ਗੈਬਰੀਅਲ ਚੱਕਰਵਾਤ ਕਾਰਨ ਨਿਊਜ਼ੀਲੈਂਡ ‘ਚ 11 ਲੋਕਾਂ ਦੀ ਮੌਤ, ਹਜ਼ਾਰਾਂ ਲੋਕ ਲਾਪਤਾ

ਨਿਊਜ਼ੀਲੈਂਡ ‘ਚ ਐਤਵਾਰ ਨੂੰ ਚੱਕਰਵਾਤੀ ਤੂਫਾਨ ਗੈਬਰੀਅਲ ਤੋਂ 11 ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਹੋਈ ਹੈ, ਜਦਕਿ ਹਜ਼ਾਰਾਂ ਲੋਕ ਅਜੇ ਵੀ ਲਾਪਤਾ ਹਨ। ਚੱਕਰਵਾਤ ਗੈਬਰੀਅਲ ਨੂੰ ਇਸ ਸਦੀ ਦੀ ਸਭ ਤੋਂ ਭਿਆਨਕ ਕੁਦਰਤੀ ਆਫ਼ਤ ਦੱਸਦਿਆਂ ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਕ੍ਰਿਸ ਹਿਪਕਿਨਜ਼ ਨੇ ਕਿਹਾ ਕਿ ਲਾਪਤਾ ਲੋਕਾਂ ਦੀ ਭਾਲ ਜੰਗੀ ਪੱਧਰ ‘ਤੇ ਜਾਰੀ ਹੈ। ਪਿਛਲੇ ਹਫ਼ਤੇ 12 ਫਰਵਰੀ ਨੂੰ ਨਿਊਜ਼ੀਲੈਂਡ ਦੇ ਉੱਤਰੀ ਹਿੱਸੇ ਵਿੱਚ ਆਏ ਚੱਕਰਵਾਤ ਕਾਰਨ ਲੱਖਾਂ ਘਰਾਂ ਦੀ ਬਿਜਲੀ ਟੁੱਟ ਗਈ ਸੀ। ਪੁਲਿਸ ਮੁਤਾਬਕ 5,608 ਤੋਂ ਵੱਧ ਲੋਕ ਲਾਪਤਾ ਦੱਸੇ ਜਾ ਚੁੱਕੇ ਹਨ, ਜਿਨ੍ਹਾਂ ਵਿੱਚੋਂ 1,196 ਨੇ ਆਪਣੇ ਆਪ ਨੂੰ ਸੁਰੱਖਿਅਤ ਦੱਸਿਆ ਹੈ।

ਵਾਸ਼ਿੰਗਟਨ: ਅੰਟਾਰਕਟਿਕ ਸਾਗਰ ਵਿੱਚ ਲਗਾਤਾਰ ਦੂਜੇ ਸਾਲ ਸਭ ਤੋਂ ਘੱਟ ਬਰਫ਼ ਪਈ ਹੈ
ਜਲਵਾਯੂ ਪਰਿਵਰਤਨ ਦੇ ਖ਼ਤਰਨਾਕ ਸਿੱਟੇ ਹੁਣ ਸਪਸ਼ਟ ਰੂਪ ਵਿੱਚ ਸਾਹਮਣੇ ਆ ਰਹੇ ਹਨ। ਅੰਟਾਰਕਟਿਕ ਸਾਗਰ ਵਿੱਚ ਬਰਫ਼ ਦੇ ਘੱਟੋ-ਘੱਟ ਪੱਧਰ ਨੇ ਪਿਛਲੇ ਸਾਲ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਨੈਸ਼ਨਲ ਸਨੋ ਐਂਡ ਆਈਸ ਡਾਟਾ ਸੈਂਟਰ (ਐੱਨ.ਐੱਸ.ਆਈ.ਡੀ.ਸੀ.) ਨੇ ਇਹ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਬਰਫ ਪਿਛਲੇ ਸਾਲ ਦੇ ਘੱਟੋ-ਘੱਟ ਪੱਧਰ ‘ਤੇ ਕਾਫੀ ਪਹਿਲਾਂ ਪਹੁੰਚ ਗਈ ਸੀ। ਪਰ, 13 ਫਰਵਰੀ, 2023 ਨੂੰ, ਬਰਫ ਦਾ ਪੱਧਰ 19.1 ਲੱਖ ਵਰਗ ਕਿਲੋਮੀਟਰ ਤੱਕ ਹੇਠਾਂ ਆ ਗਿਆ, ਜਦੋਂ ਕਿ ਪਿਛਲੇ ਸਾਲ 25 ਫਰਵਰੀ ਨੂੰ ਸਭ ਤੋਂ ਘੱਟ 19.2 ਲੱਖ ਵਰਗ ਕਿਲੋਮੀਟਰ ਦੀ ਬਰਫਬਾਰੀ ਦਰਜ ਕੀਤੀ ਗਈ ਸੀ।