ਯੂਥ ਅਕਾਲੀ ਆਗੂ ਸੰਧੂ ਦਾ ਕਤਲ ਕਿਵੇਂ ਹੋਇਆ ਪੁਲਿਸ ਨੇ ਸੁਲਝਾਈ ਗੁੱਥੀ

8 ਸਤੰਬਰ ਬਠਿੰਡਾ :(ਰਾਕੇਸ਼ ਕੁਮਾਰ)ਪੰਜਾਬ ਪੁਲਿਸ ਨੇ ਦਿਖਾਈ ਆਪਣੀ ਕੁਸ਼ਲ ਕਾਰਗੁਜ਼ਾਰੀ ਅਤੇ ਇੱਕ ਕਤਲ ਦਾ ਮਾਮਲਾ ਸੁਲਝਾ ਦਿੱਤਾ ਹੈ। ਪੁਲਿਸ ਨੇ ਬਠਿੰਡਾ ‘ਚ ਹੋਏ ਯੂਥ ਅਕਾਲੀ ਦਲ ਦੇ ਮੀਤ ਪ੍ਰਧਾਨ ਦੇ ਕਤਲ ਦੇ ਮਾਮਲੇ ਵਿੱਚ ਆਪਣੀ ਰਿਪੋਰਟ ਪੇਸ਼ ਕੀਤੀ ਹੈ।  

ਯੂਥ ਅਕਾਲੀ ਦਲ ਦੇ ਮੀਤ ਪ੍ਰਧਾਨ ਸੁਖਮਨ ਸੰਧੂ ਦੇ ਕਾਤਲ ਮੁਜ਼ਰਿਮ ਸੰਜੇ ਠਾਕਰ  ਨੂੰ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਹੈ।ਵਾਰਦਾਤ ਵਿੱਚ ਵਰਤੇ 32 ਬੋਰ ਪਿਸਤੌਲ ਤੇ ਸੁਖਮਨ ਸੰਧੂ ਤੋਂ ਖੋਏ ਪੈਸੇ ਵੀ ਬਰਾਮਦ ਕਰ ਲਏ ਹਨ। ਪ੍ਰੈੱਸ ਕਾਨਫਰੰਸ ਦੌਰਾਨ ਐੱਸਐੱਸਪੀ ਭੁਪਿੰਦਰਜੀਤ ਸਿੰਘ ਵਿਰਕ ਨੇ ਕਿਹਾ ਕਿ ਪੈਸਿਆਂ ਦੇ ਲੈਣ ਦੇਣ ਕਰਕੇ ਸੁਖਮਨ ਸੰਧੂ ਦਾ ਕਤਲ ਕੀਤਾ ਗਿਆ ਹੈ, ਕਰੀਬ ਤਿੰਨ ਸਾਲ ਪਹਿਲਾਂ ਸੁਖਮਨ ਸੰਧੂ ਨੇ ਉਸ ਤੋਂ ਤਿੰਨ ਲੱਖ ਰੁਪਏ ਵਿਆਜ ਉਤੇ ਲਏ ਸਨ ਪਰ ਅੱਜ ਤੱਕ ਨਹੀਂ ਦਿੱਤੇ ਗਏ। ਉਸ ਨੇ ਇੱਕ ਲੱਖ ਰੁਪਏ ਦੇਣ ਦਾ ਵਾਅਦਾ ਕੀਤਾ ਸੀ ਪ੍ਰੰਤੂ 40 ਹਜ਼ਾਰ ਰੁਪਏ ਹੀ ਦੇ ਰਿਹਾ ਸੀ, ਜਿਸ ਕਰਕੇ ਦੋਨਾਂ ਵਿੱਚ ਤਕਰਾਰ ਹੋ ਗਈ ਅਤੇ ਸੁਖਮਨ ਦਾ ਪਿਸਤੌਲ ਖੋਹ ਕੇ ਉਸੇ ਦੇ ਹੀ ਗੋਲੀ ਮਾਰ ਦਿੱਤੀ, ਜਿਸ ਕਰਕੇ ਉਸ ਦੀ ਮੌਕੇ ਉਤੇ ਮੌਤ ਹੋ ਗਈ। 

ਫਿਲਹਾਲ ਵੇਖਣਾ ਬਾਕੀ ਹੈ ਪੁਲਿਸ ਰਿਮਾਂਡ ਹਾਂਸਿਲ ਕਰਨ ਉਪਰੰਤ ਡੂੰਘਾਈ ਨਾਲ ਕਿਵੇਂ ਪੁੱਛਗਿੱਛ ਕਰੇਗੀ  ਜਿਸ ਦੌਰਾਨ ਹੋਰ ਅਹਿਮ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।