ਅੰਮ੍ਰਿਤਸਰ: ਪਿੰਡ ਮੁੱਛਲ ‘ਚ ਇੱਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਆਈ ਸਾਹਮਣੇ, ਪਿਤਾ ਨੇ ਧੀ ਦਾ ਕੀਤਾ ਕ+ਤ+ਲ

11AUGUST 2023: ਅੰਮ੍ਰਿਤਸਰ ਦੇ ਥਾਣਾ ਤਰਸਿੱਕਾ ਦੇ ਅਧੀਨ ਪੈਂਦੇ ਪਿੰਡ ਮੁੱਛਲ ਦੇ ਵਿੱਚ ਇੱਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਜਿੱਥੇ ਇੱਕ ਨੌਜਵਾਨ ਲੜਕੀ ਨੂੰ ਉਸਦੇ ਪਿਤਾ ਨੇ ਹੀ ਮੌਤ ਦੇ ਘਾਟ ਉਤਾਰ ਦਿੱਤਾ ਹੈ| ਉਸਦੀ ਲਾਸ਼ ਨੂੰ ਆਪਣੇ ਮੋਟਰਸਾਇਕਲ ਦੇ ਪਿੱਛੇ ਬਣਕੇ ਪਹਿਲਾਂ ਪਿੰਡ ਵਿੱਚ ਘੁਮਾਇਆ ਤੇ ਫ਼ਿਰ ਉਸ ਦੀ ਲਾਸ਼ ਨੂੰ ਰੇਲਵੇ ਟਰੈਕ ਤੇ ਸੁੱਟ ਦਿੱਤਾ। ਪੁਲੀਸ ਅਧਿਕਾਰੀ ਵੀ ਮੌਕੇ ਤੇ ਪੁੱਜੇ, ‘ਤੇ ਉਨ੍ਹਾਂ ਵੱਲੋਂ ਜਾਂਚ ਕੀਤੀ ਸ਼ੁਰੂ ਕੀਤੀ ਗਈ।

ਇਸ ਮੌਕੇ ਮ੍ਰਿਤਕ ਲੜਕੀ ਦੇ ਪਰਿਵਾਰਿਕ ਮੈਂਬਰਾਂ ਨੇ ਦੱਸਿਆ ਕਿ ਕੱਲ੍ਹ ਦੀ ਬੇਟੀ ਘਰੋ ਚਲੀ ਗਈ ਸੀ। ਜਿਸਦਾ ਨਾਂ ਸੁਮਨਦੀਪ ਕੌਰ ਹੈ ਤੇ ਉਸਦੀ ਉਮਰ 20 ਸਾਲ ਦੇ ਕਰੀਬ ਹੈ।ਸਾਰੀ ਰਾਤ ਅਸੀ ਉਸਦੀ ਭਾਲ ਕਰਦੇ ਰਹੇ ਸਾਨੂੰ ਨਹੀਂ ਲੱਭੀ। ਅੱਜ ਸਵੇਰੇ ਆਪੇ ਘਰ ਵਾਪਿਸ ਆ ਗਈ। ਜਦੋਂ ਲੜਕੀ ਦੇ ਪਿਤਾ ਨੇ ਉਸ ਕੋਲੋ ਪੁੱਛਗਿੱਛ ਕੀਤੀ ਕੀ ਤੂੰ ਕਿੱਥੇ ਗਈ ਸੀ ਤੇ ਲੜਕੀ ਨੇ ਕੁੱਝ ਨਹੀਂ ਬੋਲਿਆ ਤਾਂ ਗੁੱਸੇ ਵਿਚ ਆਕੇ ਲੜਕੀ ਦੇ ਪਿਤਾ ਨੇ ਉਸਨੂੰ ਤੇਜਧਾਰ ਹਥਿਆਰਾਂ ਦੇ ਨਾਲ ਵੱਢ ਦਿੱਤਾ ਤੇ ਉਸ ਤੋਂ ਬਾਅਦ ਮੋਟਰ ਸਾਇਕਲ ਮਗਰ ਬਣਕੇ ਲਏ ਗਏ।

ਉਥੇ ਹੀ ਮੌਕੇ ਤੇ ਪੁੱਜੇ ਡੀਐਸਪੀ ਕੁਲਦੀਪ ਸਿੰਘ ਨੇ ਮੀਡਿਆ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਥਾਣਾ ਤਰਸਿੱਕਾ ਦੇ ਅਧੀਨ ਪੈਂਦੇ ਪਿੰਡ ਮੁੱਛਲ ਵਿੱਚ ਦਲਬੀਰ ਸਿੰਘ ਵਲੋ ਆਪਣੀ ਲੜਕੀ ਦੇ ਉਪਰ ਤੇਜਧਾਰ ਹਥਿਆਰ ਨਾਲ ਵਾਰ ਕਰਕੇ ਉਸ ਦਾ ਕਤਲ ਕਰ ਦਿੱਤਾ ਹੈ। ਲਾਸ਼ ਨੂੰ ਅਸੀ ਕਬਜੇ ਵਿੱਚ ਲੇਕੇ ਪੋਸਟਮਾਰਟਮ ਲਈ ਭੇਜਿਆ ਹੈ । ਪੁਲੀਸ ਅਧਿਕਾਰੀ ਨੇ ਦੱਸਿਆ ਕਿ ਸਾਨੂੰ ਪਤਾ ਲੱਗਾ ਹੈ ਕਿ ਲੜਕੀ ਦੇ ਕਤਲ ਤੋ ਬਾਅਦ ਓਸਦੇ ਪਿਤਾ ਨੇ ਉਸਨੂੰ ਮੋਟਰਸਾਇਕਲ ਦੇ ਨਾਲ ਬਣਕੇ ਰੇਲਵੇ ਟਰੈਕ ਤੇ ਸੁੱਟ ਦਿੱਤਾ। ਪੁਲਿਸ ਅਧਿਕਾਰੀ ਨੇ ਕਿਹਾ ਕਿ ਅਸੀਂ ਆਲੇ-ਦੁਆਲੇ ਦੇ ਸੀਸੀਟੀਵੀ ਕੈਮਰੇ ਚੈੱਕ ਕਰ ਰਹੇ ਹਾਂ ਜਲਦੀ ਹੀ ਦੋਸ਼ੀ ਨੂੰ ਕਾਬੂ ਕਰ ਲਿਆ ਜਾਵੇਗਾ|