ਦੇਸ਼ ਤੋਂ ਬਾਹਰ ਨਿਕਲਣ ‘ਚ ਕਾਮਯਾਬ ਹੋਈ ਅਫਗਾਨੀ ਪੌਪ ਸਟਾਰ Aryana Sayeed

ਅਫਗਾਨਿਸਤਾਨ : ਅਫਗਾਨਿਸਤਾਨ ਦੀ ਸਭ ਤੋਂ ਵੱਡੀ ਮਹਿਲਾ ਪੌਪ ਸਟਾਰ ਆਰੀਯਾਨਾ ਸਈਦ (Aryana Sayeed) ਤਾਲਿਬਾਨ ਦੇ ਕਾਬੁਲ ਸ਼ਹਿਰ ਉੱਤੇ ਕਬਜ਼ਾ ਕਰਨ ਤੋਂ ਬਾਅਦ ਭੱਜਣ ਵਿੱਚ ਕਾਮਯਾਬ ਹੋ ਗਈ ਹੈ। ਅਫਗਾਨਿਸਤਾਨ ‘ਚ ਤਾਲਿਬਾਨ ਦੇ ਕਬਜ਼ੇ ਤੋਂ ਬਾਅਦ ਸਭ ਤੋਂ ਜ਼ਿਆਦਾ ਖਤਰਾ ਫਿਲਮ ਉਦਯੋਗ ਨਾਲ ਜੁੜੇ ਲੋਕਾਂ, ਫਿਲਮ ਨਿਰਮਾਤਾਵਾਂ, ਕਲਾਕਾਰਾਂ ਅਤੇ ਹੋਰ ਮਨੋਰੰਜਨ ਖੇਤਰਾਂ’ ਤੇ ਦੱਸਿਆ ਜਾ ਰਿਹਾ ਹੈ। ਅੋਰਤਾਂ ਅਤੇ ਬੱਚਿਆਂ ਨੂੰ ਤਸੀਹੇ ਦਿੱਤੇ ਜਾ ਰਹੇ ਹਨ।

ਆਰੀਯਾਨਾ ਸਈਦ ਨੇ ਦੱਸਿਆ ਕਿ ਉਹ ਵੀਰਵਾਰ ਨੂੰ ਕਾਬੁਲ ਤੋਂ ਚਲੀ ਗਈ ਸੀ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਇਹ ਜਾਣਕਾਰੀ ਦਿੱਤੀ ਹੈ। ਆਰੀਨਾ ਸਈਦ ਨੇ ਆਪਣੇ 10 ਲੱਖ ਤੋਂ ਵੱਧ ਇੰਸਟਾਗ੍ਰਾਮ ਫਾਲੋਅਰਜ਼ ਨੂੰ ਕਿਹਾ, ‘ਮੈਂ ਠੀਕ ਹਾਂ ਅਤੇ ਜਿੰਦਾ ਹਾਂ ਅਤੇ ਕੁਝ ਨਾ ਭੁੱਲਣਯੋਗ ਰਾਤਾਂ ਤੋਂ ਬਾਅਦ, ਮੈਂ ਦੋਹਾ, ਕਤਰ ਪਹੁੰਚ ਗਈ ਹਾਂ ਅਤੇ ਆਪਣੀ ਇਸਤਾਂਬੁਲ ਜਾਣ ਵਾਲੀ ਉਡਾਣ ਦੀ ਉਡੀਕ ਕਰ ਰਹੀ ਹਾਂ।’

