ਯੋਗਰਾਜ ਸਿੰਘ ਦੇ ਪੁੱਤਰ ਵਿਕਟਰ ਦੀ ਪੋਲੀਵੁੱਡ ‘ਚ ਐਂਟਰੀ,ਲੇਖਣ-ਨਿਰਦੇਸ਼ ਤੋਂ ਬਾਅਦ ਜਾਗਿਆ ਅਦਾਕਾਰੀ ਦਾ ਜਨੂੰਨ

6 AUGUST 2023: ਪੰਜਾਬੀ ਇੰਡਸਟਰੀ ਦਾ ਮਸ਼ਹੂਰ ਨਾਂ ਅਤੇ ਸਾਬਕਾ ਕ੍ਰਿਕਟਰ ਯੋਗਰਾਜ ਸਿੰਘ ਦਾ ਬੇਟਾ ਵਿਕਟਰ ਯੋਗਰਾਜ ਸਿੰਘ ਵੀ ਪਾਲੀਵੁੱਡ ‘ਚ ਐਂਟਰੀ ਕਰਨ ਜਾ ਰਿਹਾ ਹੈ। ਬਚਪਨ ਤੋਂ ਹੀ ਵਿਕਟਰ ਆਵਦੇ ਪਾਪਾ ਯੋਗਰਾਜ ਸਿੰਘ ਨਾਲ ਸੈੱਟ ‘ਤੇ ਮੌਜੂਦ ਸਨ। ਫਿਰ ਲਿਖਣਾ ਅਤੇ ਨਿਰਦੇਸ਼ਨ ਕਰਨਾ ਸ਼ੁਰੂ ਕੀਤਾ ਅਤੇ ਹੁਣ ਉਹ ਆਪਣੀ ਅਦਾਕਾਰੀ ਨਾਲ ਲੋਕਾਂ ਦੇ ਦਿਲਾਂ ਵਿੱਚ ਜਗ੍ਹਾ ਬਣਾਉਣਾ ਚਾਹੁੰਦਾ ਹੈ।

ਵਿਕਟਰ ਯੋਗਰਾਜ ਸਿੰਘ ਨੇ ਦੱਸਿਆ ਕਿ ਉਸ ਨੇ ਬਚਪਨ ਤੋਂ ਹੀ ਲਘੂ ਫਿਲਮਾਂ ਬਣਾਉਣੀਆਂ ਸ਼ੁਰੂ ਕਰ ਦਿੱਤੀਆਂ ਸਨ। ਸਾਲ 2010 ਵਿੱਚ, ਉਸਨੇ ਅਮਰੀਕਾ ਵਿੱਚ ਇੱਕ ਲਘੂ ਫਿਲਮ ਬਣਾਈ ਅਤੇ ਇਸਨੂੰ ਯੂਟਿਊਬ ‘ਤੇ ਵੀ ਅਪਲੋਡ ਕੀਤਾ। ਵਿਕਟਰ ਨੇ ਕਿਹਾ ਕਿ ਵੱਡਾ ਹੋ ਕੇ ਰਾਈਟਿੰਗ ਅਤੇ ਲਘੂ ਫਿਲਮਾਂ ਕਰਨ ਤੋਂ ਬਾਅਦ ਉਸ ਨੂੰ ਲੱਗਾ ਕਿ ਹੁਣ ਉਸ ਨੂੰ ਐਕਟਿੰਗ ਕਰਨੀ ਚਾਹੀਦੀ ਹੈ। ਕਿਉਂਕਿ ਪਿਤਾ ਯੋਗਰਾਜ ਸਿੰਘ ਨੂੰ ਪਰਿਵਾਰ ‘ਚ ਪਾਲੀਵੁੱਡ-ਬਾਲੀਵੁੱਡ ਦਾ ਚੰਗਾ ਅਨੁਭਵ ਰਿਹਾ ਹੈ।

ਪਿਤਾ ਨੂੰ ਨਿਰਦੇਸ਼ਤ ਕਰੇਗਾ
ਵਿਕਟਰ ਨੇ ਦੱਸਿਆ ਕਿ ਉਹ ਆਪਣੇ ਮਾਤਾ-ਪਿਤਾ ਅਤੇ ਪਰਿਵਾਰ ਦੇ ਸਾਰੇ ਮੈਂਬਰਾਂ ਨਾਲ ਫਿਲਮ ਦਾ ਨਿਰਦੇਸ਼ਨ ਕਰੇਗਾ। ਉਹ ਪਹਿਲਾਂ ਹੀ ਇਸ ਦੀ ਸ਼ੁਰੂਆਤ ਕਰ ਚੁੱਕਾ ਹੈ। ਉਸਨੇ ਦੱਸਿਆ ਕਿ ਉਹ ਪਾਪਾ ਯੋਗਰਾਜ ਸਿੰਘ ਨੂੰ ਪਹਿਲਾਂ ਵੀ ਨਿਰਦੇਸ਼ਿਤ ਕਰ ਚੁੱਕੇ ਹਨ। ਕਿਉਂਕਿ ਉਹ ਕੰਮ ‘ਤੇ ਪੁੱਤਰ-ਪਿਤਾ ਦੇ ਤੌਰ ‘ਤੇ ਨਹੀਂ, ਸਗੋਂ ਕਲਾਕਾਰ ਅਤੇ ਨਿਰਦੇਸ਼ਕ ਵਜੋਂ ਕੰਮ ਕਰਦਾ ਹੈ।