਸਾਈਕਲ ਕਿਹਾ ਜਾਂਦਾ ਹੈ। ਲੁਧਿਆਣਾ ਦੇ ਵਿੱਚ ਸਾਲਾਨਾ 80-85 ਲੱਖ ਸਾਈਕਲ ਬਣਾਇਆ ਜਾਂਦਾ ਹੈ ਅਤੇ ਇਸ ਵਿੱਚ ਲੱਗਭੱਗ 48 ਫੀਸਦੀ ਹਿੱਸਾ ਸਰਕਾਰ ਵੱਲੋਂ ਦਿੱਤੇ ਗਏ ਆਰਡਰਾਂ ਦਾ ਹੁੰਦਾ ਹੈ। ਲੁਧਿਆਣਾ ਦਾ ਸਾਈਕਲ ਪੰਜਾਬ ਤੋਂ ਇਲਾਵਾ ਦੇਸ਼ ਦੇ ਲਗਭਗ ਹਰ ਹਿੱਸੇ ਵਿੱਚ ਜ਼ਿਆਦਾ ਹੈ ਗੁਜਰਾਤ, ਮੱਧ ਪ੍ਰਦੇਸ਼, ਅਸਾਮ, ਆਂਧਰਾ ਪ੍ਰਦੇਸ਼, ਕਰਨਾਟਕਾ ਆਦਿ ਵਿੱਚ ਲੁਧਿਆਣਾ ਦਾ ਵੱਡੀ ਤਦਾਦ ਚ ਸਾਈਕਲ ਵਿਕਦਾ ਹੈ। ਲੁਧਿਆਣਾ ਦੇ ਵਿੱਚ ਸਾਈਕਲ ਇੰਡਸਟਰੀ ਨਾਲ ਜੁੜੇ ਹੋਏ ਵੱਡੀ ਤਦਾਦ ਵਿੱਚ ਛੋਟੀਆਂ ਅਤੇ ਵੱਡੀਆਂ ਯੂਨਿਟਾਂ ਦੇ ਵਿੱਚ ਹਜ਼ਾਰਾਂ ਦੀ ਤਦਾਦ ਚ ਲੇਬਰ ਵੀ ਕੰਮ ਕਰਦੀ ਹੈ ਪਰ ਇਨੀਂ ਦਿਨੀਂ ਲਗਾਤਾਰ ਕਰਫਿਊ ਲੱਗਣ ਕਾਰਨ ਲੋਕ ਡਾਊਨ ਕਰਕੇ ਲੇਬਰ ਪਰਵਾਸ ਕਰ ਰਹੀ ਹੈ, ਲੁਧਿਆਣਾ ਦੇ ਵਿੱਚ ਲੱਗਭੱਗ 6 ਲੱਖ ਦੇ ਕਰੀਬ ਲੇਬਰ ਹੈ ਜਿਨ੍ਹਾਂ ਚੋਂ ਵੱਡਾ ਹਿੱਸਾ ਆਪੋ ਆਪਣੇ ਸੂਬੇ ਚ ਪਰਤ ਚੁੱਕਾ ਹੈ।