ਵਲਾਦੀਮੀਰ ਪੁਤਿਨ ਲਗਾਤਾਰ 5ਵੀਂ ਵਾਰ ਬਣੇ ਰੂਸੀ ਰਾਸ਼ਟਰਪਤੀ

ਵਲਾਦੀਮੀਰ ਪੁਤਿਨ ਨੇ ਇੱਕ ਵਾਰ ਫਿਰ ਰੂਸ ਵਿੱਚ ਰਾਸ਼ਟਰਪਤੀ ਚੋਣ ਜਿੱਤ ਲਈ ਹੈ। ਪੁਤਿਨ 5ਵੀਂ ਵਾਰ ਰੂਸ ਦੀ ਸੱਤਾ ਸੰਭਾਲਣਗੇ। ਰੂਸ ਵਿੱਚ ਰਾਸ਼ਟਰਪਤੀ ਚੋਣਾਂ ਵਿੱਚ ਵਲਾਦੀਮੀਰ ਪੁਤਿਨ ਨੇ ਰਿਕਾਰਡ ਤੋੜ ਜਿੱਤ ਹਾਸਲ ਕੀਤੀ ਹੈ। ਪੁਤਿਨ ਨੂੰ ਚੋਣਾਂ ‘ਚ 87.97 ਫੀਸਦੀ ਵੋਟਾਂ ਮਿਲੀਆਂ। ਪੁਤਿਨ 1999 ਤੋਂ ਰੂਸ ਵਿੱਚ ਸੱਤਾ ਵਿੱਚ ਹਨ। ਇਸ ਸਮੇਂ ਦੌਰਾਨ, ਇਸ ਦਿੱਗਜ ਨੇਤਾ ਨੇ ਰਾਸ਼ਟਰਪਤੀ ਅਤੇ ਪ੍ਰਧਾਨ ਮੰਤਰੀ ਦੇ ਅਹੁਦੇ ਸੰਭਾਲੇ ਹਨ। ਹੁਣ ਪੁਤਿਨ ਨੇ ਸਾਲ 2030 ਲਈ ਰਾਸ਼ਟਰਪਤੀ ਦਾ ਅਹੁਦਾ ਆਪਣੇ ਲਈ ਪੱਕਾ ਕਰ ਲਿਆ ਹੈ। ਭਾਵੇਂ ਪੁਤਿਨ ਨੇ ਚੋਣਾਂ ਵਿੱਚ ਸ਼ਾਨਦਾਰ ਜਿੱਤ ਦਰਜ ਕੀਤੀ ਹੈ। ਪਰ ਅਮਰੀਕਾ ਦਾ ਮੰਨਣਾ ਹੈ ਕਿ ਰੂਸ ਵਿੱਚ ਨਿਰਪੱਖ ਵੋਟਿੰਗ ਨਹੀਂ ਹੋਈ ਹੈ।

ਪੁਤਿਨ ਨੂੰ ਕਰੀਬ 88 ਫੀਸਦੀ ਵੋਟਾਂ ਮਿਲੀਆਂ-
ਰੂਸ ਵਿੱਚ ਤਿੰਨ ਦਿਨ ਤੱਕ ਵੋਟਿੰਗ ਪ੍ਰਕਿਰਿਆ ਜਾਰੀ ਰਹੀਆਂ ਹਨ। ਵੋਟਾਂ ਦੀ ਗਿਣਤੀ ਤੋਂ ਬਾਅਦ। ਰੂਸ ‘ਚ 11.42 ਕਰੋੜ ਵੋਟਰਾਂ ‘ਚੋਂ 72.84 ਫੀਸਦੀ ਨੇ ਚੋਣਾਂ ‘ਚ ਹਿੱਸਾ ਲਿਆ। ਇਸ ਵਾਰ ਚੋਣਾਂ ਵਿੱਚ 80 ਲੱਖ ਤੋਂ ਵੱਧ ਵੋਟਰਾਂ ਨੇ ਆਨਲਾਈਨ ਵੋਟ ਪਾਈ। ਤੁਹਾਨੂੰ ਦੱਸ ਦੇਈਏ ਕਿ ਰੂਸੀ ਚੋਣਾਂ ਵਿੱਚ ਪਹਿਲੀ ਵਾਰ ਇਲੈਕਟ੍ਰਾਨਿਕ ਵੋਟਿੰਗ ਦੀ ਵਰਤੋਂ ਕੀਤੀ ਗਈ ਸੀ। ਇਸ ਚੋਣ ਵਿੱਚ 71 ਸਾਲਾ ਪੁਤਿਨ ਦੇ ਖਿਲਾਫ ਤਿੰਨ ਉਮੀਦਵਾਰ ਮੈਦਾਨ ਵਿੱਚ ਸਨ। ਪਰ ਜਦੋਂ ਗਿਣਤੀ ਹੋਈ ਤਾਂ ਇਹ ਤਿੰਨੇ ਉਮੀਦਵਾਰ ਪੁਤਿਨ ਦੇ ਸਾਹਮਣੇ ਟਿਕ ਨਹੀਂ ਸਕੇ। ਪੁਤਿਨ ਨੇ 87.97 ਫੀਸਦੀ ਵੋਟਾਂ ਨਾਲ ਚੋਣ ਜਿੱਤੀ।