ਯੂਐਸ ਕਾਰਗੋ ਜੈੱਟ

ਇਕ ਰਿਪੋਰਟ ਦੇ ਅਨੁਸਾਰ, ਜਦੋਂ ਅੋਰਤਾਂ ਅਤੇ ਲੜਕੀਆਂ ਕੱਟੜ ਤਾਲਿਬਾਨ ਲੜਾਕਿਆਂ ਤੋਂ ਉਨ੍ਹਾਂ ਦੇ ਬਚਾਅ ਲਈ ਬੇਨਤੀਆਂ ਕਰ ਰਹੀਆਂ ਹਨ, 36 ਸਾਲਾ ਆਰੀਯਾਨਾ ਸਈਦ ਨੇ ਮੀਡੀਆ ਨੂੰ ਦੱਸਿਆ ਕਿ ਉਨ੍ਹਾਂ ਨੇ ਅਮਰੀਕੀ ਕਾਰਗੋ ਜੈੱਟ ਤੋਂ ਨਿਕਲੀ ਹੈ। ਉਸਨੇ ਹਾਲ ਹੀ ਵਿੱਚ ਅਫਗਾਨ ਟੈਲੀਵਿਜ਼ਨ ‘ਤੇ ਇੱਕ ਗਾਉਣ ਵਾਲੇ ਰਿਐਲਿਟੀ ਸ਼ੋਅ ਵੀ ਜੱਜ ਕੀਤਾ ਸੀ।

ਆਰੀਯਾਨਾ ਸਈਦ ਆਪਣੇ ਆਪ ਨੂੰ ਖੁਸ਼ਕਿਸਮਤ ਸਮਝਦੀ ਹੈ ਕਿ ਉਹ ਉੱਥੇ ਭੱਜਣ ਵਿੱਚ ਕਾਮਯਾਬ ਰਹੀ । ਉਹ ਦੋਹਾ ਤੋਂ ਤੁਰਕੀ ਚਲੀ ਗਈ ਜਿੱਥੇ ਉਹ ਆਪਣੇ ਪਤੀ ਹਸੀਬ ਸਈਦ, ਜੋਕਿ ਇੱਕ ਅਫਗਾਨ ਸੰਗੀਤ ਨਿਰਮਾਤਾ ਹੈ ਦੇ ਨਾਲ ਪੂਰਾ ਸਮਾਂ ਰਹਿੰਦੀ ਹੈ ।

ਆਰੀਯਾਨਾ ਨੇ ਤਾਲਿਬਾਨੀ ਕਾਨੂੰਨ ਦੀ ਨਹੀਂ ਕੀਤੀ ਪਾਲਣਾ

ਤੁਹਾਨੂੰ ਦੱਸ ਦੇਈਏ ਕਿ ਆਰੀਅਨ ਸਈਦ ਨੇ ਅਫਗਾਨਿਸਤਾਨ ਵਿੱਚ ਰਹਿੰਦਿਆਂ ਕਦੇ ਹਿਜਾਬ ਨਹੀਂ ਪਹਿਨਿਆ ਸੀ। ਉਹ ਇੱਕ ਅੋਰਤ ਹੋਣ ਦੇ ਬਾਅਦ ਵੀ ਗਾਉਂਦੀ ਹੈ ਅਤੇ ਸਟੇਡੀਅਮ ਵਿੱਚ ਦਾਖਲ ਹੁੰਦੀ ਹੈ, ਜੋ ਤਾਲਿਬਾਨ ਦੇ ਸ਼ਾਸਨ ਵਿੱਚ ਸੰਭਵ ਨਹੀਂ ਹੈ। ਇਹ ਤਾਲਿਬਾਨ ਕਾਨੂੰਨ ਦੇ ਵਿਰੁੱਧ ਹੈ। ਇਸ ‘ਤੇ, ਇੱਕ ਮਨੁੱਖੀ ਅਧਿਕਾਰ ਕਾਰਕੁਨ ਨੇ ਟਵੀਟ ਕੀਤਾ ਅਤੇ ਲਿਖਿਆ,’ 2015 ਵਿੱਚ, ਆਰੀਨਾ ਸਈਦ ਨੇ 3 ਵਰਜਨਾਂ ਨੂੰ ਤੋੜਿਆ : 1-ਅੋਰਤ ਦੇ ਰੂਪ ਵਿੱਚ ਗਾਉਣਾ 2 : ਹਿਜਾਬ ਨਾ ਪਹਿਨਣਾ, 3 : ਅੋਰਤ ਦੇ ਰੂਪ ਵਿੱਚ ਸਟੇਡੀਅਮ ਵਿੱਚ ਦਾਖਲ ਹੋਣਾ ਜਿਸਦੀ ਤਾਲਿਬਾਨ ‘ਚ ਮਨਾਹੀ ਹੈ। ਹੁਣ ਇਹ ਸਭ ਕੁਝ ਇਕ ਸੁਪਨਾ ਬਣ ਗਿਆ ਹੈ।